PEMUYAN 14:8 - Kenyah New Testament

⁸ Kaʹ lepoʹ Listera kina un ca usa iaʹ lemaʹ taket te, ngan madung tuaʹ le ia, ban apet te cen tading kenai pempet. Nyahut te tisen tai masat ne.

PEMUYAN 14:8 Iomraidhean Croise

YAYA 5:7

Kun laki iaʹ sakit ina mipa ia: “Amai, abeʹ un aheʹ iaʹ ke mepo mahung akeʹ kaʹ dalem belau ini tegoʹ sungai ini ngala ne, uban ngajan nceʹ ke ngiaʹ ke tai kaʹ dalem, dulu diaʹ ca pe ading tai neng akeʹ.”

PEMUYAN 14:21

Kun Paulus de dua Barnabas pedenga Denga Injil kedalem lepoʹ Derbe. Kadoʹ dulu diaʹ nai ngelan bayaʹ katuk Tuhan. Uʹo ina, tai re dua ngeliwet kaʹ Listera, ngan kaʹ Ikunium, ngan Antiukia tanaʹ Pisidia are.

PEMUYAN 14:6

Tai tisen ne ida dua neng puyan ina, penco ketai re dua kelap kaʹ lepoʹ Listera ngan Derbe kaʹ tanaʹ Likunia, ngan dale teliling lepoʹ dina.

PEMUYAN 16:1

Tai Paulus de dua masat pabeʹ kaʹ lepoʹ Derbe, uʹo ina kaʹ lepoʹ Listera. Kaʹ ina te un ca laki iaʹ bayaʹ katuk Tuhan, ngadan ne Timutius, anak ca leto Yahudi iaʹ ngelan Tuhan. Un amai Timutius ca lepoʹ Gerika.

PEMUYAN 3:2

Kaʹ lung pamen iaʹ ngadan ne “Pamen Selawan” un ca kelunan iaʹ apet cen dalau kenai ie pempet, iaʹ lemuto nyat tuaʹ neng dulu diaʹ tai kedalem Umaʹ Palan Allah ina. Singket tau ne nai dulu nekalang ia, mahung ia kaʹ lung pamen ina.

PEMUYAN 4:9

buk ke tau ini ikem kenesek ameʹ dini neng iaʹ ameʹ ban uyan tiga neng laki iaʹ apet ini, ngan lemutu ameʹ cen mpi laki ini ban tai maget,

2 TIMUTIUS 3:11

ngan seʹ puyan dulu nyakit akeʹ ngan petuyen akeʹ. Moʹ ikoʹ tengen pe tisen neng puyan iaʹ ban sihoʹ akeʹ kaʹ Antiukia, ngan kaʹ Ikunium, ngan kaʹ Listera are. Tisen pe ikoʹ ban pasak kadoʹ penuyen iaʹ sihoʹ akeʹ. Un sepuʹo neng dina mung, Tuhan iaʹ sau akeʹ kidi.