PEMUYAN 14:3 - Kenyah New Testament

³ Majan diaʹ lawa Injil dina ngelineʹ kaʹ Ikunium ne, ngan tempa dau re badaʹ tiraʹ Tuhan. Tuhan iaʹ peluhaʹ ban lan dau katuk de neng pengelesau ue, ina ukoʹ Tuhan naʹ penyukat man nte uyan puyan nyingan ngan tedanaʹ bulen.

PEMUYAN 14:3 Iomraidhean Croise

MARKUS 16:20

Sulo tai diaʹ bayaʹ katuk ke penco badaʹ denga Injil mele kempi kempi ketai re. Mentung Tuhan iaʹ pegayeng ngan nte, peluhaʹ puyan nyingan iaʹ nedanaʹ ban katuk de telit.] [

YAYA 4:48

Un dau Yesus neng ia: “Pabeʹ ca usa mikem pe abeʹ un ngelan buk kem abeʹ un taʹan puyan nyingan ngan iaʹ salam diseʹ.”

PEMUYAN 13:46

Un Paulus ngan Barnabas makang kuʹo ke dau re dua pisiu. Kun dau re dua: “Tekep ne ameʹ nekena badaʹ tiraʹ Allah ini mikem. Un sepuʹo ikem nyekang tiraʹ Allah. Dalem puyan ina, seʹ kem ubaʹ ngukum usa hem tengen ne ina. Tepa ne ikem neng udip saheʹ keline iaʹ ngeriman. Ina iaʹ ukoʹ meʹ lepo ikem. Tai kun meʹ palaʹ dulu diaʹ tahaʹ awang Yahudi.

PEMUYAN 2:22

Sulo dau Peterus laʹa: “Ahaʹ mung cenganak keʹ lepoʹ Israil, kudaʹ pe ikem ngeringa dau isiu heʹ ini. Un ban Yesus, lepoʹ Nasarit idai, ca laki iaʹ Allah atek ban naʹ mikem. Un iaʹ peluhaʹ Yesus, ina puyan penyukat bioʹ, ngan puyan nyingan, ngan tedanaʹ bulen, iaʹ Allah lepa ban uyan kuʹun Yesus ina. Ikem tengen iaʹ tisen kidi, moʹ mung puyan ina lepa luhaʹ neng ahang ikem.

PEMUYAN 20:24

Naʹ pia pekina, abeʹ keʹ mawaʹ udip keʹ pe. Ahaʹ akeʹ senteng pelepa tulat gayeng ngkeʹ neng jo udip keʹ, iaʹ akeʹ ban alaʹ cen Tuhan Yesus are, ina ne ke badaʹ tugen puyan Denga Injil neng pengelesau Allah iaʹ ia lebang naʹ milu.

PEMUYAN 20:32

Sulo dau Paulus laʹa: “Naʹkini akeʹ pelek kem me Allah iaʹ sukat ke petubo ikem. Akeʹ pelek kem me katuk tiraʹ pengelesau Allah iaʹ sukat ke pedengkep ikem ngan naʹ mikem tulat sioʹ iaʹ Allah petenup ke naʹ me mung kelunan diaʹ anun ne.

PEMUYAN 4:31

Lepa re lemameʹ, un amin iaʹ ukoʹ de pempun tai tekicuk. Mung nte sangan kuʹun Berua Buheʹ pa re senteng penco tiraʹ Allah ngan iaʹ tempa dau.

PEMUYAN 5:32

Ameʹ dini diaʹ badaʹ tugen neng mung puyan ina, pekina pe Berua Buheʹ iaʹ Allah kenaʹ me mung kelunan iaʹ tudep bayaʹ dau ue.”

RUM 1:16

Abeʹ keʹ babak tekaʹ neng Denga Injil ini, uban ina atek penyukat Allah iaʹ ke pudip mung kelunan diaʹ ke ngelan ne. Iaʹ ading kidi lepoʹ Yahudi, un pe lepoʹ diaʹ ca puʹo ngebayaʹ.

1 TESALUNIKA 2:2

Tisen te ikem kumpin puyan dulu nyakit ameʹ ngan panyi ameʹ kaʹ lepoʹ Pilipi, kena kenai meʹ palaʹ ikem kaʹ Tesalunika. Naʹ pe ia pekina, Allah le iaʹ naʹ akang mameʹ, man meʹ badaʹ Denga Injil iaʹ nai cen ia, kenuen pe kadoʹ diaʹ ke nyekang nge.

IBERANI 2:4

Serengan ina lete Allah naʹ puyan tugen ne kidi, ngepit puyan tugen kelunan idai are, moʹ Allah iaʹ uyan tedanaʹ nyingan, ngan puyan bulen, ngan kadoʹ naʹan puyan nyingan diaʹ ca lete. Ngan laʹa, Allah lete iaʹ pesingket pencai Berua Buheʹ ina milu bayaʹ ban pengubaʹ kimet te.