PEMUYAN 14:23 - Kenyah New Testament

²³ Ida dua pedengkep kudaʹ usa diaʹ ke tuʹa re neng singet singket Mpun diaʹ ngelan Tuhan. Mentung nte lemameʹ ngan lemalan abeʹ un uman. Kun nte pelek ida dina palaʹ Tuhan, iaʹ ukoʹ de lepa napi tebelum nte.

PEMUYAN 14:23 Iomraidhean Croise

MATIUS 17:21

Un sepuʹo bali koʹ baʹan ini are, bang puyan lemameʹ ngan puyan lemalan abeʹ un uman iaʹ senteng ke pekarap ia.]”

MARKUS 3:14

ngan ia lemileʹ puloʹ dua usa ke ngadan lawa Injil. Un dau Yesus: “Akeʹ lemileʹ ikem apan ncem ke ngelineʹ ngan nceʹ.

LUKAS 2:37

Uʹo ina leto balu ne ia, pa aya puloʹ pat uman. Nyahut balu Ana ina un mecin Umaʹ Palan Allah ne. Ngahu ngan naʹ tau pe ia nyelama palaʹ Allah mentung lemalan abeʹ un uman ngan lemameʹ.

LUKAS 23:46

Sulo kun Yesus ngelengap ngan bioʹ dau ue: “Ahaʹ Amai, kedalem gaham ngkoʹ akeʹ pelek berua heʹ.” Lepa ha pekina dau, ina tai tepo laset te.

PEMUYAN 1:22

cen tading ban Yaya ngebatis Yesus, pabeʹ tau tai Yesus pejung kaʹ surga mecin ameʹ.”

PEMUYAN 1:24

Kun nte lemameʹ, un dau re: “Ahaʹ Tuhan, ikoʹ iaʹ tisen kimet kelunan mung. Tiga hoʹ badaʹ cen dua usa dini, iaʹ mpi ikoʹ lemileʹ,

PEMUYAN 11:30

Pekina pe ida pempun inu re, sulo re katu ligit de tugung Barnabas ngan Saul me diaʹ tuʹa Mpun diaʹ ngelan Tuhan kaʹ tanaʹ Yudia.

PEMUYAN 14:26

Cen ina re dua ngedung neng kapen, penco re puke tai kaʹ lepoʹ Antiukia tanaʹ Siria are, kukoʹ Mpun diaʹ ngelan Tuhan iaʹ ban pelek ida dua palaʹ pengelesau Allah tuman gayeng iaʹ ida dua lepa ban pesukung ina.

PEMUYAN 15:23

Kun nte naʹ ca surat katu tugung ida, pekini dau ue: “Ameʹ diaʹ lawa Injil, peging ngan diaʹ tuʹa Mpun diaʹ ngelan Tuhan, ameʹ diaʹ cenganak kem ke badaʹ selama tawai meʹ palaʹ diaʹ cenganak meʹ dalem Tuhan neng ahang ikem diaʹ tahaʹ awang lepoʹ Yahudi kaʹ lepoʹ Antiukia, ngan dale Siria, ngan Kilikia.

PEMUYAN 15:4

Abeʹ ne ida kaʹ Yerusalim, kenai Mpun diaʹ ngelan Tuhan kina, peging diaʹ tuʹa Mpun, ngan diaʹ lawa Injil dina, nyelalang ngan nyelama ida pat. Kun nte badaʹ mung ban pemuyan Allah kanan ida.

PEMUYAN 15:6

Un diaʹ lawa Injil dina, ngan diaʹ tuʹa Mpun, tai re pempun ke pekimet puyan ina.

PEMUYAN 20:17

Cen Militus kun Paulus cuk dulu tai kaʹ Ipesus, mengin diaʹ tuʹa Mpun diaʹ ngelan Tuhan.

PEMUYAN 20:32

Sulo dau Paulus laʹa: “Naʹkini akeʹ pelek kem me Allah iaʹ sukat ke petubo ikem. Akeʹ pelek kem me katuk tiraʹ pengelesau Allah iaʹ sukat ke pedengkep ikem ngan naʹ mikem tulat sioʹ iaʹ Allah petenup ke naʹ me mung kelunan diaʹ anun ne.

2 KURINTUS 8:19

Pit pelaʹa diaʹ Mpun lemileʹ ia ngan cuk ia masat serengan ameʹ telu diaʹ mejo gayeng pengelesau ini tuman serema peniga Tuhan, mentung badaʹ seʹ meʹ ubaʹ pepo ngan ncem.

1 TIMUTIUS 5:1

Ayen ncoʹ ngeretaʹ kelunan lataʹ, bang pekatuk ida le ikoʹ, koʹ baʹan ncoʹ pekatuk amai hoʹ are. Pekina pe me demanai, koʹ baʹan me cenganak koʹ are.

1 TIMUTIUS 5:22

Ngan ayen ncoʹ nup napoʹ ujoʹ koʹ neng dulu ke nyalet ida neng gayeng Tuhan. Ngan ayen ncoʹ tai tabin dalem penyalaʹ dulu. Petubo ne usa hoʹ neng iaʹ buheʹ.

2 TIMUTIUS 1:12

Moʹ ina ukoʹ keʹ sihoʹ tuyen neng puyan ini. Un sepuʹo abeʹ keʹ saʹe, moʹ keʹ tisen palaʹ aheʹ keʹ pesente pengelan nceʹ. Akeʹ ngelan ia sukat petubo mung uban sana heʹ, iaʹ Allah ban mahung makeʹ, pa ha tai abeʹ Tau Bioʹ.

2 TIMUTIUS 2:2

Toʹ tiraʹ katuk iaʹ akeʹ ti mikoʹ kenahan dulu diaʹ kadoʹ are, tiga hoʹ naʹ a palaʹ ida diaʹ senteng ikoʹ ke nina, diaʹ mencam pekatuk dulu diaʹ ca.

TITUS 1:5

Akeʹ pelek ikoʹ kaʹ tanaʹ Keriti cen naʹaʹ apan ncoʹ ke peteneng mung puyan iaʹ tekep ke nuyan kina, ngan pekina pe apan ncoʹ nyalet kudaʹ usa diaʹ tuʹa dalem Mpun singket singket lepoʹ. Tiga hoʹ petawai dau katuk keʹ ne.

YAKUP 5:14

Un aheʹ iaʹ un sakit tekaʹ tupe? Tekep pe ke mengin diaʹ tuʹa Mpun diaʹ ke lemameʹ mia, ngan muso kelaʹang neng ia dalem ngadan Tuhan.

1 PETERUS 5:1

Ini ca katuk keʹ me mung diaʹ tuʹa Mpun diaʹ un ngan ncem, moʹ akeʹ pe ca tuʹa Mpun pekuaʹ ngan ncem. Akeʹ iaʹ badaʹ tugen neng penuyen Keristus, ngan kahum pe akeʹ dalem serema peniga iaʹ kenai luhaʹ ʹo.

1 PETERUS 5:10

Moʹ tai lepa hem tisen tekaʹ sihoʹ tuyen iaʹ abeʹ un majan, Allah tengen iaʹ ke pedaʹam udip kem, ngan ke pedengkep ikem, ngan ke ngepali ikem, ngan ke nyalet ikem ʹo. Allah iaʹ atek puʹun mung pengelesau iaʹ mengin ikem ke pebeka dalem peniga Keristus iaʹ menyerema pa pa majan.

2 YAYA 1:1

Cen Yaya iaʹ tuʹa dalem Mpun diaʹ ngelan Tuhan: Palaʹ Tinen le iaʹ Allah nyelum, pemung ngan anak ke iaʹ atek akeʹ malaʹ dalem katuk iaʹ telit. Abeʹ e bang ca akeʹ tuaʹ le, un sepuʹo mung diaʹ ban tisen katuk iaʹ telit, diaʹ malaʹ ikem pe.

3 YAYA 1:1

Cen Yaya, tuʹa dalem Mpun diaʹ ngelan Tuhan: Palaʹ Gayus, pengemalaʹ keʹ, iaʹ atek akeʹ malaʹ lan.