PEMUYAN 14:22 - Kenyah New Testament

²² Mentung nte nyalet penawai dulu diaʹ lepa bayaʹ katuk Tuhan, ngan petagen ida ke tudep dalem pengelan nte. Pekini dau katuk de dua: “Ilu diaʹ tisen puyan pengaren Allah ngaren ilu, abeʹ senteng le are ke bayaʹ janan iaʹ un kadoʹ penaru lete.”

PEMUYAN 14:22 Iomraidhean Croise

MATIUS 10:38

Ngan pekina pe aheʹ iaʹ leko ke nyuʹun tecek, ukoʹ o ke matai, ngan bayaʹ ban janan nceʹ, abeʹ e senteng ke badaʹ ia iaʹ anun nceʹ.

MATIUS 16:24

Uʹo ina kun Yesus pisiu diaʹ bayaʹ katuk ke: “Buk aheʹ iaʹ ubaʹ kenai tugung akeʹ, tiga ha lepo pengubaʹ usa ha tengen, ngan nyuʹun tecek ke, iaʹ ukoʹ o ke matai, ngan nai bayaʹ akeʹ, ina le iaʹ senteng kenai tugung akeʹ.

MATIUS 19:24

Un pelaʹa dau heʹ mikem, masaʹ melai ca pun untaʹ ketai kaʹ dalem lubang lo, neng ʹo ca kelunan kayaʹ ketai ngkin usa ha kaʹ dalem puyan pengaren Allah.”

MARKUS 10:30

atek kelunan ina ke alaʹ liwet lete bang nge iaʹ pelapa kadoʹ ceng kajan udip ini ʹo. Lan te, ia ke un mato kadoʹ amin, ngan cenganak laki, ngan cenganak leto, ngan ueʹ, ngan anak, ngan uma, ngan mepit pelaʹa puyan dulu ke nyakit ia. Laʹa dalau udip bayaʹ ʹo atek ke ke alaʹ udip saheʹ kelineʹ iaʹ ngeriman.

MARKUS 9:47

Ngan laʹa buk mata hem iaʹ ke peluʹap kimet cem nai bayaʹ akeʹ, tiga hem miluk ke. Pulang tiga hem tisen puyan pengaren Allah ke ngaren ilu kelunan man mata hem ceng bese le, neng ʹo dua re mata hem peging ngan usa hem dulu ke pet kaʹ dalem ukum luten.

LUKAS 24:26

Moʹ abeʹ tekep lete Keristus iaʹ ngkang pungu udip ke sihoʹ tuyen ina tupe? Ina le ia kenai luhaʹ kedalem serema peniga ha.”

YAYA 15:18

“Buk dulu kusun tanaʹ miʹi neng ikem, atek kem petawai uban akeʹ iaʹ ida miʹi ading.

YAYA 15:20

Petawai dau iaʹ akeʹ lepa badaʹ mikem: ‘Abeʹ ca ulaʹ tai pelapa bioʹ cen diaʹ tuʹa ha.’ Buk de ke nyakit akeʹ, atek de ke nyakit ikem lete. Buk de bayaʹ dau katuk keʹ, atek de bayaʹ dau katuk kem lete.

YAYA 16:33

Lepa ne akeʹ badaʹ ini mikem apan ncem ke un denaʹ tawai kuʹun puyan ncem pebeka udip ngan nceʹ. Puyan usun tanaʹ ini iaʹ ke petuyen ikem, un sepuʹo ngebawaʹ ne ikem, lepa ne akeʹ nyupeʹ puyan usun tanaʹ ini.”

YAYA 3:5

Un dau Yesus: “Akeʹ badaʹ mikoʹ lan, ca usa pe abeʹ un senteng tai kaʹ dalem puyan pengaren Allah buk ke abeʹ pempet kuʹun sungai ngan kuʹun Berua Tuhan pelaʹa.

PEMUYAN 11:23

Uʹo ketai Barnabas abeʹ, tisen ne ia ban Allah iaʹ naʹ peniga mida dina, tai bangen ne kaʹ tawai ie. Penco ho pekatuk ida mung, apan denaʹ tekaʹ penawai re tudep bayaʹ Tuhan.

PEMUYAN 11:26

Dalau Barnabas petegoʹ ngan Saul, penco ho mengin ia kaʹ Antiukia. Pekina tai sukung ca uman majan ne ida dua pebulung ngan Mpun diaʹ ngelan Tuhan kina, mentung nte pekatuk dulu kina. Kaʹ Antiukia tading dulu naʹ ngadan Keristin me kelunan diaʹ bayaʹ katuk Tuhan.

PEMUYAN 11:29

Penco re diaʹ bayaʹ katuk Tuhan dina payo matu inu re, bayaʹ tekaʹ sukat de singket usa re, man nte mepo diaʹ cenganak de dalem Tuhan diaʹ ngelineʹ kaʹ tanaʹ Yudia.

PEMUYAN 13:43

Lepa ne mpun ina pasi, kenai kadoʹ lepoʹ Yahudi pemung ngan kadoʹ dulu diaʹ lepa alaʹ adet Yahudi dina, nai re bayaʹ Paulus de dua Barnabas. Kun nte dua penco tiraʹ mida, ngan petangen ida ke tudep dalem pengelesau iaʹ Allah lebang naʹ mida.

PEMUYAN 14:20

Un sepuʹo, uʹo kenai diaʹ ngelan Tuhan dina ngelimpun keliling ia, kenai Paulus beteʹ. Tai ie kedalem lepoʹ laʹa. Neng kenempam me, tai ie pemung ngan Barnabas kaʹ lepoʹ Derbe.

PEMUYAN 14:28

Majan nte dua ngelineʹ kina pemung ngan nte diaʹ ngelan Tuhan kina.

PEMUYAN 15:32

Un Yudas ngan Silas, pegawa Tuhan nte dua. Majan nte pekatuk diaʹ cenganak dalem Tuhan kina, mentung nte dua petangen ngan ngepali pengelan nte.

PEMUYAN 15:41

Sulo tai re dua pa tipo dale Siria ngan kilikia, mentung nte dua petangen singket Mpun diaʹ ngelan Tuhan kina.

PEMUYAN 18:23

Kudaʹ majan pe ia ngelineʹ kina, penco tai ie puke neliling pa tipo tanaʹ Galatia ngan Perigia, mentung nge ngepali penawai mung nte diaʹ ngelan Tuhan dina.

PEMUYAN 6:7

Tai libut kuʹo ne denga tiraʹ Allah, ngan nai un pit un pit ne kadoʹ de diaʹ bayaʹ katuk Tuhan kaʹ lepoʹ Yerusalim. Kadoʹ pe ida diaʹ detaʹu nai ngelan bayaʹ Yesus.

PEMUYAN 9:16

Akeʹ tengen ke badaʹ mia neng mung tuyen iaʹ tekep ke sihoʹ ia moʹ kuʹun ngadan nceʹ.”

RUM 8:17

Moʹ le anak ke, inu iaʹ Allah ban pedemun me diaʹ anun ne, ilu ke un ne. Ngan inu iaʹ Allah pedemun me Keristus, ke pemung pe ilu ke un ne ngan ne pelaʹa. Moʹ buk le pemung penuyen ngan Keristus, ilu lete ke pemung ngan ne dalem serema peniga ha ʹo.

1 KURINTUS 1:8

Ngan pekina puyan ne pubo ikem salet salet pabeʹ pengelepa ha, apan ncem are un penyalaʹ tegoʹ kenai Tau Tuhan le Yesus Keristus.

PILIPI 1:29

Bioʹ lesau Allah iaʹ ban pebeka ikem dalem Keristus. Abeʹ e bang ngelan tuaʹ le, un sepuʹo ke sihoʹ tuyen pe ikem moʹ kuʹun Keristus ina.

KULUSE 1:23

Tuman ina, tekep lete ikem penco tudep neng usun tentan iaʹ salet ina. Ngan ayen ncem pedayo dulu ke ngala ikem neng tebelum ngkem iaʹ ikem lepa alaʹ tegoʹ kem kenahan neng tebelum ngkem iaʹ ikem lepa alaʹ tegoʹ kem kenahan dau Denga Injil ina are. Akeʹ ne Paulus iaʹ lepa tai nuyan ulaʹ ban tuman Denga Injil ina, iaʹ ina Denga Injil iaʹ lepa ban pedenga palaʹ kelunan kusun tanaʹ ini.

1 TESALUNIKA 3:13

Ngan janan ini Tuhan ke nyalet penawai hem, ngan ikem ke nuyan iaʹ daʹam dalem udip buheʹ neng juma Allah iaʹ Amai Bioʹ le, tegoʹ Tuhan le Yesus ke kenai luhaʹ ngan mung kelunan diaʹ ban anun ne.

2 TIMUTIUS 1:8

Moʹ ina, ayen saʹe ke badaʹ tugen neng puyan Tuhan iaʹ ban Tuʹa le. Pekina pe ayen saʹe suaʹ akeʹ moʹ keʹ sepin ban kuʹun Tuhan, di lareʹ tiga hoʹ ngihen penuyen kuʹun Denga Injil, bayaʹ ban penyukat iaʹ Allah ke naʹ mikoʹ utung nge.

2 TIMUTIUS 3:12

Lan lete mung dulu diaʹ ubaʹ ke mudip temek bayaʹ Allah pemung dalem Keristus Yesus, atek de ke sihoʹ tuyen kuʹun dulu.

1 PETERUS 2:21

Moʹ neng puyan ini ne Allah nengangan ban mengin ikem: moʹ lepa ne Keristus sihoʹ tuyen suaʹ ikem, ngan mahung ca kata mikem, apan ncem mencam tai bayaʹ uban puyan ne.

1 PETERUS 5:10

Moʹ tai lepa hem tisen tekaʹ sihoʹ tuyen iaʹ abeʹ un majan, Allah tengen iaʹ ke pedaʹam udip kem, ngan ke pedengkep ikem, ngan ke ngepali ikem, ngan ke nyalet ikem ʹo. Allah iaʹ atek puʹun mung pengelesau iaʹ mengin ikem ke pebeka dalem peniga Keristus iaʹ menyerema pa pa majan.

1 PETERUS 5:9

Salet le ikem dalem pengelan ncem, ngan nyekang ne ia. Moʹ tisen te ikem ban mung cenganak kem dalem Tuhan, iaʹ un pa libut usun tanaʹ ini, nco pe ida sihoʹ tuyen koʹ baʹan ikem lete.

2 PETERUS 1:11

Moʹ neng janan iaʹ pekina, bioʹ ukoʹ kem ke tai kedalem puyan pengaren Tuhan iaʹ ke ngeriman ngaren ilu, iaʹ ina Tuhan le Yesus Keristus, Laki iaʹ Keniga Udip.

YAHUDA 1:3

Ahaʹ cenganak keʹ diaʹ akeʹ malaʹ, tekaʹ sedep keʹ are, ubaʹ ke pemuʹo tekaʹ penyanget ceʹ ke nyurat palaʹ ikem neng puyan iaʹ ke pudip ilu dalem Tuhan, iaʹ ilu ban pemung un. Un kaʹ kenai kimet ceʹ laʹa ke nyurat ca naʹan iaʹ ke petangen ikem ke pali ngkang katuk pengelan ini, iaʹ Allah lepa naʹ me ilu diaʹ anun ne ca liwai lan lan le.

PUYAN LUHA’ 1:9

Akeʹ ne Yaya iaʹ cenganak kem. Moʹ le pebeka ngan Yesus, akeʹ iaʹ pebulung ngan ncem neng tuyen. Pekina pe ilu pebulung dalem gaham pengaren ne, ngan pekina pe puyan le nengayet neng penaru. Lepa ne dulu nyepin akeʹ kaʹ tanaʹ ia dulu pisiu Patmus moʹ suaʹ keʹ ban badaʹ tiraʹ Allah ngan katuk telit, iaʹ Yesus peluhaʹ milu.

PUYAN LUHA’ 2:10

Ayen ncem takut neng penaru iaʹ kenai nantaʹ ikem uʹo. Nawai dau heʹ, ban Bali Jaʹat ina ke ten ikem, ngan ia ke naʹ palai mikem kedalem sepin. Puloʹ tau pengemajan ncem ke sihoʹ taru uʹo. Semamet ne bayaʹ akeʹ. Naʹ pia seʹ ketai pesen neng patai, atek keʹ ke naʹ ca tapung keriman mikem uʹo.

PUYAN LUHA’ 7:14

Un dau heʹ neng ia: “Abeʹ keʹ tisen amai. Ikoʹ iaʹ tisen.” Un dau ue neng akeʹ pelaʹa: “Ini re kelunan diaʹ lepa ban nai lapa penaru iaʹ bioʹ ina. Lepa ne ida muheʹ sapai re ngan ngeputeʹ e man dahaʹ Anak Dumba ina.