PEMUYAN 14:21 - Kenyah New Testament

²¹ Kun Paulus de dua Barnabas pedenga Denga Injil kedalem lepoʹ Derbe. Kadoʹ dulu diaʹ nai ngelan bayaʹ katuk Tuhan. Uʹo ina, tai re dua ngeliwet kaʹ Listera, ngan kaʹ Ikunium, ngan Antiukia tanaʹ Pisidia are.

PEMUYAN 14:21 Iomraidhean Croise

MATIUS 28:19

Tuman ina, tai ne ikem palaʹ mung puhoʹ kelunan, mele kempi kempi kusun tanaʹ ini, ngan uyan ida kelunan diaʹ bayaʹ katuk keʹ. Ngan ngebatis ida man ngadan Amai Bioʹ, ngan Anak, ngan Berua Buheʹ.

PEMUYAN 13:14

Ketai Paulus ngan Barnabas penco masat cen Perga pa abeʹ kaʹ Antiukia kaʹ tanaʹ Pisidia. Sulo ketai re madung kedalem amin sebayang Yahudi tegoʹ Tau Kelineʹ.

PEMUYAN 13:51

Kun nte dua lawa Injil dina nekaʹ abu taket de, uyan ca tedanaʹ neng lepoʹ ina, penco tai re kaʹ lepo Ikunium.

PEMUYAN 14:1

Kuaʹ koʹ baʹan puyan ina are pelaʹa kaʹ lepoʹ Ikunium. Tai Paulus de dua Barnabas kedalem amin sebayang Yahudi. Kun nte dua penco pekatuk kidi. Kadoʹ dulu nai ngelan Tuhan, un pe Yahudi, pekina pe lepoʹ diaʹ ca.

PEMUYAN 14:15

Kun dau re dua: “Ahaʹ amai amai, inu adeʹ kem uyan puyan ini tupe? Kelunan tuaʹ lete ameʹ dini, koʹ baʹan ikem ne. Nai meʹ badaʹ Denga Injil mikem, apan ncem ke lepo puyan iaʹ abeʹ un tuman tuman ini ʹo, ngan nai piwaʹ palaʹ Allah iaʹ atek mudip, iaʹ uyan langit, ngan tanaʹ, ngan banget, ngan ketoʹ diaʹ kedalem me.

PEMUYAN 14:19

Nai pelaʹa lepoʹ Yahudi cen Antiukia iaʹ kaʹ tanaʹ Pisidia are, abeʹ kaʹ ina. Penco re pekana dulu kina ke lemulo Paulus, sulo re mihit ia kawang lepoʹ. Ida kenaʹ matai ne ia.

PEMUYAN 14:26

Cen ina re dua ngedung neng kapen, penco re puke tai kaʹ lepoʹ Antiukia tanaʹ Siria are, kukoʹ Mpun diaʹ ngelan Tuhan iaʹ ban pelek ida dua palaʹ pengelesau Allah tuman gayeng iaʹ ida dua lepa ban pesukung ina.

PEMUYAN 14:6

Tai tisen ne ida dua neng puyan ina, penco ketai re dua kelap kaʹ lepoʹ Listera ngan Derbe kaʹ tanaʹ Likunia, ngan dale teliling lepoʹ dina.

PEMUYAN 14:7

Kaʹ ina te pelaʹa, kun nte badaʹ Denga Injil ina.

PEMUYAN 14:8

Kaʹ lepoʹ Listera kina un ca usa iaʹ lemaʹ taket te, ngan madung tuaʹ le ia, ban apet te cen tading kenai pempet. Nyahut te tisen tai masat ne.

PEMUYAN 15:36

Kudaʹ tau cen uʹo ina laʹa, un dau Paulus neng Barnabas: “Baka, tiga tua tai menoʹ diaʹ cenganak le dalem Tuhan kaʹ singket singket lepoʹ iaʹ kukoʹ ban tua badaʹ tiraʹ Tuhan are. Tai naʹat ida, kumpin seʹ ban puyan nte.”

PEMUYAN 16:2

Mung diaʹ cenganak dalem Tuhan kaʹ lepoʹ Ikunium ngan lepoʹ Listera pada Timutius.

PEMUYAN 2:47

mentung nte pempau Allah, ngan sihoʹ neng pengubaʹ lepoʹ ina mung. Singket tau ne Tuhan ngepit Mpun nte kuʹun dulu diaʹ tisen puyan iaʹ pudip ida dalem Tuhan.

2 TIMUTIUS 3:11

ngan seʹ puyan dulu nyakit akeʹ ngan petuyen akeʹ. Moʹ ikoʹ tengen pe tisen neng puyan iaʹ ban sihoʹ akeʹ kaʹ Antiukia, ngan kaʹ Ikunium, ngan kaʹ Listera are. Tisen pe ikoʹ ban pasak kadoʹ penuyen iaʹ sihoʹ akeʹ. Un sepuʹo neng dina mung, Tuhan iaʹ sau akeʹ kidi.