PEMUYAN 14:20 - Kenyah New Testament

²⁰ Un sepuʹo, uʹo kenai diaʹ ngelan Tuhan dina ngelimpun keliling ia, kenai Paulus beteʹ. Tai ie kedalem lepoʹ laʹa. Neng kenempam me, tai ie pemung ngan Barnabas kaʹ lepoʹ Derbe.

PEMUYAN 14:20 Iomraidhean Croise

PEMUYAN 11:26

Dalau Barnabas petegoʹ ngan Saul, penco ho mengin ia kaʹ Antiukia. Pekina tai sukung ca uman majan ne ida dua pebulung ngan Mpun diaʹ ngelan Tuhan kina, mentung nte pekatuk dulu kina. Kaʹ Antiukia tading dulu naʹ ngadan Keristin me kelunan diaʹ bayaʹ katuk Tuhan.

PEMUYAN 11:29

Penco re diaʹ bayaʹ katuk Tuhan dina payo matu inu re, bayaʹ tekaʹ sukat de singket usa re, man nte mepo diaʹ cenganak de dalem Tuhan diaʹ ngelineʹ kaʹ tanaʹ Yudia.

PEMUYAN 12:17

Kun Peterus pekata seʹ man ujoʹ o ke peberinga ida. Penco ho badaʹ mida kumpin ban Tuhan ngkin ia kawang cen amin sepin ina. Kun Peterus cuk ida badaʹ puyan ina me Yakup ngan diaʹ cenganak de diaʹ ca dalem Tuhan ne ʹo. Uʹo ina kun ne mecin ngan tai kaʹ ca te.

PEMUYAN 14:22

Mentung nte nyalet penawai dulu diaʹ lepa bayaʹ katuk Tuhan, ngan petagen ida ke tudep dalem pengelan nte. Pekini dau katuk de dua: “Ilu diaʹ tisen puyan pengaren Allah ngaren ilu, abeʹ senteng le are ke bayaʹ janan iaʹ un kadoʹ penaru lete.”

PEMUYAN 14:28

Majan nte dua ngelineʹ kina pemung ngan nte diaʹ ngelan Tuhan kina.

PEMUYAN 14:6

Tai tisen ne ida dua neng puyan ina, penco ketai re dua kelap kaʹ lepoʹ Listera ngan Derbe kaʹ tanaʹ Likunia, ngan dale teliling lepoʹ dina.

PEMUYAN 16:1

Tai Paulus de dua masat pabeʹ kaʹ lepoʹ Derbe, uʹo ina kaʹ lepoʹ Listera. Kaʹ ina te un ca laki iaʹ bayaʹ katuk Tuhan, ngadan ne Timutius, anak ca leto Yahudi iaʹ ngelan Tuhan. Un amai Timutius ca lepoʹ Gerika.

PEMUYAN 16:40

Lepa Paulus ngan Silas nai kawang cen amin sepin ina, penco tai re dua kaʹ amin Lidia. Kina re dua petegoʹ ngan mung diaʹ cenganak dalem Tuhan kina, kun nte penco katuk iaʹ petangen ida. Uʹo ina tai re dua puke pelaʹa.

PEMUYAN 20:1

Uʹo bikaʹ ina pekenaʹ, kun Paulus mengin diaʹ bayaʹ katuk Tuhan dina nai pempun. Sulo ho pekatuk ngan petangen dau mida. Uʹo ina ha badaʹ nyaheʹ mida kena ha ke puke tai kaʹ tanaʹ Makedunia.

2 KURINTUS 6:9

Ameʹ iaʹ koʹ baʹan kelunan iaʹ dulu abeʹ un tisen, un sepuʹo kelunan mung tisen ameʹ. Ameʹ iaʹ koʹ baʹan kelunan iaʹ lepa matai, un sepuʹo ikem iaʹ tisen mudip ne ameʹ. Naʹ pe dulu lepa mukum ameʹ, abeʹ de lematai ameʹ.