PEMUYAN 14:19 - Kenyah New Testament

¹⁹ Nai pelaʹa lepoʹ Yahudi cen Antiukia iaʹ kaʹ tanaʹ Pisidia are, abeʹ kaʹ ina. Penco re pekana dulu kina ke lemulo Paulus, sulo re mihit ia kawang lepoʹ. Ida kenaʹ matai ne ia.

PEMUYAN 14:19 Iomraidhean Croise

PEMUYAN 13:14

Ketai Paulus ngan Barnabas penco masat cen Perga pa abeʹ kaʹ Antiukia kaʹ tanaʹ Pisidia. Sulo ketai re madung kedalem amin sebayang Yahudi tegoʹ Tau Kelineʹ.

PEMUYAN 13:45

Kun palai lepoʹ Yahudi dina taʹan ban kadoʹ kenai dulu, miʹet laleʹ le ida. Seʹ de nyakat tiraʹ Paulus ngan pejaʹat dau neng ia.

PEMUYAN 14:1

Kuaʹ koʹ baʹan puyan ina are pelaʹa kaʹ lepoʹ Ikunium. Tai Paulus de dua Barnabas kedalem amin sebayang Yahudi. Kun nte dua penco pekatuk kidi. Kadoʹ dulu nai ngelan Tuhan, un pe Yahudi, pekina pe lepoʹ diaʹ ca.

PEMUYAN 14:18

Naʹ pe pekina dau re dua pisiu, pekece kesupeʹ lawa Injil dina ke mulen dulu kina mencai liwa palaʹ ida dua.

PEMUYAN 14:2

Un palai lepoʹ Yahudi diaʹ abeʹ un ubaʹ ke ngelan dina, kun nte pekana dulu diaʹ ca, ngan pesakit kimet de, apan nte ke nyakat diaʹ cenganak le dalem Tuhan dina.

PEMUYAN 14:21

Kun Paulus de dua Barnabas pedenga Denga Injil kedalem lepoʹ Derbe. Kadoʹ dulu diaʹ nai ngelan bayaʹ katuk Tuhan. Uʹo ina, tai re dua ngeliwet kaʹ Listera, ngan kaʹ Ikunium, ngan Antiukia tanaʹ Pisidia are.

PEMUYAN 14:26

Cen ina re dua ngedung neng kapen, penco re puke tai kaʹ lepoʹ Antiukia tanaʹ Siria are, kukoʹ Mpun diaʹ ngelan Tuhan iaʹ ban pelek ida dua palaʹ pengelesau Allah tuman gayeng iaʹ ida dua lepa ban pesukung ina.

PEMUYAN 14:4

Mung dulu diaʹ dalem lepoʹ ina pebese dua re. Un pe ceng bese mayo diaʹ tahaʹ lepoʹ Yahudi, un ceng bese pelaʹa mayo diaʹ lawa Injil dina.

PEMUYAN 14:5

Uʹo ina pelaʹa tai peseket ne palai lepoʹ Yahudi, ngan diaʹ ca dina, peging ngan pengelataʹ lepoʹ de, ubaʹ ke ngejaʹat ngan ke lemulo batu neng Paulus ngan Barnabas, diaʹ lawa Injil dina.

PEMUYAN 15:26

Ida dini diaʹ pueng tekaʹ pelek pengudip de palaʹ Yesus Keristus Tuhan le.

PEMUYAN 17:13

Un sepuʹo dalau lepoʹ Yahudi iaʹ kaʹ Tisalunika ne tisen ban Paulus iaʹ badaʹ tiraʹ Allah kaʹ Beria, nai kun nte kaʹ ina. Penco re ngasing kimet dulu ngan pebingaʹ lepoʹ ina.

PEMUYAN 22:20

Un pelaʹa dalau dulu lematai Stipanus iaʹ badaʹ tugen neng ikoʹ are, un pe akeʹ kaʹ ina. Akeʹ ngahaʹ dulu lematai ia, ngan akeʹ ia mengau sapai kelunan diaʹ lematai ia.’

PEMUYAN 7:58

Sulo re pet ia kaʹ awang lepoʹ, mentung nte lemulo ia. Mung diaʹ ban badaʹ tugen are, ida mahung sapai re ngan ca laki iaʹ iʹut udip, ngadan ne Saul.

PEMUYAN 9:16

Akeʹ tengen ke badaʹ mia neng mung tuyen iaʹ tekep ke sihoʹ ia moʹ kuʹun ngadan nceʹ.”

1 KURINTUS 15:31

Ahaʹ cenganak, singket tau ne akeʹ nengayet neng puyan patai. Akeʹ pekini dau moʹ tekaʹ keʹ selum tuman ikem, tuman puyan pengudip le iaʹ pebulung kaʹ dalem Keristus Yesus, Tuhan le.

2 KURINTUS 11:23

Ida diaʹ ulaʹ Keristus mo? Naʹ pe akeʹ koʹ baʹan dau kelunan buling are, di lareʹ akeʹ ini pe ulaʹ iaʹ tiga neng ʹo ida. Buk le pekimet gayeng, akeʹ iaʹ pelapa sanget pegayeng. Ngan puyan le sihoʹ sepin, akeʹ iaʹ kadoʹ liwai sihoʹ o. Ngan puyan dulu lemeta ilu, akeʹ iaʹ kadoʹ liwai sihoʹ o, ngan akeʹ iaʹ kadoʹ liwai nyeng nyeng ke matai.

2 KURINTUS 11:25

Telu liwai kelunan Rum lemeta akeʹ. Ca liwai dulu lemulo batu neng akeʹ. Telu liwai heʹ kahum tegoʹ kapen kaham. Ca liwai ie un dua puloʹ pat jam ngkeʹ dalam banget.

2 KURINTUS 11:26

Dalem pengaset ceʹ un kudaʹ liwai heʹ taru kuʹun sungai lempam, pekina pe taru kuʹun kejamun, pekina pe taru kuʹun kelunan, kuaʹ Yahudi pekina pe kuʹun dulu diaʹ ca lete. Un pe taru kaʹ lepoʹ bioʹ, un pe taru kaʹ dalau baʹi, un pe taru kaʹ banget, un pe taru kuʹun cenganak palo lete.

1 TESALUNIKA 2:14

Ahaʹ cenganak cenganak, puyan iaʹ sihoʹ ikem are, puyan kuaʹ ina lete iaʹ sihoʹ singket Mpun diaʹ ngelan Allah kaʹ tanaʹ Yudia, ida diaʹ anun Keristus Yesus ina. Ikem lete iaʹ sihoʹ tuyen kuʹun diaʹ lepoʹ kem tengen, kuaʹ baʹan ida lepa sihoʹ tuyen kuʹun lepoʹ Yahudi are.

2 TIMUTIUS 3:11

ngan seʹ puyan dulu nyakit akeʹ ngan petuyen akeʹ. Moʹ ikoʹ tengen pe tisen neng puyan iaʹ ban sihoʹ akeʹ kaʹ Antiukia, ngan kaʹ Ikunium, ngan kaʹ Listera are. Tisen pe ikoʹ ban pasak kadoʹ penuyen iaʹ sihoʹ akeʹ. Un sepuʹo neng dina mung, Tuhan iaʹ sau akeʹ kidi.