PEMUYAN 14:15 - Kenyah New Testament

¹⁵ Kun dau re dua: “Ahaʹ amai amai, inu adeʹ kem uyan puyan ini tupe? Kelunan tuaʹ lete ameʹ dini, koʹ baʹan ikem ne. Nai meʹ badaʹ Denga Injil mikem, apan ncem ke lepo puyan iaʹ abeʹ un tuman tuman ini ʹo, ngan nai piwaʹ palaʹ Allah iaʹ atek mudip, iaʹ uyan langit, ngan tanaʹ, ngan banget, ngan ketoʹ diaʹ kedalem me.

PEMUYAN 14:15 Iomraidhean Croise

MATIUS 16:16

Un dau Simun Peterus mipa ia: “Ikoʹ lete Keristus iaʹ ngkang pungu udip, Anak Allah iaʹ mudip.”

YAYA 5:26

Ukoʹ baʹan Amai ina tengen iaʹ puʹun udip, kuaʹ ina lete ia uyan Anak ke iaʹ puʹun udip.

YAYA 7:18

Kelunan aheʹ iaʹ pisiu man pengubaʹ a tengen, seʹ e ubaʹ pada ia loʹ. Un sepuʹo aheʹ iaʹ ubaʹ pada mia iaʹ cuk ia nai, laki ina iaʹ telit kimet, abeʹ un inu iaʹ palo neng ia.

PEMUYAN 10:26

Kun Peterus cuk ia beteʹ. Un dau ue: “Nekejeng ne ikoʹ. Akeʹ ini ca kelunan lete.”

PEMUYAN 13:32

Ameʹ dini iaʹ nai ke pedenga Denga Injil mikem. Ina puyan iaʹ Allah ban petuket ngan tepun le cen naʹa are.

PEMUYAN 14:21

Kun Paulus de dua Barnabas pedenga Denga Injil kedalem lepoʹ Derbe. Kadoʹ dulu diaʹ nai ngelan bayaʹ katuk Tuhan. Uʹo ina, tai re dua ngeliwet kaʹ Listera, ngan kaʹ Ikunium, ngan Antiukia tanaʹ Pisidia are.

PEMUYAN 14:7

Kaʹ ina te pelaʹa, kun nte badaʹ Denga Injil ina.

PEMUYAN 16:30

Uʹo ina, kun ne ngkin ida dua kawang. Un dau ue: “Ahaʹ amai, kumpin iaʹ ke tekep pemuyan nceʹ apan nceʹ senteng alaʹ iaʹ ke pudip akeʹ dalem Tuhan tupe?”

PEMUYAN 27:10

Un dau ue neng ida: “Ahaʹ cenganak, tisen nceʹ neng asat le ini ke sihoʹ taru le ʹo. Galen le, kapen ini, peging ngan usa kelunan ke tampan uʹo.”

PEMUYAN 27:21

Majan laleʹ ne ida dina abeʹ un uman. Kenai Paulus nekejeng neng ahang ida. Un dau ue: “Ahaʹ cenganak, awaʹ pe ikem ngeringa dau tiraʹ keʹ dalau idai are, iaʹ mulen ilu kenai puke cen Keriti are. Buk ke ina ilu kanan are, abeʹ le ke sihoʹ taru ngan ngebura inu le.

PEMUYAN 27:25

Ahaʹ cenganak, moʹ pekina dau melikat makeʹ, ngahing ne tekaʹ tawai hem. Akeʹ ngelan Allah. Mung dau isiu ue ina atek ketai nuyan lete ʹo.

PEMUYAN 4:24

Tegoʹ cenganak de dalem Tuhan dina kenahan dau ina, penco re pemung lemameʹ palaʹ Allah ngan ca le penawai re: “Ahaʹ Tuhan, ikoʹ lete iaʹ uyan langit, ngan tanaʹ, ngan banget, ngan mung iaʹ un dalem mo.

PEMUYAN 7:26

Tegoʹ neng kenempam me laʹa, kun Musa petegoʹ ngan dua usa Israil pekenca. Kun ne mulen ida dua pekenca, ten ke uyan tiga saheʹ mida, kun dau ue: ‘Ahaʹ cenganak, pecenganak kem dua. Inu adeʹ kem pesakit tupe?’

1 KURINTUS 8:4

Neng puyan uman penguman iaʹ dulu lepa mencai me bali uyat, ilu tisen uban uyat ina nyeleket ca inu iaʹ abeʹ un un. Ngan tisen te ilu bang ca le Allah.

IPESUS 4:17

Ina ukoʹ keʹ pisiu ikem dalem ngadan Tuhan, ngan tengayet kaʹ keʹ ke mulen ikem mudip koʹ baʹan diseʹ diaʹ muau Tuhan, diaʹ abeʹ un tuman tuman kimet de,

1 TESALUNIKA 1:9

Mung kelunan dina badaʹ kumpin puyan ncem nyelama alaʹ ameʹ dalau tai meʹ menoʹ ikem cen naʹaʹ are. Ngan pekina pe ida badaʹ kumpin puyan ncem nyepuleʹ kimet cem cen uyat, ngan sileʹ palaʹ Tuhan Allah, sulo tunuk palaʹ Allah iaʹ lan ngan iaʹ mudip.

1 TIMUTIUS 3:15

Un sepuʹo buk keʹ duʹai ʹo, tisen te ikoʹ kuʹun surat ceʹ ini neng puyan adet iaʹ tekep milu diaʹ mudip dalem pengamin Allah, iaʹ ina Mpun diaʹ ngelan Allah iaʹ mudip, Mpun iaʹ atek sukaʹ ngan tentan katuk telit.

IBERANI 3:12

Ahaʹ cenganak cenganak keʹ, nawai tiga tiga malap ca usa neng ahang ikem ke alaʹ kimet jaʹat iaʹ leko ngelan, pa ha duncau cen Allah iaʹ mudip.

YAKUP 5:17

Cen naʹaʹ are, Ilia ca kelunan kuaʹ layen ilu lete, kun ne lemameʹ ngan taten dau nyat ayen un ujan, sulo abeʹ un ujan kaʹ tanaʹ ina pa dalem telu uman pa beluaʹ.

PUYAN LUHA’ 14:7

Ngan bioʹ dau ue ngelengap: “Nyelumuk ne neng Allah. Pada ne seʹ pengebioʹ puyan ne, moʹ lepa abeʹ ne jakaʹ a ke pebetep ukum neng kelunan. Nyelama ne palaʹ Allah iaʹ lepa ban uyan langit, ngan tanaʹ, ngan sungai, ngan mung lubang tebut ne.”

PUYAN LUHA’ 19:10

Kun nceʹ muʹup kata taket melikat ina ke lemameʹ palaʹ ia. Un dau ue neng akeʹ: “Ayen ti pekina, akeʹ ne ca ulaʹ Allah pekuaʹ ngan ncoʹ lete, pekuaʹ ngan cenganak koʹ iaʹ mampin katuk telit, iaʹ nai luhaʹ kuʹun Yesus. Bang Allah le ilu lemameʹ.” Kuʹun katuk telit iaʹ Yesus peluhaʹ milu, ina iaʹ petangen pegawa Tuhan ke penco katuk milu.

PUYAN LUHA’ 19:19

Uʹo ina akeʹ taʹan pelaʹa pun jaʹat idai, pemung ngan diaʹ paren kusun tanaʹ, peging ngan bawa ha. Seʹ de pempun ubaʹ ke pepatai ngan laki iaʹ ngedung neng kuda ina, peging ngan bawa ha.

PUYAN LUHA’ 22:9

Un dau ue neng akeʹ: “Ayen ti pekina. Akeʹ pe ca iaʹ pegayeng mia pekuaʹ ngan ncoʹ lete, pemung ngan cenganak koʹ diaʹ pegawa dina, ngan mung kelunan diaʹ semamet bayaʹ dau tiraʹ dalem Kitap ini. Lemameʹ palaʹ Allah.”

PUYAN LUHA’ 4:11

“Ahaʹ Allah, Tuhan meʹ, bang ikoʹ iaʹ tekep alaʹ serema peniga, ngan selama, ngan penyukat, moʹ bang ikoʹ le iaʹ ban uyan mung inu ne. Moʹ kuʹun pengubaʹ kimet coʹ mung inu lepa nuyan ngan mudip.”