PEMUYAN 14:1 - Kenyah New Testament

¹ Kuaʹ koʹ baʹan puyan ina are pelaʹa kaʹ lepoʹ Ikunium. Tai Paulus de dua Barnabas kedalem amin sebayang Yahudi. Kun nte dua penco pekatuk kidi. Kadoʹ dulu nai ngelan Tuhan, un pe Yahudi, pekina pe lepoʹ diaʹ ca.

PEMUYAN 14:1 Iomraidhean Croise

MARKUS 7:26

Leto ina ca lepoʹ aloʹ, ngan lepoʹ Penisia kaʹ tanaʹ Siria iaʹ kukoʹ kenai ie pempet. Ngan lapen dau ue nyat Yesus ke pekarap bali cen anak ke.

YAYA 12:20

Un palai kelunan Gerika kahang dulu diaʹ tai lemameʹ tegoʹ Adet Bunut kaʹ Yerusalim re.

YAYA 7:35

Kelunan lataʹ lepoʹ Yahudi pisiu kahang ida selepeʹ: “Kempi ia ketai iaʹ ukoʹ le abeʹ un senteng ke taʹan ia tupe? Un ne ubaʹ tai ngan lepoʹ ilu Yahudi diaʹ mudip kaʹ lepoʹ Gerika taʹin, ngan penco pekatuk dulu kaʹ lepoʹ Gerika?

PEMUYAN 11:21

Moʹ ban un nyingan Tuhan luhaʹ tugung ida dina, ina ukoʹ kadoʹ laleʹ dulu diaʹ ngelan ngan pupa nai bayaʹ Tuhan.

PEMUYAN 13:43

Lepa ne mpun ina pasi, kenai kadoʹ lepoʹ Yahudi pemung ngan kadoʹ dulu diaʹ lepa alaʹ adet Yahudi dina, nai re bayaʹ Paulus de dua Barnabas. Kun nte dua penco tiraʹ mida, ngan petangen ida ke tudep dalem pengelesau iaʹ Allah lebang naʹ mida.

PEMUYAN 13:46

Un Paulus ngan Barnabas makang kuʹo ke dau re dua pisiu. Kun dau re dua: “Tekep ne ameʹ nekena badaʹ tiraʹ Allah ini mikem. Un sepuʹo ikem nyekang tiraʹ Allah. Dalem puyan ina, seʹ kem ubaʹ ngukum usa hem tengen ne ina. Tepa ne ikem neng udip saheʹ keline iaʹ ngeriman. Ina iaʹ ukoʹ meʹ lepo ikem. Tai kun meʹ palaʹ dulu diaʹ tahaʹ awang Yahudi.

PEMUYAN 13:5

Dalau re abeʹ kaʹ lepoʹ Salamis, kun nte badaʹ tiraʹ Allah dalem amin sebayang Yahudi. Un Yaya Markus, ia mepo ida dua.

PEMUYAN 13:51

Kun nte dua lawa Injil dina nekaʹ abu taket de, uyan ca tedanaʹ neng lepoʹ ina, penco tai re kaʹ lepo Ikunium.

PEMUYAN 14:19

Nai pelaʹa lepoʹ Yahudi cen Antiukia iaʹ kaʹ tanaʹ Pisidia are, abeʹ kaʹ ina. Penco re pekana dulu kina ke lemulo Paulus, sulo re mihit ia kawang lepoʹ. Ida kenaʹ matai ne ia.

PEMUYAN 14:2

Un palai lepoʹ Yahudi diaʹ abeʹ un ubaʹ ke ngelan dina, kun nte pekana dulu diaʹ ca, ngan pesakit kimet de, apan nte ke nyakat diaʹ cenganak le dalem Tuhan dina.

PEMUYAN 14:21

Kun Paulus de dua Barnabas pedenga Denga Injil kedalem lepoʹ Derbe. Kadoʹ dulu diaʹ nai ngelan bayaʹ katuk Tuhan. Uʹo ina, tai re dua ngeliwet kaʹ Listera, ngan kaʹ Ikunium, ngan Antiukia tanaʹ Pisidia are.

PEMUYAN 16:1

Tai Paulus de dua masat pabeʹ kaʹ lepoʹ Derbe, uʹo ina kaʹ lepoʹ Listera. Kaʹ ina te un ca laki iaʹ bayaʹ katuk Tuhan, ngadan ne Timutius, anak ca leto Yahudi iaʹ ngelan Tuhan. Un amai Timutius ca lepoʹ Gerika.

PEMUYAN 16:2

Mung diaʹ cenganak dalem Tuhan kaʹ lepoʹ Ikunium ngan lepoʹ Listera pada Timutius.

PEMUYAN 17:12

Kadoʹ de nai ngelan, un pe leto Gerika iaʹ kayaʹ, ngan kadoʹ pe laki re nai.

PEMUYAN 17:17

Ina ukoʹ Paulus pata petira dalem amin sebayang Yahudi me lepoʹ Yahudi ngan dulu diaʹ ca diaʹ temek lemameʹ palaʹ Allah bayaʹ Katuk Adet Musa. Pekina pe kenai ie petiraʹ kaʹ pasen, singket tau ne tai ie ngejahi dulu, mele aheʹ nai ngan ne.

PEMUYAN 17:4

Un palai cen ahang ida dina ubaʹ ke kanan dau ue, penco re pepanak ngan Paulus de dua Silas. Pekina pe kadoʹ kenai lepoʹ Gerika diaʹ temek lemameʹ Allah bayaʹ Katuk Adet Musa, ngan pekina pe kadoʹ leto diaʹ mencam peteneng dalem lepoʹ nai ngelan.

PEMUYAN 18:4

Singket Tau Kelineʹ ne tai Paulus pata petiraʹ dalem amin sebayang Yahudi, moʹ o ubaʹ lepoʹ Yahudi ngan lepoʹ Gerika ke mayo nai ngelan.

PEMUYAN 18:8

Un Kerispus de panak, nai re ngelan Tuhan. Kerispus iaʹ tuʹa bioʹ mpun sebayang Yahudi dina. Ngan kadoʹ kenai diaʹ lepoʹ Kurintus ngeringa dau katuk Paulus, sulo nai re ngelan Tuhan ngan tai sihoʹ ngebatis.

PEMUYAN 19:10

Pekina puyan Paulus dalem dua uman majan ne, pa mung dulu neng tanaʹ Asia kenahan tiraʹ Tuhan, inu pia Yahudi, ngan pekina pe Gerika, mung nte kenahan dau ue.

PEMUYAN 19:17

Tai pasi ne denga ina neng ahang mung lepoʹ Yahudi ngan lepoʹ Gerika diaʹ mudip kaʹ lepoʹ Ipesus. Tai takut ne tekaʹ de mung. Tai un pit kuʹo ke dulu diaʹ pempau ngadan Tuhan Yesus.

PEMUYAN 19:8

Un Paulus, tai kun ne kaʹ amin sebayang Yahudi, mentung nge pisiu ngan tempa dau ue. Telu bulan majan ne pata petiraʹ ngan petisen ida neng puyan pengaren Allah ngaren kelunan.

PEMUYAN 2:47

mentung nte pempau Allah, ngan sihoʹ neng pengubaʹ lepoʹ ina mung. Singket tau ne Tuhan ngepit Mpun nte kuʹun dulu diaʹ tisen puyan iaʹ pudip ida dalem Tuhan.

PEMUYAN 20:21

Palaʹ lepoʹ Yahudi, pekina pe palaʹ lepoʹ Gerika, akeʹ nyebelang badaʹ ngan tugen dau neng puyan nyepuleʹ cen penyalaʹ tai palaʹ Allah, ngan puyan ngelan Tuhan le Yesus.

PEMUYAN 21:28

mentung nte lemikaʹ kuma ha: “E mung lepoʹ Israil, baka, mepo meʹ ading. Ini ie iaʹ pekatuk mung dulu kempi kempi, iaʹ pejaʹat lepoʹ Israil ini peging ngan Katuk Adet Musa, pekina pe Umaʹ Palan Allah ini. Un naʹkni, un pe ia ngkin palai lepoʹ Gerika kedalem Umaʹ Palan ini, nai ngederam kukoʹ iaʹ buheʹ ini.”

PEMUYAN 9:20

Tegoʹ ina pe, ketai ie kedalem amin sebayang Yahudi. Kina Saul badaʹ denga Yesus iaʹ atek Anak Allah.

RUM 1:16

Abeʹ keʹ babak tekaʹ neng Denga Injil ini, uban ina atek penyukat Allah iaʹ ke pudip mung kelunan diaʹ ke ngelan ne. Iaʹ ading kidi lepoʹ Yahudi, un pe lepoʹ diaʹ ca puʹo ngebayaʹ.

RUM 10:12

Tiraʹ ina sihoʹ neng ilu mung, moʹ abeʹ un ca tekajaʹ lepoʹ Yahudi ngan lepoʹ diaʹ tahaʹ awang Yahudi ne laʹa. Allah ina, bang ia le Tuʹa neng ilu mung, kuaʹ lete ia mencai peniga neng mung diaʹ lemameʹ ia.

GALATIA 2:3

Kenuen pe cenganak keʹ Titus ca kelunan lepoʹ Gerika, abeʹ un dau tuʹa Mpun dina lemejen ke nyunat ia.

GALATIA 3:28

Tuman ina, abeʹ un tekajaʹ lepoʹ Yahudi ngan lepoʹ dulu diaʹ ca, pekina pe diaʹ ulaʹ ngan diaʹ abeʹ un ulaʹ, pekina pe laki ngan leto. Moʹ mung ngkem lepa pekuaʹ dalem pebeka penawai hem ngan Keristus Yesus.

KULUSE 3:11

Tuman ina, abeʹ un aheʹ iaʹ ilu ke kuma lepoʹ dulu diaʹ ca ngan lepoʹ Yahudi; laʹa diaʹ un sunat ngan diaʹ abeʹ un sunat; diaʹ penan ngan diaʹ aloʹ; diaʹ panyen ngan diaʹ paren. Di lareʹ Keristus ne iaʹ toʹ o mung, ngan Keristus ne iaʹ un dalem ida mung.

2 TIMUTIUS 3:11

ngan seʹ puyan dulu nyakit akeʹ ngan petuyen akeʹ. Moʹ ikoʹ tengen pe tisen neng puyan iaʹ ban sihoʹ akeʹ kaʹ Antiukia, ngan kaʹ Ikunium, ngan kaʹ Listera are. Tisen pe ikoʹ ban pasak kadoʹ penuyen iaʹ sihoʹ akeʹ. Un sepuʹo neng dina mung, Tuhan iaʹ sau akeʹ kidi.