PEMUYAN 13:6 - Kenyah New Testament

⁶ Dalau ketai re nipo tanaʹ ina, abeʹ ne ida kaʹ lepoʹ Papus. Kun nte petegoʹ ngan ca laki iaʹ mencam pucau, ina ca usa pegawa palo, lepoʹ Yahudi. Un ngadan Yahudi ie Bar-yesus.

PEMUYAN 13:6 Iomraidhean Croise

MATIUS 16:17

Sulo dau Yesus mipa: “Luhaʹ ban un peniga Tuhan neng ikoʹ Simun anak Yaya, moʹ abeʹ e uban puyan kelunan iaʹ pungkaʹ a mikoʹ, di lareʹ Amai heʹ kaʹ surga iaʹ naʹ a mikoʹ.

MATIUS 24:24

Moʹ kudaʹ kudaʹ Keristus palo, ngan pegawa palo diaʹ kenai luhaʹ ʹo. Ida ke uyan tedanaʹ bulen bioʹ ngan puyan iaʹ ke pesalam dulu tuman ke pelingu kelunan diaʹ Tuhan Allah lepa lemileʹ dini. Seʹ de ten pekina mele re sukat pelingu ida ʹo.

MATIUS 7:15

“Jagaʹ ne ikem neng pegawa palo. Ban ne ida ke nai palaʹ ikem koʹ baʹan diseʹ puyan dumba are tahaʹ awang, un sepuʹo iaʹ tahaʹ dalem, ida ne atek lencau iaʹ minget.

MARKUS 10:46

Abeʹ ne Yesus de telu diaʹ bayaʹ katuk ke kaʹ lepoʹ Yeriko. Dalau ketai re mecin lepoʹ ina, kadoʹ kenai kelunan pempun. Dalau ina un ca laki iaʹ butaʹ, ngadan ne Batimius anak Timius, madung kaʹ sada janan, nyat inu tuaʹ neng dulu.

PEMUYAN 13:13

Un Paulus ngan ida diaʹ ngan ne kina, ketai re ngedung neng ca kapen iaʹ ketai puke cen Papus, tai kaʹ Perga kaʹ tanaʹ Pampilia. Un Yaya Markus, nai ie mecin ida kina, penco tai ie ngeliwet kaʹ Yerusalim.

PEMUYAN 13:8

Un laki iaʹ mencam pucau ina, Bar-yesus ne, (Ilimas ngadan ne neng isiu Gerika,) ia nyakat Barnabas ngan Saul, moʹ o ubaʹ ke nyalaʹ laki bioʹ gebenur ne tai coʹ neng pengelan ne neng Tuhan.

2 KURINTUS 11:13

Moʹ ida dina, abeʹ de lawa injil lan. Atek lawa injil palo re, moʹ de palo neng puyan gayeng nte mentung pekaliu seʹ puyan nte, pa re un seʹ de koʹ baʹan lawa Injil Keristus lan.

2 TIMUTIUS 3:8

Kuaʹ koʹ baʹan Janis ngan Jamberis nyekang dau Musa cen naʹaʹ, pekina lete ida dina nyekang katuk telit, ngan durat ne kimet de, ngan coʹ de neng pengelan.

1 YAYA 4:1

Ahaʹ cenganak cenganak keʹ diaʹ akeʹ malaʹ, ayen ngelan mung dulu diaʹ kuma ida un Berua Allah, un sepuʹo ten ida, idi hem ngetisen buk ban berua iaʹ ida un ina nai cen Allah. Uban kadoʹ pegawa palo lepa libut kusun tanaʹ ini.

PUYAN LUHA’ 19:20

Kun diaʹ anun Tuhan nyalut pun jaʹat ina, peging ngan pegawa palo iaʹ lepa uyan nyingan kata pun jaʹat ina. (Man puyan nyingan ina pegawa palo lepa pelingu kelunan diaʹ un tedanaʹ pun jaʹat ina, ngan kelunan diaʹ lemameʹ palaʹ uyat pun ina.) Kun nte pet pun ina peging ngan pegawa palo ina, petem nte mudip, kedalem bawang luten iaʹ ngelahang kuʹun batu belirang.