PEMUYAN 13:48 - Kenyah New Testament

⁴⁸ Tai bangen diseʹ dulu diaʹ tahaʹ awang Yahudi, moʹde kenahan dau tiraʹ ina, mentung nte pada katuk Tuhan Allah. Un kudaʹ kadoʹ ne ida nai penco ngelan Tuhan, moʹ de lepa tenup tekaʹ ke alaʹ udip saheʹ kelineʹ iaʹ ngeriman cen Tuhan.

PEMUYAN 13:48 Iomraidhean Croise

MATIUS 25:46

“Pekini ne kelunan dini ke sihoʹ ukum tuyen iaʹ abeʹ un tai kuʹo ina. Un sepuʹo kelunan diaʹ uyan pemuyan iaʹ teneng, atek de ke tisen udip saheʹ kelineʹ iaʹ ngeriman.”

MATIUS 28:16

Mung nte diaʹ puloʹ ca usa diaʹ bayaʹ katuk Yesus didai tai kaʹ ca mudung kaʹ Galilia, kukoʹ iaʹ Yesus lepa badaʹ mida cen kena are.

LUKAS 7:8

Moʹ akeʹ ini ne ca tahaʹ ntaʹ pengecuk diaʹ mpau neng akeʹ. Ngan pekina pe un sedadu diaʹ tahaʹ ntaʹ neng akeʹ diaʹ akeʹ cuk. Buk keʹ cuk ca usa: ‘Tai hoʹ,’ sulo ketai ie, palaʹ diaʹ ca laʹa: ‘Baka kini,’ sulo kenai ie, ngan un dau heʹ neng ulaʹ keʹ laʹa: ‘Uyan ina,’ sulo seʹ e uyan ne.”

YAYA 10:16

Un te dumba diaʹ ca laʹa, diaʹ anun nceʹ, abeʹ de un kahum dalem liwang dumba ini lepe. Atek keʹ ngkin ida pe. Ida ke ngeringa dau heʹ, ngan tai nuyan ca le peng dumba dini, ngan ca lepe laki iaʹ manan ida.

YAYA 11:52

Abeʹ e tuman ida tengen le, un sepuʹo tuman mung anak Allah diaʹ purat kusun tanaʹ ini, apan ne ke ngkin ida pempun seleket ca le usa.

PEMUYAN 13:12

Kun laki bioʹ gebenur ina taʹan diseʹ puyan ina, ngelan ne gebenur neng Yesus, mentung nge salam laleʹ tekaʹ a neng katuk Tuhan ne.

PEMUYAN 13:42

Dalau Paulus de dua Barnabas mecin amin sebayang Yahudi dina, un dulu kina nyat ida dua nai pelaʹa tegoʹ Tau Kelineʹ iaʹ bayaʹ ʹo, apan nte dua ke badaʹ katuk neng puyan dini pelaʹa ʹo.

PEMUYAN 15:2

Nai luhaʹ ne tekajaʹ tiraʹ neng puyan ini. Tai paseʹ ngan pesakat dau re ngan Paulus de dua Barnabas dalau ina. Ina ukoʹ dulu mung tai payo cuk Paulus de dua Barnabas, pemung ngan palai dulu diaʹ cen lepoʹ Antiukia ne, tai kaʹ Yerusalim, tai palaʹ diaʹ lawa Injil ngan diaʹ tuʹa Mpun kina, lemutu neng puyan ina.

PEMUYAN 15:31

Lepa ne ida baca surat ina ʹo, tai bangen ne diseʹ de mung, moʹ kuʹun denga iaʹ petangen kimet de ne.

PEMUYAN 2:41

Kadoʹ de kina diaʹ ngelan dau katuk ke, sulo re alaʹ batis nuʹo. Tegoʹ tau ina, kadoʹ de, kihoʹ kihoʹ telu ibu usa, iaʹ nai ngepit neng mpun nte.

PEMUYAN 2:47

mentung nte pempau Allah, ngan sihoʹ neng pengubaʹ lepoʹ ina mung. Singket tau ne Tuhan ngepit Mpun nte kuʹun dulu diaʹ tisen puyan iaʹ pudip ida dalem Tuhan.

PEMUYAN 20:13

Ameʹ ading tai kaʹ kapen, penco puke tai kaʹ lepoʹ Asus. Kina meʹ pekimet ke alaʹ Paulus, moʹ pekina dau ue cuk ameʹ, ngan ia tengen ubaʹ ke lepat pa ina.

PEMUYAN 22:10

Un dau heʹ: ‘Ahaʹ Tuhan, inu iaʹ tekep ke puyan nceʹ tupe?’ Un dau Tuhan neng akeʹ: ‘Beteʹ ne ikoʹ. Tai ne kaʹ lepoʹ Damsik. Kina heʹ ke badaʹ mikoʹ mung naʹan puyan iaʹ Allah ban peteneng utung ikoʹ.’

PEMUYAN 28:23

Ina ukoʹ de nengangan uyan tebuku ngan Paulus, tau re kenai pempun kata ia. Kadoʹ kenai lepoʹ Yahudi neng tau idi. Cen mempam pa ketai ie tahup, Paulus nyituk badaʹ dau katuk ke mida neng puyan pengaren Allah ngaren ilu kelunan. Kun ne badaʹ cen Kitap Katuk Adet Musa, pekina pelaʹa cen Kitap diaʹ Pegawa. Man dina ha ten ke payo ida ke ngelan neng Yesus.

PEMUYAN 8:8

Bioʹ laleʹ le seʹ bangen dalem dale Samaria ne.

RUM 11:7

Buk pekina, kumpin puyan ne laʹa tupe? Inu iaʹ lepoʹ Israil ina mita, abeʹ e nalan. Un nte diaʹ Allah ban lemileʹ ngan pelelum didai, kuʹun nte ketai ie nalan. Un diaʹ ca dina tai mahing kuʹo ke seʹ kimet de.

RUM 13:1

Singket usa le tekep le tunuk neng perinta iaʹ man ilu. Moʹ abeʹ perinta ke un buk Allah abeʹ un mayo ho. Mung perinta iaʹ ban un, Allah iaʹ pejeng nge.

RUM 8:28

Tisen ne ilu ban neng mung inu iaʹ nuyan, Allah iaʹ mepo aheʹ diaʹ malaʹ neng ia, uyan ne ca peniga. Allah nengangan mengin ida dina bayaʹ kimet te.

1 KURINTUS 16:15

Ikem tisen Stipanus de telu pemanak, kumpin ban puyan nte ading ngelan Tuhan kaʹ tanaʹ Gerika are. Ida diaʹ nyuluk usa re tai pubo kelunan diaʹ anun Allah.

IPESUS 1:11

Mung inu tai nuyan bayaʹ sedep pe iaʹ ia pebetep neng kimet te tengen. Ngan Allah lepa lemileʹ ilu ke tai diaʹ anun ne tengen, moʹ o ke pebeka tawai le dalem Kerisus, bayaʹ ban kimet te cen penading nge.

IPESUS 1:19

Pekina pe apan ncem tai tisen kumpin ban bioʹ laleʹ seʹ penyukat te iaʹ pegayeng dalem ilu diaʹ ngelan Tuhan.

IPESUS 1:4

Abeʹ lepe tanaʹ ini nuyan, lepa ne Allah lemileʹ ilu, apan le ke tai diaʹ anun ne tengen dalem puyan le pebeka tawai dalem Keristus, apan le buheʹ ngan abeʹ un penginteʹ kata Allah. Un kimet Allah malaʹ ilu,

IPESUS 1:5

ina ukoʹ o pebetep neng kimet te cen penading nge ke madut ilu palaʹ ia, ngan uyan ilu ketai nuyan anak ke kuʹun Yesus Keristus. Pekina pengubaʹ Allah, ngan tengangan ban kimet te are.

2 TESALUNIKA 3:1

Iaʹ kebayaʹ dau heʹ cenganak cenganak, tiga hem lemameʹ mameʹ apan puyan denga Tuhan le senteng tai libut ngan sangkit, ngan apan ne luhaʹ serema peniga ha, koʹ baʹan iaʹ lepa nuyan neng ahang ikem cen naʹaʹ are.