PEMUYAN 13:45 - Kenyah New Testament

⁴⁵ Kun palai lepoʹ Yahudi dina taʹan ban kadoʹ kenai dulu, miʹet laleʹ le ida. Seʹ de nyakat tiraʹ Paulus ngan pejaʹat dau neng ia.

PEMUYAN 13:45 Iomraidhean Croise

MATIUS 23:13

“Siʹau pe ikem diaʹ guru Katuk Adet ngan kelunan Perisi. Ikem diaʹ kelunan ngaloʹ. Ikem malet pamen puyan pengaren Allah ke ngaren ilu kelunan palaʹ dulu, un sepuʹo ikem tengen pe abeʹ un ubaʹ tai kidi. Ngan pelaʹa ikem mempeng kelunan diaʹ ubaʹ ketai kaʹ dalem me.

MATIUS 27:18

Tisen te Gebenur ina puyan kelunan kadoʹ dina mencai Yesus me ia moʹ de miʹet neng ia.

PEMUYAN 13:50

Un palai lepoʹ Yahudi pekana neng diaʹ lataʹ lepoʹ ina, peging ngan leto diaʹ paren lepoʹ ina diaʹ sebayang palaʹ Allah dina. Pekina seʹ tading nte ubaʹ ke nyakit Paulus ngan Barnabas, penco re muyung ida dua tai kelap cen lepoʹ de.

PEMUYAN 14:19

Nai pelaʹa lepoʹ Yahudi cen Antiukia iaʹ kaʹ tanaʹ Pisidia are, abeʹ kaʹ ina. Penco re pekana dulu kina ke lemulo Paulus, sulo re mihit ia kawang lepoʹ. Ida kenaʹ matai ne ia.

PEMUYAN 14:2

Un palai lepoʹ Yahudi diaʹ abeʹ un ubaʹ ke ngelan dina, kun nte pekana dulu diaʹ ca, ngan pesakit kimet de, apan nte ke nyakat diaʹ cenganak le dalem Tuhan dina.

PEMUYAN 14:4

Mung dulu diaʹ dalem lepoʹ ina pebese dua re. Un pe ceng bese mayo diaʹ tahaʹ lepoʹ Yahudi, un ceng bese pelaʹa mayo diaʹ lawa Injil dina.

PEMUYAN 14:5

Uʹo ina pelaʹa tai peseket ne palai lepoʹ Yahudi, ngan diaʹ ca dina, peging ngan pengelataʹ lepoʹ de, ubaʹ ke ngejaʹat ngan ke lemulo batu neng Paulus ngan Barnabas, diaʹ lawa Injil dina.

PEMUYAN 17:5

Un sepuʹo, miʹi tekaʹ lepoʹ Yahudi. Kun nte mengin palai dulu diaʹ jaʹat diaʹ mukoʹ bareng ngalang pasen dina, sulo re pepeng ida nuʹo. Kun nte pebingaʹ lepoʹ ina, mentung nte nyudup amin Yasun ke mita Paulus ngan Silas, moʹ de ubaʹ ke ngkin ida kawang palaʹ mpun lepoʹ.

PEMUYAN 18:6

Kun lepoʹ Yahudi miʹa ngan pejaʹat dau neng Paulus. Kun Paulus nepap abu sapai ie, mentung dau ue neng ida: “Buk kem lingu ngan ke durat berua hem nuʹo, tiwet neng ikem tengen pesuʹun kidi. Abeʹ penyalaʹ ini kesihoʹ ake. Naʹkini ketai heʹ pala lepoʹ tahaʹ awang Yahudi ne ini.”

PEMUYAN 19:9

Moʹ un palai diaʹ ban mahing kimet de, ngan abeʹ de ubaʹ ke ngelan, bang pejaʹat dau neng Janan Tuhan tuaʹ ne ida me dulu, ina ukoʹ Paulus mecin ida dina. Kun ne ngkin ida diaʹ bayaʹ katuk Tuhan dina ngan ne. Singket tau ne tai ie petiraʹ dalem amin sekula Tiranus.

PEMUYAN 5:17

Kenai Pengebioʹ Detaʹu ina pemung ngan diaʹ ngan ne iaʹ cen mpun kelunan Seduki, moʹ miʹet laleʹ tekaʹ kimet de.

RUM 1:29

Sangan nte kuʹun kadoʹ naʹan jaʹat saheʹ, ngan puyan jaʹat, mekum, ngan sakit saheʹ. Sangan nte kuʹun iʹet, ngan lematai, pekenca, puyan pelingu, ngan puyan panyi. Kun nte patu tiraʹ bareng,

1 KURINTUS 3:3

Ban ne caʹ dalem penyaheʹ usun tanaʹ lepe ikem. Buk un lepe ketiʹet ngan punan tiraʹ neng ahang ikem, moʹ abeʹ seʹ kem dalem penyaheʹ usun tanaʹ lepe ina, mentung ngkem bayaʹ layan kelunan kusun tanaʹ ini?

2 KURINTUS 11:26

Dalem pengaset ceʹ un kudaʹ liwai heʹ taru kuʹun sungai lempam, pekina pe taru kuʹun kejamun, pekina pe taru kuʹun kelunan, kuaʹ Yahudi pekina pe kuʹun dulu diaʹ ca lete. Un pe taru kaʹ lepoʹ bioʹ, un pe taru kaʹ dalau baʹi, un pe taru kaʹ banget, un pe taru kuʹun cenganak palo lete.

GALATIA 5:21

Pekina pe ida miʹi, mabuk, tutun, ngan naʹan naʹan diaʹ pekina. Akeʹ ke pejagaʹ dau mikem naʹkini, koʹ baʹan nceʹ lepa pejagaʹ dau mikem cen naʹaʹ are, iaʹ ina: mung kelunan diaʹ uyan puyan dini, abeʹ de ke kahum neng puyan pengaren Allah.

1 TESALUNIKA 2:16

Pit laʹa ida ten ke mempeng ameʹ, mulen ameʹ badaʹ denga ini palaʹ lepoʹ diaʹ ca, denga katuk ini iaʹ senteng ke pudip ida dalem Tuhan. Ini ne iaʹ kuʹo bioʹ neng mung penyalaʹ diaʹ ida lemuto uyan ne. Ngan naʹkini lepa ne kenca Allah mencit ida.

2 TIMUTIUS 3:11

ngan seʹ puyan dulu nyakit akeʹ ngan petuyen akeʹ. Moʹ ikoʹ tengen pe tisen neng puyan iaʹ ban sihoʹ akeʹ kaʹ Antiukia, ngan kaʹ Ikunium, ngan kaʹ Listera are. Tisen pe ikoʹ ban pasak kadoʹ penuyen iaʹ sihoʹ akeʹ. Un sepuʹo neng dina mung, Tuhan iaʹ sau akeʹ kidi.

YAKUP 4:5

Ayen kuma nyiʹan le dau jo Kitap iaʹ kuma ha: “Berua iaʹ tenahung kedalem usa le kuʹun Allah un miʹet tekaʹ ke ngedemun ilu.”

1 PETERUS 4:4

Naʹkini dulu diaʹ muau neng Tuhan tai maru tekaʹ kimet de, moʹ abeʹ ne ikem tai pemung ngan nte neng udip iaʹ lajam, ngan palaʹ nta neng iaʹ jaʹat. Ina ukoʹ de ngejaʹat dau neng ikem.

YAHUDA 1:10

Ca naʹan pe kelunan dini. Ida pejaʹat dau neng puyan iaʹ ida abeʹ un tisen. Koʹ baʹan pun iaʹ abeʹ un mencam pekimet, ida un penisen cen seʹ baloʹ de, penco re ngejaʹat pengudip de man puyan ina lete.