PEMUYAN 13:43 - Kenyah New Testament

⁴³ Lepa ne mpun ina pasi, kenai kadoʹ lepoʹ Yahudi pemung ngan kadoʹ dulu diaʹ lepa alaʹ adet Yahudi dina, nai re bayaʹ Paulus de dua Barnabas. Kun nte dua penco tiraʹ mida, ngan petangen ida ke tudep dalem pengelesau iaʹ Allah lebang naʹ mida.

PEMUYAN 13:43 Iomraidhean Croise

MATIUS 23:15

“Siʹau pe ikem diaʹ guru Katuk Adet ngan kelunan Perisi. Ikem diaʹ kelunan ngaloʹ. Tai hem pelawat banget ngan tai pelibut dale, ke cuk ca usa pupa kimet te. Uʹo ho lepa nai kaʹ dalem adet cem, kun ncem uyan ia utung ukum luten dua liwai lapa neng ʹo ikem.

PEMUYAN 11:23

Uʹo ketai Barnabas abeʹ, tisen ne ia ban Allah iaʹ naʹ peniga mida dina, tai bangen ne kaʹ tawai ie. Penco ho pekatuk ida mung, apan denaʹ tekaʹ penawai re tudep bayaʹ Tuhan.

PEMUYAN 13:50

Un palai lepoʹ Yahudi pekana neng diaʹ lataʹ lepoʹ ina, peging ngan leto diaʹ paren lepoʹ ina diaʹ sebayang palaʹ Allah dina. Pekina seʹ tading nte ubaʹ ke nyakit Paulus ngan Barnabas, penco re muyung ida dua tai kelap cen lepoʹ de.

PEMUYAN 14:22

Mentung nte nyalet penawai dulu diaʹ lepa bayaʹ katuk Tuhan, ngan petagen ida ke tudep dalem pengelan nte. Pekini dau katuk de dua: “Ilu diaʹ tisen puyan pengaren Allah ngaren ilu, abeʹ senteng le are ke bayaʹ janan iaʹ un kadoʹ penaru lete.”

PEMUYAN 14:3

Majan diaʹ lawa Injil dina ngelineʹ kaʹ Ikunium ne, ngan tempa dau re badaʹ tiraʹ Tuhan. Tuhan iaʹ peluhaʹ ban lan dau katuk de neng pengelesau ue, ina ukoʹ Tuhan naʹ penyukat man nte uyan puyan nyingan ngan tedanaʹ bulen.

PEMUYAN 16:14

Un ca leto neng ahang ida diaʹ ngeringa dau meʹ, iaʹ pebeli keluma diaʹ silem, ca usa lepoʹ Tatira, ngadan ne Lidia, ca leto iaʹ tudep lemameʹ palaʹ Allah bayaʹ Katuk Adet Musa. Tuhan iaʹ mesik penawai ie, ina ukoʹ o alaʹ dau katuk Paulus.

PEMUYAN 17:17

Ina ukoʹ Paulus pata petira dalem amin sebayang Yahudi me lepoʹ Yahudi ngan dulu diaʹ ca diaʹ temek lemameʹ palaʹ Allah bayaʹ Katuk Adet Musa. Pekina pe kenai ie petiraʹ kaʹ pasen, singket tau ne tai ie ngejahi dulu, mele aheʹ nai ngan ne.

PEMUYAN 17:34

Un pe palai dina nai ngejahi Paulus, sulo re ngelan Tuhan. Neng ahang ida dina, un Dunisius ca diaʹ lataʹ Arupagus. Un pe ca usa leto, ngadan ne Damaris. Un palai diaʹ ca laʹa nai ngelan.

PEMUYAN 17:4

Un palai cen ahang ida dina ubaʹ ke kanan dau ue, penco re pepanak ngan Paulus de dua Silas. Pekina pe kadoʹ kenai lepoʹ Gerika diaʹ temek lemameʹ Allah bayaʹ Katuk Adet Musa, ngan pekina pe kadoʹ leto diaʹ mencam peteneng dalem lepoʹ nai ngelan.

PEMUYAN 18:7

Ina ukoʹ Paulus tai mecin ida. Tai kun ne pemung amin ngan ca laki ngadan ne Titius Yustus, ca laki iaʹ tahaʹ awang lepoʹ Yahudi iaʹ temek lemameʹ palaʹ Allah. Un amin ne petemping ngan amin sebayang Yahudi.

PEMUYAN 2:10

ngan Perigia, ngan Pampilia, ngan Masir, ngan diaʹ cen dale Libia iaʹ nyeng ngan Kirini. Ngan un palai milu dini cen lepoʹ Rum,

PEMUYAN 28:23

Ina ukoʹ de nengangan uyan tebuku ngan Paulus, tau re kenai pempun kata ia. Kadoʹ kenai lepoʹ Yahudi neng tau idi. Cen mempam pa ketai ie tahup, Paulus nyituk badaʹ dau katuk ke mida neng puyan pengaren Allah ngaren ilu kelunan. Kun ne badaʹ cen Kitap Katuk Adet Musa, pekina pelaʹa cen Kitap diaʹ Pegawa. Man dina ha ten ke payo ida ke ngelan neng Yesus.

PEMUYAN 6:5

Un tiraʹ de sihoʹ neng pengubaʹ de dina mung, penco re lemileʹ Stipanus, ca laki iaʹ sangan kuʹun pengelan ngan Berua Buheʹ. Un pe Pilipus, ngan Pukurus, ngan Nikanur, ngan Timun, ngan Pamenas, ngan Nikulaus iaʹ ina ca laki lepoʹ Antiukia, iaʹ lepa nyaliu adet te tai Yahudi.

RUM 11:6

Allah lemileʹ ida dina ban kuʹun pengelesau ue, abeʹ e ban kuʹun pemuyan nte. Moʹ buk Allah lemileʹ ban kuʹun pemuyan nte, abeʹ pengelesau ina atek pengelesau lan.

RUM 3:24

Un ʹo Allah mencai tuaʹ le pengelesau ue me ilu kelunan, ina ukoʹ le mung tai teneng ngan ne ban kuʹun Keristus Yesus, iaʹ nakau ilu cen penyalaʹ le.

RUM 5:2

Ban kuʹun pengelan le, ia ngkin ilu tai kedalem pengelesau Allah iaʹ ia lebang naʹ milu ina, iaʹ ukoʹ le mudip naʹ kini. Bangen pe tekaʹ le laʹa moʹ le nebelum ke kahum neng serema peniga Allah ʹo.

RUM 5:21

Koʹ baʹan penyalaʹ ina ban ngaren ilu dalem patai, pekina lete pengelesau Allah ngaren ilu dalem peneneng nge, iaʹ naʹ ilu neng udip iaʹ saheʹ kelineʹ iaʹ ngeriman kuʹun Yesus Keristus, Tuhan le.

2 KURINTUS 5:11

Ameʹ tisen sen takut neng Tuhan, ina ukoʹ taten tekaʹ meʹ ubaʹ ke payo kimet kelunan. Allah iaʹ tisen ameʹ ngan lesan taʹat te. Pekina pe akeʹ nebelum ikem ke tisen akeʹ, ngan dema tekaʹ kimet dalem penawai hem.

2 KURINTUS 6:1

Ina ukoʹ ameʹ diaʹ pemung pegayeng ngan Allah taten dau nyat ikem: alaʹ ne pengelesau Tuhan Allah, iaʹ ia lebang naʹ ina, ngan ayen peterai ie pelo-lo.

GALATIA 5:1

Ilu naʹkini un dalem udip iaʹ pejo, moʹ Keristus lepa naʹ ca udip iaʹ pejo milu. Tuman ina tekep kem salet dalem pengudip kem, mentung ngkem abeʹ un pedayo usa hem tai ulaʹ inu inu laʹa.

GALATIA 5:4

Ngan ikem diaʹ ten ubaʹ ketai teneng ngan Allah man janan bayaʹ Katuk Adet ina, lepa ne ikem lemeto beka hem ngan Keristus, ngan abeʹ ne ikem ke kahum neng pengelesau Allah ina laʹa.

IPESUS 2:8

Moʹ tuman pengelesau ue, Allah pudip ikem kuʹun pengelan ncem neng Keristus. Abeʹ e kuʹun pemuyan ncem tengen, bang ca pengencai cen Allah tuaʹ le.

PILIPI 3:16

Mele pe kumpin ban ne, pa mpi ketai penisen le naʹkini, tiga le bayaʹ a ngan teto le.

PILIPI 4:1

Cen diaʹ pekina cenganak cenganak keʹ, ikem diaʹ pengemalaʹ keʹ ngan pengebampa heʹ. Ikem iaʹ pebangen tawai heʹ, ngan selum tekaʹ keʹ neng ikem pe. Neng puyan diaʹ pekina cenganak diaʹ pengemalaʹ keʹ, salet ngan temek le mudip dalem Tuhan.

KULUSE 1:23

Tuman ina, tekep lete ikem penco tudep neng usun tentan iaʹ salet ina. Ngan ayen ncem pedayo dulu ke ngala ikem neng tebelum ngkem iaʹ ikem lepa alaʹ tegoʹ kem kenahan neng tebelum ngkem iaʹ ikem lepa alaʹ tegoʹ kem kenahan dau Denga Injil ina are. Akeʹ ne Paulus iaʹ lepa tai nuyan ulaʹ ban tuman Denga Injil ina, iaʹ ina Denga Injil iaʹ lepa ban pedenga palaʹ kelunan kusun tanaʹ ini.

KULUSE 1:28

Ina tuman meʹ pedenga Keristus palaʹ mung kelunan. Ameʹ pejagaʹ dau me kelunan, ngan pekatuk ida man pa tekaʹ penudi meʹ, apan meʹ sukat ke ngkin ida, singket usa re, ke ngejuma Allah koʹ baʹan kelunan iaʹ sukung bioʹ pengudip berua ha, tuman pebeka tawai ie ngan Keristus.

TITUS 2:11

Allah lepa peluhaʹ pengelesau ue iaʹ ia lebang naʹ milu ina iaʹ senteng ke pudip mung kelunan.

IBERANI 12:15

Pekimet tiga tiga malap ca usa neng ahang ikem ke tepa neng pengelesau Allah. Pekimet tiga tiga malap ca usa neng ahang ikem ketai nuyan koʹ baʹan ca inan pula iaʹ paʹit, iaʹ kenai bioʹ ngan ngeratang kadoʹ kelunan kuʹun laʹit te.

IBERANI 13:9

Ayen buhaʹ naʹan naʹan katuk bulen ke peduncau ikem. Tiga ne penawai le nuyan salet kuʹun pengelesau Allah. Abeʹ tiga le nebelum palan penguman ke nyalet penawai le. Moʹ kelunan diaʹ bayaʹ adet pekina, abeʹ un bang nte kuʹun ne.

1 PETERUS 5:12

Akeʹ uyan surat iaʹ buʹet ini palaʹ ikem man ujoʹ Suanus, moʹ keʹ kuma ia ca cenganak le iaʹ semamet. Kimet ceʹ ubaʹ ke petangen ikem, ngan badaʹ ban ini iaʹ lan lan ne pengelesau Allah. Tiga hem salet nekejeng kidi.

2 PETERUS 3:14

Moʹ ina cenganak diaʹ akeʹ malaʹ, ngajan ncem ke pekena puyan Tau ina, nengayet ne ikem mudip neng puyan udip iaʹ buheʹ ngan iaʹ abeʹ un penginteʹ neng penaʹat Allah, ngan pekina pe uyan tekaʹ pengetadan udip ngan ne.

1 YAYA 2:28

Ahaʹ anak anak keʹ, nemek ne ngelineʹ dalem Keristus apan le tempa ngan teto tekaʹ tegoʹ o kenai luhaʹ ʹo, abeʹ le pesuhuk ngan saʹe ke nyeripa ia tegoʹ Tau kenai ie ʹo.

2 YAYA 1:9

Aheʹ kelunan iaʹ duncau neng katuk Keristus ngan abeʹ un temek dalem katuk ina, kelunan ina abeʹ e dapit neng Allah. Aheʹ kelunan iaʹ temek dalem katuk ina, atek dapit neng Amai Bioʹ, peging ngan Anak ke pe.