PEMUYAN 13:39 - Kenyah New Testament

³⁹ Tai tisen ncem laʹa, mele aheʹ iaʹ ngelan Yesus, atek ke takau te ia cen ketoʹ penyalaʹ a. Moʹ abeʹ Katuk Adet Musa senteng nakau ikem cen penyalaʹ kem.

PEMUYAN 13:39 Iomraidhean Croise

LUKAS 10:25

Un ca usa guru Adet Yahudi nekejeng ubaʹ ke ten Yesus, kun ne: “Ahaʹ Guru, inu iaʹ tekep akeʹ ke uyan apan nceʹ sukat ke alaʹudip saheʹ kelineʹ iaʹ ngeriman tupe?”

LUKAS 10:28

Un dau Yesus neng ia: “Teneng te dau ipa hoʹ ne. Uyan ne pekina, atek koʹ ke un udip lete ʹo.”

LUKAS 18:14

Un dau Yesus laʹa: “Un iaʹ nemo pupu ina, tai ie uleʹ kaʹ amin ne, lepa tai teneng ne ia kuʹun Allah. Tengeca laleʹ laki Perisi ina. Moʹ mung dulu diaʹ ngempau ngadan nte tengen, ida iaʹ tai libaʹ ʹo. Un sepuʹo diaʹ ngelibaʹ ngadan nte tengen, ida iaʹ ke tai mpau ʹo.”

YAYA 1:17

Cen Musa, Allah lepa naʹ Katuk Adet milu. Un sepuʹo cen Yesus Keristus kenai pengelesau ngan isiu iaʹ telit.

YAYA 5:24

“Lan dau heʹ mikem, aheʹ iaʹ kenahan dau tiraʹ keʹ ngan ngelan ia iaʹ cuk akeʹ nai, kelunan ina ne iaʹ lepa alaʹ udip saheʹ kelineʹ iaʹ ngeriman, ngan abeʹ e ke sihoʹ puyan betep ukum penyalaʹ laʹa, un sepuʹo lepa ne ia lapa cen patai tai palaʹ udip.

PEMUYAN 10:43

Un dau isiu mung pegawa cen naʹaʹ diaʹ nugen dau neng Yesus: Aheʹ iaʹ ngelan neng Yesus uʹo, atek ke tisen te ia Yesus sau penyalaʹ a, moʹ kuʹun penyukat ngadan ne.”

RUM 10:10

Moʹ dalem penawai le ilu ngelan, ina ukoʹ le penco tai teneng ngan Allah. Man isiu le ilu teto ke ngahaʹ, ina ukoʹ le penco un udip iaʹ ke pudip ilu dalem Tuhan.

RUM 10:4

Moʹ Keristus iaʹ atek pedaʹam Katuk Adet apan singket usa diaʹ ngelan Keristus tai teneng ngan Allah.

RUM 3:19

Tisen en ilu are, ban mung dau tiraʹ Katuk Adet Musa ina ke sihoʹ neng mung kelunan diaʹ mudip kahum kidi, apan ne ke mempeng ukan mung nte diaʹ ke mipau dau Allah. Lan ne Allah ke ngahum mung kelunan kusun tanaʹ ini kedalem ukum me ne.

RUM 3:20

Abeʹ un aheʹ iaʹ tai teneng ngan Allah moʹ kuʹun pemuyan ne bayaʹ Katuk Adet Musa. Moʹ Katuk Adet Musa ke cuk ilu kelunan ke ngetisen penyalaʹ de.

RUM 4:15

Ida diaʹ abeʹ un tisen katuk adet, abeʹ de ngesa ha. Un sepuʹo aheʹ diaʹ un katuk adet ina, seʹ de ke penat ukum kenca Allah nai nantaʹ ida.

RUM 4:24

Un te dalem surat te milu lete, ban Allah ke naʹ ilu teneng moʹ kuʹun pengelan le neng ia, ngan Allah lete iaʹ ban pudip Tuhan le Yesus cen patai ie.

RUM 5:1

Lan te, teneng ne ilu ngan Allah kuʹun pengelan le, ina ukoʹ le un udip iaʹ tadan ngan Allah moʹ kuʹun Tuhan le Yesus Keristus ne.

RUM 5:20

Tuhan Allah naʹ Katuk Adet apan ne peluhaʹ ngan badaʹ penyalaʹ. Un sepuʹo kaʹ mpi kadoʹ kenai penyalaʹ luhaʹ, kaʹ ina lete kadoʹ kuʹo ban pengelesau Allah nai luhaʹ.

RUM 5:9

Moʹ kuʹun patai Keristus ne, ilu tai teneng ngan Allah. Tahaʹ tai kina pelaʹa, pali kuʹo ke Keristus ke pudip milu neng kenca Allah.

RUM 8:1

Naʹkini aheʹ iaʹ mudip pebulung dalem Keristus Yesus, abeʹ ne penyalaʹ un nyalet ukum neng ida laʹa.

RUM 8:3

Un pemuyan iaʹ Katuk Adet ina abeʹ un senteng ke uyan moʹ o supeʹ kuʹun penyaheʹ usa kelunan, sukat sepe Allah ban uyan ne. Allah iaʹ ban pebetep ukum neng penyalaʹ iaʹ un dalem penyaheʹ usa kelunan. Pekini ie uyan ne: ia cuk Anak ke tengen nai ngaliu kelunan, iaʹ un penyaheʹ usa koʹ baʹan diseʹ penyaheʹ usa kelunan iaʹ sangan penyalaʹ, nuyan ncai petutung tuman penyalaʹ.

RUM 9:31

Un sepuʹo lepoʹ iaʹ Allah ban lemileʹ ina, iaʹ nebelum neng katuk adet iaʹ ke ngkin ida tai teneng ngan ne, tepa pe ida kidi.

1 KURINTUS 6:11

Cen naʹaʹ un palai neng ahang ikem diaʹ pekina puyan nte, un sepuʹo lepa ne Allah muheʹ ikem cen penyalaʹ, ngan ia iaʹ lepa nengen ikem neng iaʹ buheʹ, ngan ia iaʹ peteneng ikem ngan ne kuʹun pemuyan Tuhan Yesus Keristus, ngan pemuyan Berua Tuhan iaʹ un ilu.

GALATIA 2:16

Naʹ pia pekina, ameʹ tisen moʹ ca kelunan ketai teneng ngan Allah, abeʹ e kuʹun pemuyan ne bayaʹ Katuk Adet, di lareʹ bang kuʹun pengelan ne palaʹ Yesus Keristus le. Lepa ne ameʹ ngelan palaʹ Yesus Keristus apan meʹ sukat tai teneng ngan Allah kuʹun pengelan meʹ neng Keristus ina, abeʹ e kuʹun pemuyan meʹ bayaʹ Katuk Adet. Moʹ kuʹun Katuk Adet ina, ca kelunan pe abeʹ un sukat ketai teneng ngan Allah.

GALATIA 2:19

Un sepuʹo neng puyan Katuk Adet ina, lepa ne akeʹ matai kuʹun ne, apan nceʹ sukat ke mudip me Allah. Lepa ne akeʹ matai neng kayu tecek pemung ngan Keristus.

GALATIA 3:8

Ngan jo Kitap cen naʹaʹ lepa nekena badaʹ moʹ Allah ke peteneng kelunan diaʹ tahaʹ awang Yahudi ngan ne, moʹ kuʹun pengelan nte. Pekina pe Kitap ina lete iaʹ nekena badaʹ Denga Injil palaʹ Ibrahim cen naʹaʹ. Koʹ baʹan dau iaʹ un dalem Kitap kuma ha: “Moʹ ban tuman ikoʹ, Allah ke naʹ peniga ha me mung kelunan kusun tanaʹ ini.”

GALATIA 5:3

Ca liwai laʹa akeʹ pejagaʹ dau mikem: buk ca kelunan ke uyan adet sunat, atek ke kebayaʹ lete mung puyan Katuk Adet ina.

IBERANI 10:11

Singket detaʹu Yahudi iaʹ malai nekejeng menco gayeng nge singket singket tau, ngan mencai liwa idai loʹ tesep tesep ke. Un sepuʹo liwa dini peletoʹ abeʹ senteng mesau penyalaʹ.

IBERANI 10:4

Uban dahaʹ sapi manai ngan dahaʹ kading peletoʹ-letoʹ abeʹ senteng mesau penyalaʹ.

IBERANI 7:19

Uban Katuk Adet Musa abeʹ senteng pedaʹam ca inu pe. Un sepuʹo naʹkini un ca tebelum iaʹ pelapa tiga, iaʹ kenai dapit neng ilu. Kuʹun puyan ini ne ilu ke ngejuma Tuhan Allah.