PEMUYAN 13:36 - Kenyah New Testament

³⁶ Lepa ne Daut pegayeng bayaʹ pengubaʹ Allah ngajan udip pe, uʹo ina tai ie matai. Tai re masek ia, pedudo ia ngan tepun ne, ngan madam pe ia.

PEMUYAN 13:36 Iomraidhean Croise

MATIUS 25:16

Ulaʹ iaʹ alaʹ lema ibu ligit idai are jelarai ketai ie kanan ligit ina are, pa ha alaʹ pit te lema ibu ligit laʹa.

YAYA 11:39

Penco dau Yesus: “Mesau ne batu kep liang ini.” Un dau Marta iaʹ cenganak neng laki iaʹ matai ina mipa: “Tuhan, jaʹat baʹoʹ ina ʹo. Pat tau ne lepa meʹ nanem ia.”

PEMUYAN 13:22

Uʹo lepa Tuhan Allah sau Saul, penco ho cuk Daut paren bioʹ mida. Ngan pekini dau Allah badaʹ neng ia: ‘Lepa ne akeʹ tisen Daut anak Isai, ca usa iaʹ sihoʹ neng kimet ceʹ; ia ca laki iaʹ ke bayaʹ mung pengubaʹ keʹ.’

PEMUYAN 2:29

Un dau Peterus laʹa: “Ahaʹ cenganak keʹ mung, melai melai dau heʹ pisiu ikem neng puyan tepun le Daut. Lepa ne ia matai. Lepa dulu nanam ne ia. Liang nge un ngan le pabeʹ tau ini ne.

PEMUYAN 20:27

Moʹ lepa ne akeʹ badaʹ mung ban pengubaʹ kimet Allah mikem. Abeʹ keʹ un nyuhuk palai.

PEMUYAN 7:60

Kun ne sutlep, mentung nge pisiu ngan bioʹ dau ue: “Ahaʹ Tuhan, ayen ncoʹ nawai penyalaʹ ini un neng usun ida.” Lepa ha pisiu pekina, penco matai ne ia.

PEMUYAN 8:1

Saul ca iaʹ mayo neng puyang lematai Stipanus ne. Tegoʹ tau ina, ina ne tading kenai taru iaʹ bioʹ neng Mpun diaʹ ngelan Tuhan kaʹ Yerusalim. Mung diaʹ ngelan Tuhan petat purat de pa tipo tanaʹ Yudia, ngan kaʹ Samaria. Bang diaʹ lawa Injil tuaʹ le diaʹ ngelineʹ.

1 KURINTUS 15:18

Pekina pe mung kelunan diaʹ lepa matai ngan ngelan Keristus dina, lepa tasaʹ de.

1 KURINTUS 15:6

Uʹo ina nai kun ne luhaʹ palaʹ suheʹ lema ato kelunan diaʹ cenganak le tegoʹ ca liwai ie. Kadoʹ lepe ida dina iaʹ un mudip pabeʹ naʹkini. Selu un pe palai mida lepa matai ne.

1 TESALUNIKA 4:13

Ahaʹ cenganak cenganak, ameʹ ubaʹ ikem ke ngetisen iaʹ lan ne neng puyan ida diaʹ lepa matai, apan ncem abeʹ un jaʹat tawai koʹ baʹan puyan kelunan diaʹ abeʹ un tebelum are.