PEMUYAN 13:30 - Kenyah New Testament

³⁰ Un sepuʹo Allah pudip ia cen patai ie.

PEMUYAN 13:30 Iomraidhean Croise

MATIUS 28:6

Abeʹ e un kini laʹa. Lepa ne ia nai mudip koʹ baʹan dau ue neng ikem are. Nai ne kini, ngan naʹat seʹ ban ukoʹ dulu peken ia are.

YAYA 10:17

“Amai Bio iaʹ malaʹ neng akeʹ, uban nceʹ tenup tekaʹ kimet ke mencai udip keʹ apan nceʹ ke alaʹ a ngeliwet laʹa.

YAYA 2:19

Dau Yesus mipa ida? “Ngasing ne umaʹ Allah ini, ngan dalem telu tau akeʹ ke numpak medeng nge laʹa.”

PEMUYAN 10:40

Ia lete iaʹ Allah pudip neng ca udip iaʹ tumpak neng ketelu tau ue, ngan cuk ia nai luhaʹ neng taʹat kelunan.

PEMUYAN 13:33

Naʹkini ne Allah lepa palup pe neng ilu diaʹ mela cen tepun le, moʹ o lepa pudip Yesus neng ca udip iaʹ tumpak. Koʹ baʹan ina are lete iaʹ un dalem Kitap Kentau Masmur, tulat kedua iaʹ pekini dau: ‘Ikoʹ lete Anak keʹ. Tegoʹ tau ini akeʹ ne nuyan Amai hoʹ.’

PEMUYAN 13:34

Ngan pekini pe dau tiraʹ Allah neng puyan ne ke pudip Yesus cen patai ie, apan ne abeʹ un tai madam. Kun dau ue: ‘Akeʹ ke naʹ te sio ngan peniga iaʹ buheʹ mikoʹ, iaʹ akeʹ lepa petuket ke naʹ me Daut are.’

PEMUYAN 13:37

Un sepuʹo Laki iaʹ Allah pudip cen patai ina, abeʹ e ke tai madam.”

PEMUYAN 17:31

Moʹ lepa ne Allah petuket ca tau kukoʹ o ke pebetep ukum bayaʹ ban peneneng nge neng mung kelunan kusun tanaʹ ini. Allah ke kanan ca kelunan iaʹ lepa ia lemileʹ. Allah peluhaʹ milu mung ban lan ne lepa lemileʹ ia, moʹ o pudip ia cen ban patai ie are.”

PEMUYAN 2:24

Kun Allah pudip Yesus cen patai ie. Allah iaʹ sau ia cen tuyen patai, moʹ naʹ pe ke kumpin kumpin, abeʹ e ketai supeʹ kuʹun patai.

PEMUYAN 2:32

Atek Yesus ina lete iaʹ ban Allah lepa pudip neng ca udip iaʹ tumpak laʹa. Neng puyan ne, mung meʹ dini diaʹ badaʹ tugen kidi.

PEMUYAN 3:13

Ban Allah iaʹ anun Ibrahim ngan Isak ngan Yakup, ina Allaj iaʹ anun tepun le pe, lepa naʹ pengaren me Yesus iaʹ anak ke, iaʹ ikem dini ban naʹ palaʹ perinta. Tegoʹ Pilatus ban pekimet ubaʹ ne nakau Yesus are, ikem iaʹ nyekang ia.

PEMUYAN 3:15

Pekina puyan ncem lematai Yesus iaʹ atek puʹun udip. Un sepuʹo ban Allah iaʹ pudip ia cen patai. Neng puyan ne ina, ameʹ dini ne diaʹ badaʹ tugen kidi.

PEMUYAN 3:26

Pekina ban Allah pudip anak ke Yesus ina neng ca udip iaʹ tumpak, ngan cuk ia nai palaʹ ikem ading, apan ne ke naʹ peniga mikem, iaʹ ukoʹ kem mung ke nyepuleʹ kimet cen pemuyan jaʹat cem.”

PEMUYAN 4:10

tiga hem mung tisen kidi. Tekep ketoʹ lepoʹ Israil tai tisen, ban laki iaʹ nai nekejeng kata ikem ini, lepa maget lan ne ia kuʹun penyukat dalem Yesus Keristus, lepoʹ Nasarit, iaʹ ikem ban lematai neng kayu tecek idai, ngan Allah iaʹ ban pudip ia cen patai ie.

IBERANI 13:20

Tuhan le Yesus iaʹ Pengebioʹ diaʹ Manan Dumba, moʹ kuʹun puyan patai ie. Man puyan ina ia lepa ngelisan penyalet tuket iaʹ un pa majan. Allah iaʹ meteʹ ia cen patai ie.