PEMUYAN 13:27 - Kenyah New Testament

²⁷ Un dulu diaʹ mudip kaʹ Yerusalim peging ngan diaʹ tuʹa re, abeʹ de tisen Yesus iaʹ Keniga Udip Kelunan, ngan abeʹ de tiesn sen tiraʹ dalem surat pegawa Tuhan iaʹ ida malai baca singket Tau Kelineʹ ne. Kenuen pia pekina, ida palup lete tiraʹ pegawa cen ban pemuyan nte ngukum Yesus ne.

PEMUYAN 13:27 Iomraidhean Croise

MATIUS 22:29

Un dau Yesus mipa ida: “Muʹo tawai, inu salaʹ laleʹ dau kimet cem. Ban ne abeʹ kem tisen inu iaʹ un dalem Kitap, ngan pekina pe penyukat Allah.

LUKAS 22:34

Un dau Yesus mipa ia: “Peterus, abeʹ lepe iap nekuʹuk tau ini, lepa telu liwai ne ikoʹ ke badaʹ abeʹ koʹ tisen akeʹ.”

LUKAS 23:13

Kun Pilatus mengin diaʹ detaʹu lataʹ, ngan diaʹ lataʹ lepoʹ, peging ngan dulu diaʹ kadoʹ, nai pempun kina.

LUKAS 24:20

Un sepuʹo, un ban diaʹ detaʹu lataʹ ngan diaʹ pengencam lepoʹ ilu cuk dulu dakep ia, ngan lematai ia neng kayu tecek.

YAYA 15:21

Mung puyan ini ida uyan neng ikem uban ncem anun nceʹ, uban abeʹ de tisen ia iaʹ cuk akeʹ nai.

YAYA 16:3

Atek de ke ti puyan ini neng ikem, uban nte abeʹ un tisen Amai Bioʹ, pekina pe akeʹ.

YAYA 5:39

Ikem pekalai Kitap uban ncem kuma dalem surat dina hem ke alaʹ udip saheʹ kelineʹ iaʹ ngeriman, ngan surat dina tengen ke badaʹ tugen neng akeʹ.

YAYA 8:28

Ina ukoʹ Yesus kuma ha neng ida: “Tegoʹ kem ke mejung Anak Sio ini, ikem ke tisen ‘Akeʹ Iaʹ Lemuto Un’. Ina ukoʹ tegoʹ ina hem ke tisen abeʹ keʹ uyan inu man kimet ceʹ tengen, un sepuʹo bang akeʹ badaʹ inu iaʹ Amai Bioʹ pekatuk akeʹ le.

PEMUYAN 15:21

Moʹ un cen naʹaʹ laleʹ tare, un dulu diaʹ ngalai baca Katuk Adet Musa kedalem amin sebayang Yahudi singket Tau Kelineʹ, ngan un pe diaʹ ban tai badaʹ tiraʹ Musa singket lepoʹ.”

PEMUYAN 28:23

Ina ukoʹ de nengangan uyan tebuku ngan Paulus, tau re kenai pempun kata ia. Kadoʹ kenai lepoʹ Yahudi neng tau idi. Cen mempam pa ketai ie tahup, Paulus nyituk badaʹ dau katuk ke mida neng puyan pengaren Allah ngaren ilu kelunan. Kun ne badaʹ cen Kitap Katuk Adet Musa, pekina pelaʹa cen Kitap diaʹ Pegawa. Man dina ha ten ke payo ida ke ngelan neng Yesus.

PEMUYAN 3:17

Sulo dau Peterus laʹa: “Ahaʹ cenganak keʹ mung, akeʹ tisen ban puyan ncem ini dalau hem turan are, pekina lete diaʹ tuʹa hem pe.

RUM 11:25

Ahaʹ cenganak keʹ, abeʹ keʹ ubaʹ ikem ke turan neng sen iaʹ linget dalem katuk ini, moʹ ina iaʹ ke mulen ikem tai tina neng pengencam ngkem. Ini ie: Mahing tawai lepoʹ Israil abeʹ e ke pekina lemuto, tai te pekaliu ʹo. Seʹ de mahing kena ketai sukung kadoʹ lepoʹ diaʹ ca nai ngelan Allah.

1 KURINTUS 2:8

Neng ahang diaʹ ngaren dulu kusun tanaʹ ini, ca usa pe abeʹ un tisen puyan penudi ini. Buk de ke tisen ia, atek abeʹ de ke ngediding Tuhan iaʹ puʹun serema peniga ina neng usun kayu tecek.

2 KURINTUS 3:14

Lan te kimet lepoʹ Israil pekep cen naʹaʹ are, ngan pa abeʹ tau ini pe seleket apeʹ idai are caʹ mekep kimet te dalau re baca Kitap Tuket Puʹun. Un sepuʹo buk kelunan ketai pebeka tawai ngan Keristus, penco pesau ne apeʹ kep ina.

2 KURINTUS 4:4

Abeʹ de ngelan Denga Injil ina, moʹ bali jaʹat iaʹ nyeleket Allah mida kusun tanaʹ ini lepa mapo kimet de dalau ntem. Bali jaʹat ina ban mempeng kimet de apan nte abeʹ un sukat taʹan dema iaʹ ke nai ngedema ida. Moʹ dema iaʹ nai cen Denga Injil ina iaʹ ngedema puyan serema peniga Keristus iaʹ atek kuaʹ layen Allah ne lete.

1 TIMUTIUS 1:13

Iaʹ lan ne, naʹ pe cen naʹaʹ are akeʹ iaʹ ban pejaʹat ngadan ne, ngan nyakit ia, ngan miʹi neng ia, un sepuʹo lesau ban Allah neng akeʹ, naʹ pe akeʹ ban uyan pekina, moʹ dalau heʹ turan are, abeʹ keʹ un pengelan lepe.