PEMUYAN 13:26 - Kenyah New Testament

²⁶ Sulo dau Paulus laʹa: “Ahaʹ amai, ngan cenganak, tepat diaʹ kini mung, ikem diaʹ su mela Ibrahim, ngan mung ngkem diaʹ ca diaʹ tunuk palaʹ Allah, ban palaʹ tepat mung kenai denga katuk neng puyan iaʹ ke pudip kelunan dalem Tuhan ne.

PEMUYAN 13:26 Iomraidhean Croise

MATIUS 10:6

Di lareʹ tiga hem tai palaʹ lepoʹ Israil diaʹ koʹ baʹan puyan dumba diaʹ tai lingu are.

MATIUS 3:9

Ayen ngata kuma ikem senteng ke peteneng puyan ncem man isiu hem kuma: ‘Ibrahim ina tepun meʹ.’ Akeʹ badaʹ mikem, Tuhan Allah senteng ke uyan mela Ibrahim cen batu dini.

LUKAS 1:69

Allah ban naʹ milu ca laki iaʹ pali, iaʹ Keniga udip le. Ia ban mela cen Daut iaʹ panyen ne are.

LUKAS 1:77

mia, ngan badaʹ me dulu diaʹ anun Allah, dau ue ke pudip ida kuʹun puyan ne iaʹ ke sau penyalaʹ de.

LUKAS 24:47

Moʹ kuʹun ngadan ne, atek le ke menco katuk neng puyan nesen ngan nyepuleʹ kimet, pekina pe neng puyan sau penyalaʹ me ketoʹ lepoʹ kusun tanaʹ ne, tading nge cen Yerusalim.

YAYA 6:68

Kun dau Simun Peterus mipa ia: “Ahaʹ Tuhan, palaʹ aheʹ meʹ ketai laʹa? Ikoʹ iaʹ mampin isiu iaʹ naʹ udip saheʹ kelineʹ iaʹ ngeriman.

PEMUYAN 10:2

Ia ca laki iaʹ temek dalem Katuk Adet Musa, iaʹ tunuk neng Allah, peging ngan mung nte panak dalem amin nte. Lemuto ho lesau lepoʹ Yahudi diaʹ taru murip, ngan lemuto ho lemameʹ palaʹ Allah.

PEMUYAN 10:35

Abeʹ pe Allah nyelepeʹ lemileʹ diseʹ neng mung lepoʹ, moʹ ketoʹ dulu diaʹ takut neng Allah, mentung mejo gayeng iaʹ teneng, ubaʹ Allah un kelunan dina.

PEMUYAN 13:43

Lepa ne mpun ina pasi, kenai kadoʹ lepoʹ Yahudi pemung ngan kadoʹ dulu diaʹ lepa alaʹ adet Yahudi dina, nai re bayaʹ Paulus de dua Barnabas. Kun nte dua penco tiraʹ mida, ngan petangen ida ke tudep dalem pengelesau iaʹ Allah lebang naʹ mida.

PEMUYAN 13:46

Un Paulus ngan Barnabas makang kuʹo ke dau re dua pisiu. Kun dau re dua: “Tekep ne ameʹ nekena badaʹ tiraʹ Allah ini mikem. Un sepuʹo ikem nyekang tiraʹ Allah. Dalem puyan ina, seʹ kem ubaʹ ngukum usa hem tengen ne ina. Tepa ne ikem neng udip saheʹ keline iaʹ ngeriman. Ina iaʹ ukoʹ meʹ lepo ikem. Tai kun meʹ palaʹ dulu diaʹ tahaʹ awang Yahudi.

PEMUYAN 16:17

Nai dekiʹit leto ina bayaʹ ameʹ telu Paulus, mentung nge ngelengap, un dau ue: “Kelunan dini iaʹ ngkang gayeng Allah iaʹ atek mpau. Ida iaʹ badaʹ janan mikem neng iaʹ ke pudip ikem dalem Tuhan.”

PEMUYAN 22:5

Un Pengebioʹ Detaʹu, ia iaʹ atek tugen neng puyan nceʹ, peging ngan mung Mpun diaʹ Lataʹ. Cen ida pe akeʹ alaʹ surat iaʹ ida ke naʹ katu me diaʹ cenganak Yahudi kaʹ lepoʹ Damsik te. Penco tai heʹ kaʹ lepoʹ ina, ubaʹ ketai dakep ngan lemeka ida diaʹ kina, sulo ke ngkin ida kaʹ Yerusalim, moʹ ke ngukum ida.”

PEMUYAN 28:28

Un dau Paulus pelaʹa: “Ina ukoʹ awaʹ pe ikem tisen dau Allah cuk ilu ketai ngkin tiraʹ a, iaʹ badaʹ puyan ne iaʹ ke pudip kelunan, ngkin ne palaʹ dulu diaʹ tahaʹ awang Yahudi. Ida ne iaʹ ke ngeringa ha nuʹo.” [

PEMUYAN 3:26

Pekina ban Allah pudip anak ke Yesus ina neng ca udip iaʹ tumpak, ngan cuk ia nai palaʹ ikem ading, apan ne ke naʹ peniga mikem, iaʹ ukoʹ kem mung ke nyepuleʹ kimet cen pemuyan jaʹat cem.”

PEMUYAN 4:12

Abeʹ un ca kelunan kentaʹ langit ne iaʹ senteng pudip ilu, bang Yesus le, iaʹ Allah ban mencai me kelunan, moʹ dalem Yesus un iaʹ ke pudip ilu.”

PEMUYAN 5:20

“Tai ne ikem nekejeng kedalem Umaʹ Palan Allah. Badaʹ me kelunan mung, tiraʹ neng udip mading ini.”

RUM 1:16

Abeʹ keʹ babak tekaʹ neng Denga Injil ini, uban ina atek penyukat Allah iaʹ ke pudip mung kelunan diaʹ ke ngelan ne. Iaʹ ading kidi lepoʹ Yahudi, un pe lepoʹ diaʹ ca puʹo ngebayaʹ.

IPESUS 1:13

Pekina lete ikem, dalau hem ban kenahan dau katuk iaʹ telit lan are, iaʹ ina Denga Injil neng puyan iaʹ pudip ikem dalem Tuhan, penco hem ngelan neng Keristus. Sulo kun Allah matep ikem man Berua ha iaʹ Buheʹ, iaʹ lepa ia petuket ina.

KULUSE 1:5

Dalau tading katuk telit, iaʹ ina Denga Injil, nai abeʹ palaʹ ikem are, ikem lepa kenahan neng puyan ca tebelum iaʹ Denga Injil ke mencai mikem. Ina tuman pengelan ncem ngan pengemalaʹ kem ke pebesun neng puyan inu iaʹ ikem ke nebelum ina, iaʹ Allah ngedemun tiga mikem kaʹ surga.