PEMUYAN 13:2 - Kenyah New Testament

² Dalau re pat lemameʹ Tuhan ngan lemalan abeʹ un uman, un dau Berua Buheʹ neng ida: “Nengen ne Barnabas ngan Saul makeʹ, idi re tai mejo gayeng ngkeʹ neng iaʹ ukoʹ keʹ mengin ida.”

PEMUYAN 13:2 Iomraidhean Croise

MATIUS 17:21

Un sepuʹo bali koʹ baʹan ini are, bang puyan lemameʹ ngan puyan lemalan abeʹ un uman iaʹ senteng ke pekarap ia.]”

MATIUS 6:16

“Dalau hem lemalan abeʹ un uman, ayen ncem uyan silung iaʹ pekebampa seʹ, koʹ baʹan puyan kelunan diaʹ ngaloʹ are. Tai re masat ngan laʹu seʹ silung nte, apan dulu tisen ida lemalan abeʹ un uman. Nawai tiga le, lepa ne ida alaʹ mung bang nte.

MATIUS 9:38

Lemameʹ ne palaʹ Tuhan iaʹ un ajau ini, apan ne cuk kelunan diaʹ mencam pegayeng tai majau uma haʹ.”

LUKAS 10:1

Uʹo ina kun Tuhan lemileʹ tujoʹ puloʹ dua usa laʹa. Penco ho cuk ida tai tahaʹ dua tahaʹ dua nekena ia neng singket lepoʹ ngan umaʹ, kukoʹ o ubaʹ ke nyabeʹ ʹo.

LUKAS 2:37

Uʹo ina leto balu ne ia, pa aya puloʹ pat uman. Nyahut balu Ana ina un mecin Umaʹ Palan Allah ne. Ngahu ngan naʹ tau pe ia nyelama palaʹ Allah mentung lemalan abeʹ un uman ngan lemameʹ.

PEMUYAN 10:19

Dalau Peterus caʹ miat tekaʹ pekimet inu sen penaʹat te are, un dau Berua Tuhan neng ia: “Ina kenai telu usa mita ikoʹ.

PEMUYAN 10:30

Un dau Kurnilius: “Ini ne kepat tau ue uʹo heʹ lemameʹ Tuhan kaʹ amin nceʹ ne, dalau jam telu tai tahup. Belekaʹ nai ca usa kelunan nekejeng nyeripa akeʹ, ngan to serema seʹ gelam me.

PEMUYAN 13:3

Kun nte lemameʹ Tuhan ngan lemalan abeʹ un uman laʹa, sulo re napo ujoʹ de neng ida dua Saul ngan Barnabas, penco re cuk ida dua tai puke?

PEMUYAN 13:4

Ban Berua Buheʹ iaʹ cuk ida dua, ina ukoʹ de dua tai kaʹ bahi kaʹ lepoʹ Selukia. Cen ina tai re ngedung neng kapen ia tai kaʹ tanaʹ Siperus.

PEMUYAN 14:26

Cen ina re dua ngedung neng kapen, penco re puke tai kaʹ lepoʹ Antiukia tanaʹ Siria are, kukoʹ Mpun diaʹ ngelan Tuhan iaʹ ban pelek ida dua palaʹ pengelesau Allah tuman gayeng iaʹ ida dua lepa ban pesukung ina.

PEMUYAN 20:28

Petubo ne tiga tiga neng usa ngan kimet cem tengen, pekina pe petubo ne mung aba dumba, moʹ Berua Buheʹ ban cuk ikem ke tuʹa re. Manan ne Mpun diaʹ anun Allah. Allah ban un ne, moʹ tuman dahaʹ patai ie tengen.

PEMUYAN 22:21

Un dau Tuhan neng akeʹ: ‘Tai ne, moʹ akeʹ iaʹ cuk ikoʹ tai kaʹ coʹ palaʹ kelunan diaʹ tahaʹ awang Yahudi.’ ”

PEMUYAN 4:36

Un Yusup ne, diaʹ lawa Injil naʹ ipa ngadan ne Barnabas, iaʹ sen ngadan ina “Laki Nyelaho,” ca diaʹ mela Liwi ie, ban cen tanaʹ Siperus te.

PEMUYAN 6:4

Tuman ina ameʹ dini diaʹ ke pekutat ke lemameʹ Tuhan ngan ke menco gayeng pedenga tiraʹ a.”

PEMUYAN 8:29

Kun Berua Buheʹ pisiu Pilipus: “Tai ne ikoʹ ngenyeng laki bioʹ lepoʹ Itiupia ina, tai pemung ngan ne neng kerita haʹ.”

PEMUYAN 9:15

Kun dau Tuhan neng Ananias: “Tai ne ikoʹ sedeʹ. Lepa ne akeʹ lemileʹ Saul ina, ke uyan ia ca senganan man ke pedenga ngadan nceʹ palaʹ dulu diaʹ tahaʹ awang Israil, palaʹ diaʹ paren pe, ngan pekina pe palaʹ lepoʹ Israil.

RUM 1:1

Cen Paulus, ulaʹ Keristus Yesus, iaʹ Allah ban mengin ke nuyan ca diaʹ lawa ha, tengangan ke tai pedenga Denga Injil Allah.

RUM 10:15

Kumpin katuk ina ke tai denga buk abeʹ un aheʹ lawa iaʹ ilu cuk ke tai pedenga ha tupe? Koʹ baʹan dau Kitap Tuhan: “Selama laleʹ le dulu neng kenai asat aheʹ diaʹ pedena denga tiga.”

RUM 15:16

Akeʹ iaʹ petubo gayeng Keristus Yesus me lepoʹ diaʹ tahaʹ awang Yahudi. Koʹ baʹan iaʹ detaʹu iaʹ ngkang liwa, pekina kenai heʹ badaʹ Denga Injil Allah, apan dulu diaʹ tahaʹ awang Yahudi ketai nuyan koʹ baʹan ca liwa iaʹ akeʹ mencai me Allah. Pengencai ina sihoʹ neng pengubaʹ Allah kuʹun Berua Buheʹ iaʹ nengen ida neng iaʹ buheʹ.

1 KURINTUS 12:11

Un sepuʹo mung puyan ina iaʹ nuyan kuʹun Berua iaʹ bang ca le ina. Ca naʹan pencai ia naʹ me singket usa le bayaʹ ban pengubaʹ a tengen.

1 KURINTUS 7:5

Ayen mulen ikem selepeʹ buk abeʹ un kuaʹ kimet cem, ngan ayen majan kanan kimet cem ina, bang alaʹ ne pengebiʹen ncem lemameʹ Tuhan. Uʹo ina puyan ncem pekuaʹ ngan udip kem cen kena laʹa, malap tegoʹ Sitan ke ten ikem, luhaʹ tepa ban ncem mapo pengubaʹ usa hem.

2 KURINTUS 11:27

Ameʹ pegayeng ngan nyara. Puto liwai heʹ maga utung alem. Tajen pe akeʹ laʹu ngan muhang. Tajen pe akeʹ tepet neng penguman, ngan neng sengau, ngan neng gelam pe.

2 KURINTUS 6:5

Dulu lepa lemeta ameʹ, ngan nyepin ameʹ, ngan pampo ameʹ. Ameʹ lepa nyara pegayeng, tepet luntoʹ, ngan laʹu pe.

GALATIA 1:15

Un sepuʹo kuʹun pengelesau Allah ina, ia lepa lemileʹ akeʹ cen kena heʹ nai pempet kusun tanaʹ ini, ngan mengin akeʹ, apan nceʹ tai nuyan ulaʹ a.

IPESUS 3:7

Allah iaʹ uyan akeʹ petubo katuk Injil bayaʹ ban tulat pengencai ie makeʹ, ngan naʹ gayeng ini peging ngan penyukat te.

KULUSE 4:17

Ngan tiga hem kuma dau neng Arkipus: “Nawai hoʹ ke pelepek tulat gayeng iaʹ Tuhan lepa naʹ mikoʹ are.”

1 TIMUTIUS 2:7

Moʹ neng puyan ina, Allah ban cuk akeʹ tai lawa Injil, ngan guru palaʹ dulu diaʹ tahaʹ awang Yahudi. Ia cuk akeʹ penco katuk neng puyan ngelan ngan katuk iaʹ telit. Ngan telit lan dau heʹ, abeʹ keʹ palo.

2 TIMUTIUS 1:11

Ngan lepa ne Allah nyalet akeʹ ke pendenga katuk Injil, ngan nuyan akeʹ lawa Injil, ngan guru kidi.

2 TIMUTIUS 2:2

Toʹ tiraʹ katuk iaʹ akeʹ ti mikoʹ kenahan dulu diaʹ kadoʹ are, tiga hoʹ naʹ a palaʹ ida diaʹ senteng ikoʹ ke nina, diaʹ mencam pekatuk dulu diaʹ ca.

2 TIMUTIUS 4:11

Ban Lukas iaʹ caʹ un ngan nceʹ laʹa. Ikoʹ mengin Markus nai tugung ikoʹ, moʹ bioʹ tekaʹ a mepo akeʹ dalem gayeng ini.

2 TIMUTIUS 4:5

Un sepuʹo ikoʹ ini, tiga hoʹ peteneng ngan jagaʹ usa hoʹ, mele inu pemuyan iaʹ nantaʹ ikoʹ, ngan ngihen neng tuyen. Pegayeng ne neng gayeng iaʹ ke madut dulu palaʹ katuk Denga Injil, ngan pesukung ne gayeng iaʹ tulat coʹ.

IBERANI 5:4

Abeʹ un ca usa iaʹ alaʹ selumuk mia tengen, lemileʹ ia nuyan Pengebioʹ Detaʹu. Bang kuʹun pengin Allah ca kelunan ketai nuyan Pengebioʹ Detaʹu, kuaʹ baʹan Harun sihoʹ pengin Allah cen naʹaʹ are.