PEMUYAN 13:15 - Kenyah New Testament

¹⁵ Uʹo lepa dulu baca Kitap Katuk Adet Musa ngan Kitap Pegawa Tuhan, kun diaʹ tuʹa neng amin sebayang Yahudi ina cuk ca usa tai kata ida dua, kedau re: “Amai, buk un ca katuk ikem dua ke petangen dau neng lepoʹ ini, badaʹ ne mameʹ.”

PEMUYAN 13:15 Iomraidhean Croise

MARKUS 5:22

Nai Yairus, ca laki iaʹ tuʹa bioʹ kaʹ amin sebayang Yahudi kaʹ lepoʹ ina. Nai ie taʹan Yesus, penco ho muʹup kaʹ tanaʹ dudo taket te.

LUKAS 16:16

“Un Katuk Adet Musa ngan surat mung pegawa Tuhan, idi senawan kelunan mudip pa kenai abeʹ Yaya Batis are. Uʹo ina nai luhaʹ Denga Injil neng puyan pengaren Allah ke ngaren kelunan, ngan mung dulu naseʹ ketai kedalem me.

PEMUYAN 1:16

“Ahaʹ cenganak keʹ mung, un dau isiu dalem Kitap Tuhan iaʹ sihoʹ neng puyan Yudas, iaʹ nai ngkin dulu dakep Yesus are, koʹ baʹan dau isiu Berua Buheʹ iaʹ nekena badaʹ neng puyan Yudas ne cen paʹ Daut cen naʹa are. Ina ukoʹ abeʹ e are senteng ketai palup dau Kitap Tuhan ini.

PEMUYAN 13:27

Un dulu diaʹ mudip kaʹ Yerusalim peging ngan diaʹ tuʹa re, abeʹ de tisen Yesus iaʹ Keniga Udip Kelunan, ngan abeʹ de tiesn sen tiraʹ dalem surat pegawa Tuhan iaʹ ida malai baca singket Tau Kelineʹ ne. Kenuen pia pekina, ida palup lete tiraʹ pegawa cen ban pemuyan nte ngukum Yesus ne.

PEMUYAN 15:21

Moʹ un cen naʹaʹ laleʹ tare, un dulu diaʹ ngalai baca Katuk Adet Musa kedalem amin sebayang Yahudi singket Tau Kelineʹ, ngan un pe diaʹ ban tai badaʹ tiraʹ Musa singket lepoʹ.”

PEMUYAN 15:7

Majan nte pata dau isiu re. Uʹo ina kenai Peterus beteʹ. Un dau ue: “Ahaʹ cenganak keʹ mung, tisen te ikem, cen kena ne Allah lemileʹ akeʹ neng ahang ikem apan nceʹ ke pedenga katuk Injil me dulu diaʹ tahaʹ awang Yahudi, idi re kenahan ngan ngelan ne pe.

PEMUYAN 18:17

Sulo dulu diaʹ kadoʹ kina dakep Sustenis, tuʹa bioʹ mpun sebayang Yahudi dina, penco re lemeta ia kata diaʹ lataʹ pebetep tiraʹ dina. Abeʹ Galio pesingo ca bute neng puyan ina.

PEMUYAN 18:8

Un Kerispus de panak, nai re ngelan Tuhan. Kerispus iaʹ tuʹa bioʹ mpun sebayang Yahudi dina. Ngan kadoʹ kenai diaʹ lepoʹ Kurintus ngeringa dau katuk Paulus, sulo nai re ngelan Tuhan ngan tai sihoʹ ngebatis.

PEMUYAN 2:29

Un dau Peterus laʹa: “Ahaʹ cenganak keʹ mung, melai melai dau heʹ pisiu ikem neng puyan tepun le Daut. Lepa ne ia matai. Lepa dulu nanam ne ia. Liang nge un ngan le pabeʹ tau ini ne.

PEMUYAN 2:37

Tegoʹ mung kelunan dina kenahan dau Peterus ne, tai kesuk ne tekaʹ kimet de, penco dau re neng Peterus ngan lawa Injil diaʹ ca dina: “Kumpin ne cenganak, inu iaʹ ameʹ ke uyan tupe?”

PEMUYAN 2:4

Mung nte tai sangan kuʹun Berua Buheʹ, sulo re pisiu neng naʹan naʹan dau isiu, bayaʹ ban puyan Berua Buheʹ iaʹ nai mesun neng ida cuk ida pisiu.

PEMUYAN 20:2

Ketai Paulus pelibut ketoʹ dale ina, mentung nge petangen dulu man kadoʹ katuk ke. Uʹo ina tai ie abeʹ kaʹ tanaʹ Gerika.

PEMUYAN 22:1

“Ahaʹ pui, amai, ngan cenganak, ngan tepat mung, ngeringa hem dau heʹ ke mipa ikem ading.”

PEMUYAN 4:36

Un Yusup ne, diaʹ lawa Injil naʹ ipa ngadan ne Barnabas, iaʹ sen ngadan ina “Laki Nyelaho,” ca diaʹ mela Liwi ie, ban cen tanaʹ Siperus te.

PEMUYAN 7:2

Kun Stipanus mipa ia: “Ahaʹ pui, ngan cenganak cenganak keʹ mung, tiga hem ngeringa dau heʹ. Ban Allah iaʹ un serema peniga lepa nai luhaʹ palaʹ tepun le Ibrahim dalau ue caʹ un kaʹ tanaʹ Mesuputami, kena ha ke tai paso kaʹ tanaʹ Haran cen naʹaʹ te are.

RUM 12:8

Buk pengencai le petangen saheʹ dulu, sanget ne petangen saheʹ de. Aheʹ iaʹ petulat inu ne me dulu, tiga na ia ti ie ngan lebang. Aheʹ iaʹ tuʹa le neng gayeng, tangen ne neng gayeng nge. Aheʹ iaʹ lesau mepo dulu, mepo ne ngan bangen.

1 KURINTUS 14:3

Un sepuʹo kelunan iaʹ badaʹ seluhan isiu cen Allah ina menco isiu ue me kelunan. Kun ne pedengkep udip de ngan petangen kimet de ngan pedenaʹ tawai re.

2 KURINTUS 3:14

Lan te kimet lepoʹ Israil pekep cen naʹaʹ are, ngan pa abeʹ tau ini pe seleket apeʹ idai are caʹ mekep kimet te dalau re baca Kitap Tuket Puʹun. Un sepuʹo buk kelunan ketai pebeka tawai ngan Keristus, penco pesau ne apeʹ kep ina.

1 TESALUNIKA 2:3

Dau meʹ pekatuk ikem are, abeʹ e ngedung neng katuk iaʹ salaʹ ngan jo kimet iaʹ jaʹat. Pekina pe abeʹ meʹ panyi dulu.

IBERANI 13:22

Ahaʹ cenganak cenganak keʹ, ngelapen dau heʹ nyat ikem denaʹ tawai ke ngeringa dau katuk ini iaʹ ke petangen ikem, moʹ surat iaʹ akeʹ nyurat mikem ini, abeʹ un kumpin dadoʹ dau ue.