PEMUYAN 13:12 - Kenyah New Testament

¹² Kun laki bioʹ gebenur ina taʹan diseʹ puyan ina, ngelan ne gebenur neng Yesus, mentung nge salam laleʹ tekaʹ a neng katuk Tuhan ne.

PEMUYAN 13:12 Iomraidhean Croise

MATIUS 27:54

Tegoʹ kaptin sedadu ina ngan sedadu ue diaʹ ban jagaʹ Yesus taʹan seʹ tanaʹ tai liung, ngan mung inu iaʹ nuyan, tai takut ne tekaʹ de, mentung nte kuma ha: “Atek lan lete ia ini Anak Allah.”

LUKAS 4:22

Ketoʹ dulu kina alaʹ dau ue, ngan muʹo tawai ne ida kenahan dau peniga isiu ue. Kedau re: “Moʹ abeʹ ini anak Yusup tupe?”

LUKAS 7:16

Salam ngan takut ne ketoʹ de mung, penco re pempau Allah, un dau re: “Ini ca pegawa iaʹ atek bioʹ nai luhaʹ kahang ilu.” Ngan: “Seʹ kenai Allah keniga udip ilu diaʹ anun ne.”

YAYA 7:46

Un dau sedadu dina mipa: “Abeʹ un aheʹ iaʹ pisiu kuaʹ puyan laki ini lepe.”

PEMUYAN 13:48

Tai bangen diseʹ dulu diaʹ tahaʹ awang Yahudi, moʹde kenahan dau tiraʹ ina, mentung nte pada katuk Tuhan Allah. Un kudaʹ kadoʹ ne ida nai penco ngelan Tuhan, moʹ de lepa tenup tekaʹ ke alaʹ udip saheʹ kelineʹ iaʹ ngeriman cen Tuhan.

PEMUYAN 13:49

Un tiraʹ Allah tai denga kuʹo ke pa tipo dale ina.

PEMUYAN 13:7

Ia malai ngan Sergius Paulus, laki bioʹ gebenur tanaʹ ina. Ca laki iaʹ mencam pekimet gebenur ina. Ia mengin Barnabas ngan Saul nai palaʹ ia, moʹ o ubaʹ ke kenahan dau tiraʹ Allah.

PEMUYAN 13:8

Un laki iaʹ mencam pucau ina, Bar-yesus ne, (Ilimas ngadan ne neng isiu Gerika,) ia nyakat Barnabas ngan Saul, moʹ o ubaʹ ke nyalaʹ laki bioʹ gebenur ne tai coʹ neng pengelan ne neng Tuhan.

PEMUYAN 15:35

Paulus ngan Barnabas ngelineʹ pelaʹa kaʹ Antiukia pemung ngan kadoʹ dulu diaʹ ca pe, mentung nte dua pekatuk ngan badaʹ tiraʹ Tuhan.

PEMUYAN 15:36

Kudaʹ tau cen uʹo ina laʹa, un dau Paulus neng Barnabas: “Baka, tiga tua tai menoʹ diaʹ cenganak le dalem Tuhan kaʹ singket singket lepoʹ iaʹ kukoʹ ban tua badaʹ tiraʹ Tuhan are. Tai naʹat ida, kumpin seʹ ban puyan nte.”

PEMUYAN 18:12

Dalau Galio tai gebenur ngkang perinta kaʹ tanaʹ Gerika, nai kun lepoʹ Yahudi diaʹ kuaʹ ayo ban peseket ubaʹ ke nyakit Paulus. Penco re dakep ia, ngkin ia kukoʹ diaʹ lataʹ pebetep tiraʹ.

PEMUYAN 19:10

Pekina puyan Paulus dalem dua uman majan ne, pa mung dulu neng tanaʹ Asia kenahan tiraʹ Tuhan, inu pia Yahudi, ngan pekina pe Gerika, mung nte kenahan dau ue.

PEMUYAN 19:20

Pekina ban luhaʹ penyukat tiraʹ Tuhan iaʹ tai denga kuʹo ke, ngan tai un pit un pit pengali ie.

PEMUYAN 19:38

Buk Dimitrius de pat diaʹ mencam nene dina un ukoʹ de ke mekem penyalaʹ neng aheʹ aheʹ pe, ina pe mpun diaʹ lataʹ ke pebetep tiraʹ ukoʹ tai re petugen puyan ina. Tekep te ida ti ie neng ida selepeʹ kina.

PEMUYAN 19:7

Masa un puloʹ dua usa mung nte laki dina.

PEMUYAN 28:7

Nyeng kina kadoʹ uma anun Pubelius, tuʹa bioʹ de kaʹ tanaʹ ina. Kun ne alaʹ ameʹ ngan selama, penco lemakan ameʹ ngan lebang seʹ e dalem telu tau majan ne petubo ameʹ.

PEMUYAN 6:10

Un Stipanus ina, Berua Tuhan iaʹ naʹ tudi penisen mia, ina ukoʹ de supeʹ nyakat ia.

PEMUYAN 8:25

Lepa Peterus de dua Yaya ne badaʹ neng ban tugen nte, ngan pedenga tiraʹ Tuhan ne, nai re dua ngeliwet kaʹ Yerusalim. Ngalang janan nte badaʹ Denga Injil kedalem palai lepoʹ kaʹ dale Samaria.