PEMUYAN 13:1 - Kenyah New Testament

¹ Neng Mpun diaʹ ngelan Tuhan kaʹ lepoʹ Antiukia, un pe kudaʹ kadoʹ pegawa Tuhan ngan guru, iaʹ ina Barnabas, ngan Simiun (iaʹ dulu naʹ Saleng), ngan Lukius (lepoʹ Kirini), ngan Menahem (cenganak ca ueʹ ngan Laja Herudis iaʹ ngkang ca tulat neng iaʹ kepat dale ina), ngan Saul.

PEMUYAN 13:1 Iomraidhean Croise

MATIUS 27:32

Dalau nai re kawang, kun nte petegoʹ ngan ca kelunan nai cen lepoʹ Kirini, ngadan ne Simun. Penco re lemejen cuk ia nyuʹun kayu tecek Yesus ina.

LUKAS 3:1

Neng iaʹ kepuloʹ lema uman laki Kaisar Tiberius ban nuyan paren bioʹ, dalau ina Puntius Pilatus gebenur kaʹ tanaʹ Yudia. Un Herudis iaʹ paren ngkang dale Galilia, ngan Pilipus iaʹ cenganak Herudis, ia iaʹ paren ngkang dale Ituria, ngan dale Tera-kunitis. Un Lisanias paren iaʹ ngkang tanaʹ Abiline.

PEMUYAN 11:30

Pekina pe ida pempun inu re, sulo re katu ligit de tugung Barnabas ngan Saul me diaʹ tuʹa Mpun diaʹ ngelan Tuhan kaʹ tanaʹ Yudia.

PEMUYAN 12:25

Nai ngeliwet ne Barnabas ngan Saul cen Yerusalim, moʹ sukung ne gayeng nte kina. Mentung nte ngkin Yaya Markus tugung ida.

PEMUYAN 13:9

Un Saul, iaʹ ilu kuma Paulus ina, sangan ne kuʹun Berua Buheʹ. Kun ne nekeneng naʹat laki pucau ina.

PEMUYAN 15:32

Un Yudas ngan Silas, pegawa Tuhan nte dua. Majan nte pekatuk diaʹ cenganak dalem Tuhan kina, mentung nte dua petangen ngan ngepali pengelan nte.

PEMUYAN 15:35

Paulus ngan Barnabas ngelineʹ pelaʹa kaʹ Antiukia pemung ngan kadoʹ dulu diaʹ ca pe, mentung nte dua pekatuk ngan badaʹ tiraʹ Tuhan.

PEMUYAN 19:6

Kun Paulus napoʹ ujoʹ o neng ida, sulo kenai Berua Buheʹ mesun neng ida, penco re pisiu man isu iaʹ bulen dau. Kun nte badaʹ seluhan isiu cen Allah pelaʹa.

PEMUYAN 21:9

Un anak ke, pat de dekiʹit leto iaʹ mencam badaʹ seluhan isiu cen Allah.

PEMUYAN 4:36

Un Yusup ne, diaʹ lawa Injil naʹ ipa ngadan ne Barnabas, iaʹ sen ngadan ina “Laki Nyelaho,” ca diaʹ mela Liwi ie, ban cen tanaʹ Siperus te.

PEMUYAN 9:1

Dalau ina caʹ buseʹ lepe Saul. Kun ne ngeretaʹ dau mida ubaʹ ke lematai diaʹ bayaʹ katuk Tuhan dina. Ketai Saul nyat surat neng Pengebioʹ Detaʹu.

RUM 16:21

Timutius iaʹ pemung pegayeng ngan nceʹ, ia pekatu badaʹ tiga saheʹ e mikem. Pekina pe Lukius, ngan Yasun, ngan Susipatar diaʹ pemung lepoʹ Yahudi ngan meʹ, ida pekatu badaʹ tiga saheʹ de mikem lete.

1 KURINTUS 11:4

Moʹ ban pekina, laki iaʹ mpi iaʹ lemameʹ Tuhan, pekin ape iaʹ badaʹ tiraʹ a dalau mpun le lemameʹ peging kep ulu ue, seʹ e taro neng Keristus iaʹ paren ne.

1 KURINTUS 13:2

Kenuen pe akeʹ un pencai man nceʹ senteng pisiu seluhan isiu Allah, kenuen pe akeʹ un mung penisen, ngan iaʹ lesan neng iaʹ linget pe, kenuen pe pengelan nceʹ sukung pa heʹ senteng paso mudung pe, un sepuʹo buk keʹ abeʹ un malaʹ, abeʹ keʹ ke nuyan ca inu inu pe.

1 KURINTUS 13:8

Un malaʹ ne, abeʹ e ke un pengelepa ha. Un sepuʹo puyan iaʹ pisiu seluhan isiu Allah ke tai ie abeʹ un laʹa. Pekina pe pencai iaʹ pisiu ngan isiu bulen ke tai pekenaʹ, pekina pe pencai penisen ke tai abeʹ un laʹa.

1 KURINTUS 14:29

Laʹa neng kelunan diaʹ pegawa Allah, tiga ha dua usa mele telu re ke pisiu, mentung diaʹ ca ke pata pekimet tiraʹ a.

1 KURINTUS 14:32

Pencai iaʹ badaʹ seluhan isiu cen Allah, abeʹ e pesau cen gaham kelunan iaʹ pisiu ina,

1 KURINTUS 9:6

Bang ameʹ dua Barnabas tuaʹ le iaʹ tekep ke mita penguman mameʹ tengen tupe?

GALATIA 2:13

Pekina pe cenganak le diaʹ lepoʹ Yahudi tai pubut kimet pemung ngan Peterus, pa Barnabas tai pihit kuʹun pemuyan nte ina.

GALATIA 2:9

Yakup, Peterus, ngan Yaya, iaʹ dulu kuma ha diaʹ lataʹ, ida lepa nugen moʹ Allah lepa naʹ tulat gayeng ini makeʹ kuʹun ban pengelesau ue. Ina tuman nte alaʹ ameʹ dua Barnabas ngan selama dau. Mentung kuaʹ dau ayo meʹ pemung pegayeng ngan nte, iaʹ ina akeʹ ngan Barnabas tai mejo gayeng ina neng ahang lepoʹ dulu diaʹ ca, ngan ida tai palaʹ kelunan lepoʹ Yahudi.

IPESUS 4:11

Atek laki ina te iaʹ “naʹ kudaʹ pengencai me kelunan.” Ia uyan palai mida tai lawa Injil, palai ia uyan pegawa, palai ia uyan penco Injil, un palai ia uyan petubo Mpun diaʹ ngelan Tuhan, ngan pekatuk kidi.

PILIPI 4:22

Mung dulu kini diaʹ anun Allah, menco pelaʹa dau diaʹ pegayeng dalem amin Laja Kaisar, badaʹ tiga saheʹ de mikem.

1 TESALUNIKA 5:20

Ayen ncem muau isiu iaʹ nai badaʹ seluhan kimet Allah.