PEMUYAN 12:7 - Kenyah New Testament

⁷ Belekaʹ kenai ca usa melikat Tuhan nekejeng kina, ngan ca serema ngedema amin sepin ina. Penco ho nepap liʹip Peterus naga ia kuma: “Nyelarai ne ikoʹ beteʹ.” Beliʹau lero le mung beka ha neng ujoʹ o.

PEMUYAN 12:7 Iomraidhean Croise

MATIUS 2:13

Uʹo kelunan diaʹ mencam ngetisen sen betuʹen dina tai mecin, sulo nai ca melikat luhaʹ dalem kenupi Yusup, un dau ue: “Beteʹ ne ikoʹ, alaʹ anak ina ngan ueʹ e. Tai ne ikem kelap kaʹ lepoʹ Masir. Ngelineʹ ne ikem kina pa nai heʹ badaʹ isiu mikem laʹa, ban ne Herudis kenai pita anak ini, ubaʹ ke lematai ia.”

LUKAS 2:9

Belekaʹ kenai ca melikat Tuhan luhaʹ kata ida, peging serema Tuhan iaʹ ngedema pipa ida. Ina ukoʹ de tai bisau laleʹ tekaʹ de.

LUKAS 24:4

Dalau re maru tekaʹ pekina, belekaʹ idi dua usa laki diaʹ un sapai menyerening diseʹ nekejeng dudo ida.

PEMUYAN 10:30

Un dau Kurnilius: “Ini ne kepat tau ue uʹo heʹ lemameʹ Tuhan kaʹ amin nceʹ ne, dalau jam telu tai tahup. Belekaʹ nai ca usa kelunan nekejeng nyeripa akeʹ, ngan to serema seʹ gelam me.

PEMUYAN 12:23

Tegoʹ ina, Herudis sihoʹ kenca melikat Tuhan, moʹ abeʹ e nyelama palaʹ Allah. Ina ukoʹ matai ne ia kuʹun ban kua uman ia.

PEMUYAN 12:6

Dalau alem kena ketai ke sihoʹ tau iaʹ Herudis ubaʹ ke tai ngkin ia ngejuma dulu, un Peterus ne luntoʹ neng ahang dua usa sedadu, peging ngan dua re beka malat neng ia. Un pe palai sedadu jagaʹ kaʹ lung pamen amin sepin ina.

PEMUYAN 12:8

Un dau melikat ina neng ia: “Mahat ne seketeng ngkoʹ. Un ne kasut coʹ.” Seʹ Peterus bayaʹ dau ue. Un dau melikat ina neng ia pelaʹa: “Un ne sapai hoʹ. Nai ne bayaʹ akeʹ.”

PEMUYAN 16:26

Belekaʹ pali tekaʹ tanaʹ liung kina, pa tai tekicuk tentan besun sukaʹ amin sepin ina. Ngan dalau ina lete mung pamen tai pesik, ngan mung ampit malat beka re diaʹ sepin dina tai pesau.

PEMUYAN 2:24

Kun Allah pudip Yesus cen patai ie. Allah iaʹ sau ia cen tuyen patai, moʹ naʹ pe ke kumpin kumpin, abeʹ e ketai supeʹ kuʹun patai.

PEMUYAN 5:19

Un sepuʹo tegoʹ alem ina, nai kun ca melikat Tuhan mesik pamen amin sepin ina, penco ngkin ida kawang, mentung dau ue neng ida:

PEMUYAN 9:3

Dalau ketai pengasat Saul nyeng kaʹ lepoʹ Damsik, belekaʹ kenai ca dema nyerutang cen langit sihoʹ ngan teliling ia.

IPESUS 5:14

Buk de tai tisen ban salaʹ de moʹ kuʹun dema, ina iaʹ menat ida nai tabin neng dema. Ina ukoʹ pekini dau katuk: “Taga ne ikem diaʹ luntoʹ, beteʹ ne cen ahang diaʹ matai. Ngan Keristus iaʹ ke ngedema ikem.”

IBERANI 1:14

Buk pekina, kumpin puyan diaʹ melikat tupe? Mung nte nuyan berua iaʹ pegayeng me Allah. Ngan Allah iaʹ cuk ida tai mepo kelunan diaʹ ke alaʹ udip iaʹ ke pudip ida dalem Tuhan.

PUYAN LUHA’ 18:1

Uʹo ina pelaʹa akeʹ taʹan ca melikat nai kentaʹ cen langit. Bioʹ penyukat te, ngan serema pengaren ne tai tipo kusun tanaʹ ne.