PEMUYAN 12:5 - Kenyah New Testament

⁵ Ina ukoʹ Peterus tai peput dalem amin sepin. Naʹ pia pekina, Mpun diaʹ ngelan Tuhan dina abeʹ de un beto dau lemameʹ mia palaʹ Tuhan ngan sanget de.

PEMUYAN 12:5 Iomraidhean Croise

MATIUS 18:19

“Un pelaʹa akeʹ ke badaʹ mikem, buk un dua usa neng ahang ikem kusun tanaʹ ini, ke lemameʹ ngan ca lem kimet neng ca puyan, mele puyan inu dalem temameʹ kem, Amai heʹ iaʹ kaʹ surga lete iaʹ ke uyan ne mikem ʹo.

LUKAS 18:1

Kun Yesus ti ca kata katuk mida kina, apan nte lemameʹ lemuto, nga ayen tai puʹek tawai.

PEMUYAN 12:12

Uʹo ho tisen neng mung pemuyan ina, tai ie kaʹ amin Mariam ueʹ Yaya, iaʹ ipa ngadan ne Markus. Un kina kadoʹ dulu pempun dalau re lemameʹ Tuhan.

PEMUYAN 12:4

Lepa re mapo Peterus, kun nte naʹ ia kedalem amin sepin, kun nte cuk puloʹ nem usa sedadu keliwa jagaʹ ia, tahaʹ pat usa, tahaʹ pat usa re. Un kimet Herudis ubaʹ ke ngkin Peterus ngejuma lepoʹ ina tegoʹ ketai kuʹo adet Paska ina.

PEMUYAN 12:6

Dalau alem kena ketai ke sihoʹ tau iaʹ Herudis ubaʹ ke tai ngkin ia ngejuma dulu, un Peterus ne luntoʹ neng ahang dua usa sedadu, peging ngan dua re beka malat neng ia. Un pe palai sedadu jagaʹ kaʹ lung pamen amin sepin ina.

1 KURINTUS 12:26

Buk ca sangat te un tekaʹ sakit, mung sangat te diaʹ ca pekuaʹ ketisen tekaʹ sakit lete. Buk ca sangat dina ketai pejung, mung sangat dina kuaʹ un bangen.

2 KURINTUS 1:11

mentung ikem diaʹ pepo ngan meʹ man puyan ncem lemameʹ me ameʹ. Pekina ban ne Allah ke mipa dau temameʹ diaʹ kadoʹ, diaʹ ikem lemameʹ me ameʹ, sulo ho ke naʹ peniga ha mameʹ, mentung kadoʹ kelunan ke nyuaʹ tiga saheʹ palaʹ Allah tuman ameʹ.

1 TESALUNIKA 5:17

Ayen ncem beto lemameʹ.

IBERANI 13:3

Nawai kelunan diaʹ dalem sepin, koʹ baʹan tekaʹ kem pemung ngan nte dalem sepin. Nawai kelunan diaʹ tuyen, koʹ baʹan tekaʹ kem tuyen pemung ngan nte lete.

YAKUP 5:16

Tuman ina, tiga hem teto ngahaʹ penyalaʹ kem palaʹ ikem semaheʹ, ngan lemameʹ mikem semaheʹ, apan ncem ketai maget. Moʹ temameʹ ca kelunan teneng un nyingan kuʹun ne.