PEMUYAN 12:4 - Kenyah New Testament

⁴ Lepa re mapo Peterus, kun nte naʹ ia kedalem amin sepin, kun nte cuk puloʹ nem usa sedadu keliwa jagaʹ ia, tahaʹ pat usa, tahaʹ pat usa re. Un kimet Herudis ubaʹ ke ngkin Peterus ngejuma lepoʹ ina tegoʹ ketai kuʹo adet Paska ina.

PEMUYAN 12:4 Iomraidhean Croise

MATIUS 24:9

“Uʹo ina dulu ke dakep ikem, ngan petuyen ikem, ngan lematai ikem. Ketoʹ kelunan ke miʹa neng ikem uban tuman akeʹ.

MATIUS 26:5

Un dau re: “Ayen le uyan puyan ini tegoʹ tau Bunut, moʹ le malap kelunan kadoʹ kenai beteʹ ngan nyakat.”

MARKUS 14:1

Dalau dua tau kena Adet Malan Ruti Lamut, ngan Bunut Paska, (iaʹ ina pemung uman neng Adet Menting Patai), kun diaʹ detaʹu lataʹ ngan diaʹ guru Adet Yahudi mita janan nyelem ke mapo Yesus, moʹ de ubaʹ ke lematai ia.

LUKAS 21:12

“Kenaʹ ke kenai luhaʹ puyan ina, dulu ke dakep ngan peketa ikem. Dulu ke mekem salaʹ mikem kaʹ amin sebayang Yahudi, ngan ke nyepin ikem ʹo. Dulu ke ngkin ncem kata diaʹ paren ngan perinta moʹ suaʹ ngadan nceʹ.

LUKAS 22:33

Un dau Peterus neng ia: “Iaʹ lan Tuhan, akeʹ iaʹ tenup tekaʹ ke pampin ngan ncoʹ, naʹ pe ke sihoʹ sepin, naʹ pe matai, ahaʹ pe baʹan nceʹ.”

YAYA 19:23

Lepa sedadu dina napek Yesus neng kayu tecek, kun nte alaʹ gelam me petulat me pat usa sedadu dina. Ida alaʹ pe sapai dadoʹ o iaʹ nanyam pa tipo, abeʹ un jelut te.

YAYA 21:18

Lan dau heʹ mikoʹ, dalau hoʹ iʹut te, malai pe ikoʹ negahat seketeng neng aking ngkoʹ, ngan tai kempi pengubaʹ koʹ ke tai. Un sepuʹo tegoʹ koʹ ke mukun ʹo, ikoʹ ke mejo lengen ncoʹ, ngan dulu diaʹ ca iaʹ ke lemeka ha, ngan tai ngkin ikoʹ kempi hoʹ abeʹ un ubaʹ ke tai.”

PEMUYAN 12:3

Tisen ne ban Herudis, lepoʹ Yahudi ubaʹ neng pemuyan ina, penco ho cuk dulu tai dakep Peterus pelaʹa. (Dalau ina tegoʹ Adet Ruti iaʹ are un lamut, iaʹ kahum neng adet Paska iaʹ menting patai.)

PEMUYAN 12:5

Ina ukoʹ Peterus tai peput dalem amin sepin. Naʹ pia pekina, Mpun diaʹ ngelan Tuhan dina abeʹ de un beto dau lemameʹ mia palaʹ Tuhan ngan sanget de.

PEMUYAN 4:28

Ina ukoʹ de kelimpun pekina Tuhan, moʹ de bayaʹ iaʹ ikoʹ nekena nyalet dalem penawai hoʹ, iaʹ ban nuyan kuʹun penyukat ngan pengubaʹ koʹ are.

PEMUYAN 4:3

Sulo re mapo ida dua kina, penco nyepin ida dua pabeʹ neng kenempam me, moʹ dalau ketai tahup.

PEMUYAN 5:18

Sulo re dakep diaʹ lawa Injil dina, penco naʹ ida dalem amin sepin lepoʹ ina.

PEMUYAN 8:3

Un Saul ne ubaʹ ke ngasing Mpun diaʹ ngelan Tuhan. Tai ie kaʹ dalem singket amin, mentung nge mihit dulu kawang, toʹ de diaʹ ngelan, inu pia laki, pekina pe leto, penco naʹ ida dalem amin sepin.