PEMUYAN 12:3 - Kenyah New Testament

³ Tisen ne ban Herudis, lepoʹ Yahudi ubaʹ neng pemuyan ina, penco ho cuk dulu tai dakep Peterus pelaʹa. (Dalau ina tegoʹ Adet Ruti iaʹ are un lamut, iaʹ kahum neng adet Paska iaʹ menting patai.)

PEMUYAN 12:3 Iomraidhean Croise

MATIUS 26:17

Neng tau iaʹ ading ading dalem Pemung Uman Rutiaʹ are un lamut ina, sulo kenai diaʹ bayaʹ katuk Yesus palaʹ ia ngan lemutu ia. Un dau re: “Kempi Tuhan ubaʹ ameʹ tai petenup Pemung Uman Paska me Tuhan tupe?”

YAYA 12:43

Ida malaʹ puyan kelunan ke pada ida cen uʹo puyan Allah iaʹ ke pada ida.

YAYA 19:11

Dau Yesus mipa: “Pukoʹ koʹ un penyukat neng akeʹ bang uban Allah iaʹ lepa naʹ ini mikoʹ. Ina ukoʹ kelunan iaʹ mencai akeʹ me ikoʹ, ia iaʹ nyalit neng penyalaʹ iaʹ baran neng uʹo penyalaʹ koʹ.”

YAYA 21:18

Lan dau heʹ mikoʹ, dalau hoʹ iʹut te, malai pe ikoʹ negahat seketeng neng aking ngkoʹ, ngan tai kempi pengubaʹ koʹ ke tai. Un sepuʹo tegoʹ koʹ ke mukun ʹo, ikoʹ ke mejo lengen ncoʹ, ngan dulu diaʹ ca iaʹ ke lemeka ha, ngan tai ngkin ikoʹ kempi hoʹ abeʹ un ubaʹ ke tai.”

PEMUYAN 12:4

Lepa re mapo Peterus, kun nte naʹ ia kedalem amin sepin, kun nte cuk puloʹ nem usa sedadu keliwa jagaʹ ia, tahaʹ pat usa, tahaʹ pat usa re. Un kimet Herudis ubaʹ ke ngkin Peterus ngejuma lepoʹ ina tegoʹ ketai kuʹo adet Paska ina.

PEMUYAN 2:14

Nai Peterus nekejeng pemung ngan diaʹ puloʹ ca usa diaʹ lawa dina, penco bioʹ dau ue: “Ahaʹ cenganak keʹ lepoʹ Yahudi, mung ngkem diaʹ ngelineʹ kaʹ Yerusalim tiga hem ngeringa dau heʹ ini, ngan petawi ne dau tiraʹ keʹ.

PEMUYAN 20:6

Un meʹ tai bayaʹ kapen cen lepoʹ Pilipi neng uʹo Tau Bioʹ Adet Ruti iaʹ are un Lamut ina. Dalem lema tau, abeʹ ne ameʹ kaʹ Teruas palaʹ ida diaʹ ading tai didai. Kina meʹ ngelineʹ mung, tujoʹ tau majan ne.

PEMUYAN 24:27

Dua uman uʹo ina, sulo Parkius Pistus nyaliu Pilik neng gayeng. Uban Pilik ubaʹ ke alaʹ tawai lepoʹ Yahudi, ina ukoʹ o caʹ meput Paulus dalem amin sepin.

PEMUYAN 25:9

Moʹ Pistus ubaʹ ke pebioʹ saheʹ lepoʹ Yahudi, ina ukoʹ o mipa Paulus pekina dau ue: “Ubaʹ koʹ ketai kusun kaʹ Yerusalim tupe? Kina te akeʹ ke pebetep mung puyan tiraʹ koʹ ini ʹo.”

PEMUYAN 4:13

Tai salam diseʹ diaʹ lataʹ diaʹ pempun kina, uban tempa ne dau Peterus ngan Yaya, moʹ de tisen ida dua pengalai kelunan tuaʹ le, abeʹ de sekula. Ina le tai re tisen ida dua iaʹ malai ban kejahi ngan Yesus cen kena.

GALATIA 1:10

Tuman ina, un seʹ keʹ nebelum kelunan ke pancau akeʹ tupe? Naʹun. Bang puyan iaʹ badaʹ Allah ubaʹ akeʹ tuaʹ le iaʹ akeʹ mita. Kumpin, un nceʹ mita janan iaʹ bayaʹ pengubaʹ kelunan mo? Buk lan ne pekina, abeʹ keʹ ca ulaʹ Keristus laʹa.

1 TESALUNIKA 2:4

Di lareʹ ameʹ lemuto pisiu pekuaʹ ngan pengubaʹ kimet Allah. Ban ne lepa ne Allah badaʹ kimet te ubaʹ ameʹ, ngan ngelan ameʹ ke ngkang Denga Injil ina. Abeʹ meʹ mita apan kelunan ke pada ameʹ, un sepuʹo iaʹ ameʹ pita apan Allah ke pada ameʹ, moʹ Allah iaʹ nesek jo dalem kimet meʹ.