PEMUYAN 12:19 - Kenyah New Testament

¹⁹ Un Herudis ia cuk dulu tai mita Peterus, un ʹo abeʹ de taʹan ia. Sulo re petugen ne lemutu mung nte diaʹ jagaʹ Peterus are. Kun Herudis cuk dulu lematai ida nuʹo. Uʹo ina un Herudis puke cen tanaʹ Yudia tai kaʹ lepoʹ Kaisaria, kun ne ngelineʹ kina.

PEMUYAN 12:19 Iomraidhean Croise

MATIUS 2:1

Herudis iaʹ paren bioʹ dalau Yesus nai pempet kaʹ lepoʹ Bitlahim kaʹ tanaʹ Yudia. Abeʹ majan ʹo ina nai palai kelunan iaʹ mencam ngetisen sen betuʹen, nai re cen sek tau kaʹ Yerusalim.

MATIUS 2:13

Uʹo kelunan diaʹ mencam ngetisen sen betuʹen dina tai mecin, sulo nai ca melikat luhaʹ dalem kenupi Yusup, un dau ue: “Beteʹ ne ikoʹ, alaʹ anak ina ngan ueʹ e. Tai ne ikem kelap kaʹ lepoʹ Masir. Ngelineʹ ne ikem kina pa nai heʹ badaʹ isiu mikem laʹa, ban ne Herudis kenai pita anak ini, ubaʹ ke lematai ia.”

MATIUS 2:16

Tisen ne Herudis ban kelunan diaʹ mencam ngetisen sen betuʹen dina ngaken ia, buseʹ laleʹ ne kaʹ a. Penco ho cuk dulu tai lematai ketoʹ anak laki diaʹ kaʹ lepoʹ Bitlahim peging ngan dale iaʹ pipa kina, diaʹ dua uman pengebioʹ de ngan diaʹ dumit kentaʹ kina. Herudis pekihoʹ pekina, ban lepa ne ia nugen kelunan diaʹ mencam ngetisen sen betuʹen dina midan tading nte taʹan nai betuʹen ina luhaʹ.

PEMUYAN 12:18

Uʹo kenai dema, maho laleʹ le dau sedadu didai neng puyan ban ketai Peterus ne kelap.

PEMUYAN 12:4

Lepa re mapo Peterus, kun nte naʹ ia kedalem amin sepin, kun nte cuk puloʹ nem usa sedadu keliwa jagaʹ ia, tahaʹ pat usa, tahaʹ pat usa re. Un kimet Herudis ubaʹ ke ngkin Peterus ngejuma lepoʹ ina tegoʹ ketai kuʹo adet Paska ina.

PEMUYAN 12:6

Dalau alem kena ketai ke sihoʹ tau iaʹ Herudis ubaʹ ke tai ngkin ia ngejuma dulu, un Peterus ne luntoʹ neng ahang dua usa sedadu, peging ngan dua re beka malat neng ia. Un pe palai sedadu jagaʹ kaʹ lung pamen amin sepin ina.

PEMUYAN 16:27

Laki bioʹ iaʹ ngkang amin sepin ina kecet te cen ken ne, kun ne naʹat mung pamen ban pesik ne. Un tekaʹ a ngihoʹ ida diaʹ dalem amin sepin ina muʹo tai kelap ne ida. Sulo ho menat bahing nge, ubaʹ ke lemueng.

PEMUYAN 21:8

Neng kenempam me laʹa, tai meʹ puke abeʹ kaʹ lepoʹ Kaisaria, penco tai meʹ kedalem amin Pilipus, guru Injil ina, sulo ngelineʹ ngan ne. Laki ina ca usa neng ahang diaʹ tujoʹ usa diaʹ dulu lemileʹ kaʹ Yerusalim didai are.

PEMUYAN 25:13

Abeʹ e majan uʹo ina, nai ne Laja Ageripa ngan sadin ne Berniki, ca leto, nyabeʹ kaʹ Kaisaria ubaʹ nyelama kenai Pistus.

PEMUYAN 27:42

Sulo sedadu dina peseket ubaʹ ke lematai mung nte diaʹ sepin, malap ca usa ketai nyatung, penco kelap.

PEMUYAN 8:40

Un Pilipus, nai pe ia luhaʹ laʹa kaʹ lepoʹ Asdut. Tai ie masat uban ke pedenga Denga Injil pa tipo singket lepoʹ, pa ha abeʹ kaʹ lepoʹ Kaisaria.