PEMUYAN 12:17 - Kenyah New Testament

¹⁷ Kun Peterus pekata seʹ man ujoʹ o ke peberinga ida. Penco ho badaʹ mida kumpin ban Tuhan ngkin ia kawang cen amin sepin ina. Kun Peterus cuk ida badaʹ puyan ina me Yakup ngan diaʹ cenganak de diaʹ ca dalem Tuhan ne ʹo. Uʹo ina kun ne mecin ngan tai kaʹ ca te.

PEMUYAN 12:17 Iomraidhean Croise

MATIUS 10:23

Buk dulu petuyen ikem neng ca lepoʹ, tiga hem tai kelap neng lepoʹ diaʹ ca. Dau heʹ neng ikem laʹa, abeʹ kem ke pelepa gayeng ngkem neng mung lepoʹ Israil kena Anak Sio ini ke nai.

MARKUS 6:3

Moʹ abeʹ ini iaʹ tukeng kayu idai mo, ia iaʹ anak Mariam, ngan cenganak Yakup de telu Yusis, Yudas ngan Simun? Un pe diaʹ cenganak leto ho mudip kini pe.” Ngan pekina ne dau re leko ke alaʹ Yesus.

LUKAS 1:22

Nai ie kawang, abeʹ e mencam ke pisiu ngan nte ne laʹa. Cen ina ne tekaʹ de tisen ban un ca penaʹat Sakaria kedalem Umaʹ Palan ina. Kun ne pekata pekata man ujoʹ o, moʹ ban ameng ne ia.

YAYA 10:40

Tai kun Yesus uleʹ laʹa kaʹ dipa sungai Yardin, iaʹ kukoʹ Yaya lepa ngebatis dulu cen kena. Kun en ngelineʹ kina.

YAYA 11:54

Ina ukoʹ Yesus abeʹ un peluhaʹ tai masat kaʹ tanaʹ Yudia, penco tai ie mecin ngan tai kaʹ ca lepoʹ, ngadan Ipraim, kukoʹ o ngelineʹ ngan diaʹ byaʹ katuk ke are, iaʹ nyeng kata tanaʹ lenga.

YAYA 13:24

Kun Simun Peterus nungkit ia ngan kuma ha: “Lemutu ue ading, aheʹ iaʹ baʹan ne ne?”

YAYA 7:1

Lepa ina tai Yesua masat kaʹ tanaʹ Galilia. Abeʹ e ubaʹ masat kaʹ tanaʹ Yudia uban diaʹ lataʹ lepoʹ Yahudi pekimet ubaʹ ke lematai ia.

YAYA 8:59

Kun nte alaʹ batu ke lemulo neng ia, un sepuʹo tai kun Yesus nyuhuk ia loʹ, penco ho mecin Umaʹ Palan.

PEMUYAN 1:15

Kudaʹ tau pe ʹo ina, kenai re pempun mung diaʹ ngelan Tuhan, kihoʹ kihoʹ ca ato dua puloʹ usa kadoʹ de. Dalau ina kenai Peterus nekejeng. Un dau ue:

PEMUYAN 12:16

Naʹ pe pekina, abeʹ Peterus pekenaʹ megoʹ pamen. Ketai re mesik pamen ina neng kebayaʹ a. Tegoʹ re taʹan ia, salam laleʹ tekaʹ de.

PEMUYAN 12:18

Uʹo kenai dema, maho laleʹ le dau sedadu didai neng puyan ban ketai Peterus ne kelap.

PEMUYAN 13:16

Kenai Paulus beteʹ, mentung nge pekata man ujoʹ o, un dau ue: “Ahaʹ mung ngkem cenganak keʹ lepoʹ Israil, ngan mung ngkem diaʹ tunuk neng Allah, ngeringa ne.

PEMUYAN 15:13

Lepa ne ida dua pisiu ʹo, kun Yakup pisiu pelaʹa. Un dau ue: “Ahaʹ cenganak keʹ mung, ngeringa hem dau heʹ.

PEMUYAN 16:40

Lepa Paulus ngan Silas nai kawang cen amin sepin ina, penco tai re dua kaʹ amin Lidia. Kina re dua petegoʹ ngan mung diaʹ cenganak dalem Tuhan kina, kun nte penco katuk iaʹ petangen ida. Uʹo ina tai re dua puke pelaʹa.

PEMUYAN 19:33

Palai mida dina ngihoʹ ban Alik-sandar iaʹ nading puyan ini moʹ lepoʹ Yahudi ban mecuk ia tahaʹ tena mpun ina. Kun Alik-sandar ina pekata man ujoʹ o, ubaʹ ke mipa dulu kina.

PEMUYAN 21:18

Neng kenempam me ketai Paulus ngkin ameʹ naʹat Yakup. Mung diaʹ tuʹa Mpun diaʹ ngelan Tuhan un kina.

PEMUYAN 21:40

Mayur sedadu ina pedayo ho pisiu. Tai Paulus nekejeng kaʹ ulu can, seʹ e pekata man ujoʹ o me lepoʹ ina. Uʹo tai ie belinga, kun ne pisiu man isiu Iberani, kun dau ue:

PEMUYAN 28:15

Moʹ diaʹ cenganak meʹ dalem Tuhan dina kenahan dau denga meʹ nai, kenai re kaʹ pasen Apius, ngan nai pe palai laʹa kaʹ lepoʹ iaʹ ngadan ne Telu re Kedai. Kun nte petegoʹ ngan meʹ kaʹ ina. Dalau Paulus taʹan ida, penco ho nyuaʹ tiga saheʹ palaʹ Allah, mentung nge ngepali tekaʹ penawai ie laʹa.

1 KURINTUS 15:7

Uʹo ina kun ne luhaʹ palaʹ Yakup, sulo nai ie luhaʹ palaʹ mung diaʹ lawa Injil diaʹ ca.

GALATIA 1:19

Abeʹ keʹ un petegoʹ ngan lawa Injil diaʹ ca, pit Yakup iaʹ cenganak Tuhan le ina.

GALATIA 2:12

Moʹ kena kudaʹ usa kelunan, iaʹ Yakup ban cuk, nai abeʹ kaʹ lepoʹ ina, Peterus lepa pemung uman ngan cenganak le diaʹ tahaʹ awang lepoʹ Yahudi. Un sepuʹo lepa kelunan dina abeʹ, sulo tai Peterus ngerada ngan abeʹ e pemung uman ngan nte laʹa. Peterus takut kelunan Yahudi dina, moʹ ida diaʹ menco katuk iaʹ ke nyunat kelunan diaʹ tahaʹ awang lepoʹ Yahudi.

GALATIA 2:9

Yakup, Peterus, ngan Yaya, iaʹ dulu kuma ha diaʹ lataʹ, ida lepa nugen moʹ Allah lepa naʹ tulat gayeng ini makeʹ kuʹun ban pengelesau ue. Ina tuman nte alaʹ ameʹ dua Barnabas ngan selama dau. Mentung kuaʹ dau ayo meʹ pemung pegayeng ngan nte, iaʹ ina akeʹ ngan Barnabas tai mejo gayeng ina neng ahang lepoʹ dulu diaʹ ca, ngan ida tai palaʹ kelunan lepoʹ Yahudi.

YAKUP 1:1

Cen Yakup iaʹ ulaʹ Allah, ngan ulaʹ Tuhan Yesus Keristus: Akeʹ badaʹ tiga kimet palaʹ mung kelunan diaʹ anun Allah, diaʹ ban purat tipo kusun tanaʹ ini.