PEMUYAN 11:30 - Kenyah New Testament

³⁰ Pekina pe ida pempun inu re, sulo re katu ligit de tugung Barnabas ngan Saul me diaʹ tuʹa Mpun diaʹ ngelan Tuhan kaʹ tanaʹ Yudia.

PEMUYAN 11:30 Iomraidhean Croise

PEMUYAN 12:1

Dalau ina un Laja Herudis cuk dulu nai nyakit palai diaʹ neng Mpun diaʹ ngelan Tuhan.

PEMUYAN 12:25

Nai ngeliwet ne Barnabas ngan Saul cen Yerusalim, moʹ sukung ne gayeng nte kina. Mentung nte ngkin Yaya Markus tugung ida.

PEMUYAN 14:23

Ida dua pedengkep kudaʹ usa diaʹ ke tuʹa re neng singet singket Mpun diaʹ ngelan Tuhan. Mentung nte lemameʹ ngan lemalan abeʹ un uman. Kun nte pelek ida dina palaʹ Tuhan, iaʹ ukoʹ de lepa napi tebelum nte.

PEMUYAN 15:2

Nai luhaʹ ne tekajaʹ tiraʹ neng puyan ini. Tai paseʹ ngan pesakat dau re ngan Paulus de dua Barnabas dalau ina. Ina ukoʹ dulu mung tai payo cuk Paulus de dua Barnabas, pemung ngan palai dulu diaʹ cen lepoʹ Antiukia ne, tai kaʹ Yerusalim, tai palaʹ diaʹ lawa Injil ngan diaʹ tuʹa Mpun kina, lemutu neng puyan ina.

PEMUYAN 15:23

Kun nte naʹ ca surat katu tugung ida, pekini dau ue: “Ameʹ diaʹ lawa Injil, peging ngan diaʹ tuʹa Mpun diaʹ ngelan Tuhan, ameʹ diaʹ cenganak kem ke badaʹ selama tawai meʹ palaʹ diaʹ cenganak meʹ dalem Tuhan neng ahang ikem diaʹ tahaʹ awang lepoʹ Yahudi kaʹ lepoʹ Antiukia, ngan dale Siria, ngan Kilikia.

PEMUYAN 15:4

Abeʹ ne ida kaʹ Yerusalim, kenai Mpun diaʹ ngelan Tuhan kina, peging diaʹ tuʹa Mpun, ngan diaʹ lawa Injil dina, nyelalang ngan nyelama ida pat. Kun nte badaʹ mung ban pemuyan Allah kanan ida.

PEMUYAN 15:6

Un diaʹ lawa Injil dina, ngan diaʹ tuʹa Mpun, tai re pempun ke pekimet puyan ina.

PEMUYAN 16:4

Jinan nte telu masat singket singket lepoʹ, kun nte badaʹ me diaʹ ngelan Tuhan dina tiraʹ diaʹ lawa Injil ngan diaʹ tuʹa Mpun ban pebetep kaʹ Yerusalim are, cuk ida kanan dau tiraʹ ina.

PEMUYAN 20:17

Cen Militus kun Paulus cuk dulu tai kaʹ Ipesus, mengin diaʹ tuʹa Mpun diaʹ ngelan Tuhan.

PEMUYAN 21:18

Neng kenempam me ketai Paulus ngkin ameʹ naʹat Yakup. Mung diaʹ tuʹa Mpun diaʹ ngelan Tuhan un kina.

PEMUYAN 4:36

Un Yusup ne, diaʹ lawa Injil naʹ ipa ngadan ne Barnabas, iaʹ sen ngadan ina “Laki Nyelaho,” ca diaʹ mela Liwi ie, ban cen tanaʹ Siperus te.

1 TIMUTIUS 4:14

Ayen ncoʹ peterai neng pengencai Berua Tuhan iaʹ un dalem ikoʹ, iaʹ ban Allah naʹ mikoʹ tegoʹ diaʹ pegawa Tuhan pisiu, ngan tegoʹ diaʹ tuʹa Mpun napoʹ ujoʹ de neng ikoʹ are.

1 TIMUTIUS 5:17

Mung tuʹa Mpun diaʹ tiga gayeng nte, tekep de alaʹ bang dua liwai liwet neng ʹo kelayen nte. Menco pelaʹa diaʹ jaya badaʹ tiraʹ Allah, ngan diaʹ pekatuk.

1 TIMUTIUS 5:19

Ayen ncoʹ alaʹ dau dulu diaʹ mekem salaʹ neng diaʹ tuʹa Mpun buk are un dua ngan telu usa diaʹ badaʹ tugen neng idi.

TITUS 1:5

Akeʹ pelek ikoʹ kaʹ tanaʹ Keriti cen naʹaʹ apan ncoʹ ke peteneng mung puyan iaʹ tekep ke nuyan kina, ngan pekina pe apan ncoʹ nyalet kudaʹ usa diaʹ tuʹa dalem Mpun singket singket lepoʹ. Tiga hoʹ petawai dau katuk keʹ ne.

YAKUP 5:14

Un aheʹ iaʹ un sakit tekaʹ tupe? Tekep pe ke mengin diaʹ tuʹa Mpun diaʹ ke lemameʹ mia, ngan muso kelaʹang neng ia dalem ngadan Tuhan.

1 PETERUS 5:1

Ini ca katuk keʹ me mung diaʹ tuʹa Mpun diaʹ un ngan ncem, moʹ akeʹ pe ca tuʹa Mpun pekuaʹ ngan ncem. Akeʹ iaʹ badaʹ tugen neng penuyen Keristus, ngan kahum pe akeʹ dalem serema peniga iaʹ kenai luhaʹ ʹo.

2 YAYA 1:1

Cen Yaya iaʹ tuʹa dalem Mpun diaʹ ngelan Tuhan: Palaʹ Tinen le iaʹ Allah nyelum, pemung ngan anak ke iaʹ atek akeʹ malaʹ dalem katuk iaʹ telit. Abeʹ e bang ca akeʹ tuaʹ le, un sepuʹo mung diaʹ ban tisen katuk iaʹ telit, diaʹ malaʹ ikem pe.

3 YAYA 1:1

Cen Yaya, tuʹa dalem Mpun diaʹ ngelan Tuhan: Palaʹ Gayus, pengemalaʹ keʹ, iaʹ atek akeʹ malaʹ lan.