PEMUYAN 11:27 - Kenyah New Testament

²⁷ Dalau ina un palai pegawa Tuhan nai cen Yerusalim puno kaʹ Antiukia.

PEMUYAN 11:27 Iomraidhean Croise

MATIUS 23:34

Tuman ina akeʹ badaʹ mikem, akeʹ ke cuk kudaʹ usa pegawa nai palaʹ ikem ngan pekina pe kelunan tudi, ngan kudaʹ usa guru. Un sepuʹo ikem ke lematai palai mida, ngan palai ikem ke napek kaʹ kayu tecek, ngan palai laʹa ikem ke lemeta dalem amin sebayang, mentung ngkem ke pekarap ida cen ca lepoʹ, tai kaʹ ca lepoʹ.

LUKAS 11:49

Ina ukoʹ penudi Allah kuma ha: ‘Akeʹ cuk pegawa ngan lawa heʹ tai palaʹ ida. Ida ke lematai palai ngan nyakit palai mida ʹo.’

PEMUYAN 11:20

Un palai diaʹ ngelan Tuhan ban cen lepoʹ Siperus, ngan lepoʹ Kirini, tai re abeʹ kaʹ lepoʹ Antiukia. Kun nte badaʹ Denga Injil Tuhan Yesus me dulu diaʹ tahaʹ awang Yahudi.

PEMUYAN 11:22

Kenahan kun Mpun diaʹ ngelan Tuhan kaʹ Yerusalim dau denga ina, penco re cuk Barnabas tai kaʹ Antiukia.

PEMUYAN 13:1

Neng Mpun diaʹ ngelan Tuhan kaʹ lepoʹ Antiukia, un pe kudaʹ kadoʹ pegawa Tuhan ngan guru, iaʹ ina Barnabas, ngan Simiun (iaʹ dulu naʹ Saleng), ngan Lukius (lepoʹ Kirini), ngan Menahem (cenganak ca ueʹ ngan Laja Herudis iaʹ ngkang ca tulat neng iaʹ kepat dale ina), ngan Saul.

PEMUYAN 14:26

Cen ina re dua ngedung neng kapen, penco re puke tai kaʹ lepoʹ Antiukia tanaʹ Siria are, kukoʹ Mpun diaʹ ngelan Tuhan iaʹ ban pelek ida dua palaʹ pengelesau Allah tuman gayeng iaʹ ida dua lepa ban pesukung ina.

PEMUYAN 15:22

Uʹo ina, mung diaʹ lawa Injil ngan diaʹ tuʹa neng Mpun, peging ngan mung Mpun diaʹ ngelan Tuhan ina, pebetep kimet ke lemileʹ palai neng ahang ida dina ngan cuk ida tai kaʹ Antiukia serengan ngan Paulus de dua Barnabas. Kun nte lemileʹ Yudas, iaʹ dulu naʹ Barsabas ina, ngan Silas. Mung diaʹ cenganak dalem Tuhan dina selum nte neng ida dua.

PEMUYAN 15:30

Sulo re pawang ida diaʹ ngkin surat idai tai puke. Tai re puno kaʹ Antiukia. Kaʹ ina re pempun ketoʹ kadoʹ de diaʹ ngelan Tuhan, kun nte badaʹ surat ina mida.

PEMUYAN 15:32

Un Yudas ngan Silas, pegawa Tuhan nte dua. Majan nte pekatuk diaʹ cenganak dalem Tuhan kina, mentung nte dua petangen ngan ngepali pengelan nte.

PEMUYAN 18:22

Uʹo Paulus abeʹ kaʹ lepoʹ Kaisaria, penco tai ie pukat kaʹ Yerusalim, badaʹ tiga saheʹ e palaʹ Mpun diaʹ ngelan Tuhan kina. Sulo tai ie puno kaʹ Antiukia pelaʹa.

PEMUYAN 2:17

‘Un dau Allah: Pekini puyan nceʹ ʹo, tegoʹ ketai kebayaʹ udip. Akeʹ ke mubeʹ Berua heʹ neng usun mung kelunan, diaʹ anak laki hem, ngan diaʹ anak leto hem. Ida iaʹ ke badaʹ kimet Allah. Un diaʹ demanai hem, ida ke taʹan kudaʹ naʹan penaʹat, Un diaʹ lataʹ kem, ida ke ngenupi naʹan naʹan kenupi.

PEMUYAN 21:4

Kina meʹ petegoʹ ngan diaʹ ngelan Tuhan, ngan ngelineʹ meʹ ngan nte kina pa dalem tujoʹ tau. Un palai mida diaʹ pisiu kuʹun Berua Buheʹ, ida iaʹ badaʹ me Paulus mulen ia ketai kaʹ Yerusalim.

PEMUYAN 21:9

Un anak ke, pat de dekiʹit leto iaʹ mencam badaʹ seluhan isiu cen Allah.

PEMUYAN 6:5

Un tiraʹ de sihoʹ neng pengubaʹ de dina mung, penco re lemileʹ Stipanus, ca laki iaʹ sangan kuʹun pengelan ngan Berua Buheʹ. Un pe Pilipus, ngan Pukurus, ngan Nikanur, ngan Timun, ngan Pamenas, ngan Nikulaus iaʹ ina ca laki lepoʹ Antiukia, iaʹ lepa nyaliu adet te tai Yahudi.

1 KURINTUS 12:10

Berua Tuhan ina iaʹ naʹ penyukat uyan puyan nyingan me ca usa, ngan neng diaʹ ca un pencai man ne pisiu seluhan isiu Allah, ngan neng diaʹ ca laʹa un penyukat man ne senteng nugen iaʹ tekajaʹ puyan pencai iaʹ nai cen Berua Tuhan ngan pencai iaʹ nai cen bali. Neng ca usa laʹa ia naʹ penyukat man ne ke pisiu isiu bulen. Pekina pe neng diaʹ ca ia naʹ penyukat man ne ke petisen ilu neng sen isiu bulen are.

1 KURINTUS 12:28

Pekina lete puyan le dalem Mpun, moʹ Tuhan Allah iaʹ pempun ilu neng ca tuaʹ le, ading nge diaʹ lawa Injil, kedua ha diaʹ pegawa Allah, iaʹ ketelu ue diaʹ guru Injil, uʹo ina diaʹ uyan puyan nyingan, uʹo ina pelaʹa diaʹ un penyukat ke paget kelunan, ngan mepo kelunan, ngan diaʹ senteng peteneng gayeng, ngan diaʹ pisiu isiu bulen.

1 KURINTUS 14:32

Pencai iaʹ badaʹ seluhan isiu cen Allah, abeʹ e pesau cen gaham kelunan iaʹ pisiu ina,

GALATIA 2:11

Tegoʹ Peterus nai abeʹ kaʹ lepoʹ Antiukia, penco heʹ nyekang dau neng ia neng juma kelunan kadoʹ, moʹ luhaʹ seʹ puyan ne salaʹ.

IPESUS 4:11

Atek laki ina te iaʹ “naʹ kudaʹ pengencai me kelunan.” Ia uyan palai mida tai lawa Injil, palai ia uyan pegawa, palai ia uyan penco Injil, un palai ia uyan petubo Mpun diaʹ ngelan Tuhan, ngan pekatuk kidi.