PEMUYAN 11:26 - Kenyah New Testament

²⁶ Dalau Barnabas petegoʹ ngan Saul, penco ho mengin ia kaʹ Antiukia. Pekina tai sukung ca uman majan ne ida dua pebulung ngan Mpun diaʹ ngelan Tuhan kina, mentung nte pekatuk dulu kina. Kaʹ Antiukia tading dulu naʹ ngadan Keristin me kelunan diaʹ bayaʹ katuk Tuhan.

PEMUYAN 11:26 Iomraidhean Croise

MATIUS 28:19

Tuman ina, tai ne ikem palaʹ mung puhoʹ kelunan, mele kempi kempi kusun tanaʹ ini, ngan uyan ida kelunan diaʹ bayaʹ katuk keʹ. Ngan ngebatis ida man ngadan Amai Bioʹ, ngan Anak, ngan Berua Buheʹ.

YAYA 2:2

Yesus pemung ngan diaʹ bayaʹ katuk ke un sihoʹ pengin lete neng adet pepeto ina.

PEMUYAN 1:15

Kudaʹ tau pe ʹo ina, kenai re pempun mung diaʹ ngelan Tuhan, kihoʹ kihoʹ ca ato dua puloʹ usa kadoʹ de. Dalau ina kenai Peterus nekejeng. Un dau ue:

PEMUYAN 11:20

Un palai diaʹ ngelan Tuhan ban cen lepoʹ Siperus, ngan lepoʹ Kirini, tai re abeʹ kaʹ lepoʹ Antiukia. Kun nte badaʹ Denga Injil Tuhan Yesus me dulu diaʹ tahaʹ awang Yahudi.

PEMUYAN 11:22

Kenahan kun Mpun diaʹ ngelan Tuhan kaʹ Yerusalim dau denga ina, penco re cuk Barnabas tai kaʹ Antiukia.

PEMUYAN 11:27

Dalau ina un palai pegawa Tuhan nai cen Yerusalim puno kaʹ Antiukia.

PEMUYAN 11:29

Penco re diaʹ bayaʹ katuk Tuhan dina payo matu inu re, bayaʹ tekaʹ sukat de singket usa re, man nte mepo diaʹ cenganak de dalem Tuhan diaʹ ngelineʹ kaʹ tanaʹ Yudia.

PEMUYAN 14:20

Un sepuʹo, uʹo kenai diaʹ ngelan Tuhan dina ngelimpun keliling ia, kenai Paulus beteʹ. Tai ie kedalem lepoʹ laʹa. Neng kenempam me, tai ie pemung ngan Barnabas kaʹ lepoʹ Derbe.

PEMUYAN 14:22

Mentung nte nyalet penawai dulu diaʹ lepa bayaʹ katuk Tuhan, ngan petagen ida ke tudep dalem pengelan nte. Pekini dau katuk de dua: “Ilu diaʹ tisen puyan pengaren Allah ngaren ilu, abeʹ senteng le are ke bayaʹ janan iaʹ un kadoʹ penaru lete.”

PEMUYAN 14:23

Ida dua pedengkep kudaʹ usa diaʹ ke tuʹa re neng singet singket Mpun diaʹ ngelan Tuhan. Mentung nte lemameʹ ngan lemalan abeʹ un uman. Kun nte pelek ida dina palaʹ Tuhan, iaʹ ukoʹ de lepa napi tebelum nte.

PEMUYAN 14:27

Lepa re abeʹ kaʹ lepoʹ Antiukia ina, kun nte pempun dulu diaʹ ngelan Tuhan kina. Penco re badaʹ mung ban pemuyan Allah kanan ida dua, ngan badaʹ ban kumpin diseʹ Allah mawang janan me dulu diaʹ tahaʹ awang Yahudi, apan nte nai ngelan Tuhan.

PEMUYAN 14:28

Majan nte dua ngelineʹ kina pemung ngan nte diaʹ ngelan Tuhan kina.

PEMUYAN 18:27

Un Apulus ubaʹ ke tai tahaʹ dipa kaʹ tana Gerika. Mung diaʹ ngelan Tuhan kaʹ lepoʹ Ipesus dina pebioʹ saheʹ e tai, mentung nte naʹ surat palaʹ cenganak de dalem Tuhan kaʹ tanaʹ Gerika, apan nte nyelama kenai ie. Uʹo ho abeʹ, bioʹ laleʹ seʹ e mepo pekatuk dulu diaʹ ban ngelan kuʹun pengelesau Allah.

PEMUYAN 19:9

Moʹ un palai diaʹ ban mahing kimet de, ngan abeʹ de ubaʹ ke ngelan, bang pejaʹat dau neng Janan Tuhan tuaʹ ne ida me dulu, ina ukoʹ Paulus mecin ida dina. Kun ne ngkin ida diaʹ bayaʹ katuk Tuhan dina ngan ne. Singket tau ne tai ie petiraʹ dalem amin sekula Tiranus.

PEMUYAN 20:1

Uʹo bikaʹ ina pekenaʹ, kun Paulus mengin diaʹ bayaʹ katuk Tuhan dina nai pempun. Sulo ho pekatuk ngan petangen dau mida. Uʹo ina ha badaʹ nyaheʹ mida kena ha ke puke tai kaʹ tanaʹ Makedunia.

PEMUYAN 20:30

Cen ahang Mpun ncem tengen pe ke kenai palai dulu diaʹ ke badaʹ katuk palo mikem, iaʹ ke ten pedaru ilu diaʹ ngelan Tuhan pa le dancun tai bayaʹ ida.

PEMUYAN 21:4

Kina meʹ petegoʹ ngan diaʹ ngelan Tuhan, ngan ngelineʹ meʹ ngan nte kina pa dalem tujoʹ tau. Un palai mida diaʹ pisiu kuʹun Berua Buheʹ, ida iaʹ badaʹ me Paulus mulen ia ketai kaʹ Yerusalim.

PEMUYAN 26:28

Kun dau Ageripa neng Paulus: “Nuat dau hoʹ ke menat kimet ceʹ ketai Keristin ne?”

PEMUYAN 6:1

Kudaʹ majan uʹo ina, nai un pit un pit ne pengekadoʹ de diaʹ bayaʹ katuk Tuhan dina. Tai paseʹ ne dau lepoʹ Yahudi diaʹ pisiu Gerika neng lepoʹ Yahudi diaʹ puʹun. Un lepoʹ Yahudi diaʹ pisiu Gerika dina badaʹ abeʹ un aheʹ iaʹ pesingo leto balu re dalau re petulat balun singket tau are.

PEMUYAN 6:5

Un tiraʹ de sihoʹ neng pengubaʹ de dina mung, penco re lemileʹ Stipanus, ca laki iaʹ sangan kuʹun pengelan ngan Berua Buheʹ. Un pe Pilipus, ngan Pukurus, ngan Nikanur, ngan Timun, ngan Pamenas, ngan Nikulaus iaʹ ina ca laki lepoʹ Antiukia, iaʹ lepa nyaliu adet te tai Yahudi.

PEMUYAN 9:19

Lepa ha uman, kenai ie pali pelaʹa. Dalem kudaʹ tau pe majan Saul ngelineʹ pemung ngan diaʹ bayaʹ katuk Tuhan kaʹ lepoʹ Damsik.

PEMUYAN 9:38

Moʹ lepoʹ Lida ina nyeng kata lepoʹ Yupe, ina ukoʹ de diaʹ bayaʹ katuk Tuhan kaʹ Yupe kenahan dau denga Peterus un kaʹ Lida. Penco re cuk dua usa tai mengin ia, pekini dau re: “Kudaʹ pe ikoʹ nyelarai nai naʹat ameʹ ading.”

1 KURINTUS 11:18

Iaʹ ading nge akeʹ kenahan moʹ dalau hem pempun lemameʹ, un luhaʹ paseʹ neng ahang ikem. Akeʹ ngelan lete dau palai ina.

1 KURINTUS 12:12

Bang ca le usa ne Keristus, koʹ baʹan usa kelunan. Naʹ pe sangat te kadoʹ, usa ha ca tuaʹ le, kenuen pe kadoʹ naʹan tulat dalem me.

1 KURINTUS 14:23

Ban ne pekina, kumpin puyan mung Mpun Tuhan dalau mung kelunan lepa pempun, penco re mung pisiu ngan isiu bulen? Laʹa buk kenai diaʹ abeʹ un malai ngan diaʹ abeʹ un ngelan, masaʹ de ke kuma ikem mung un buling ne?

1 KURINTUS 4:17

Tuman ina heʹ cuk Timutius nai palaʹ ikem, ban ne ia iaʹ anak keʹ iaʹ akeʹ malaʹ dalem Tuhan, ngan ia iaʹ atek semamet. Ia iaʹ ke cuk ikem petawai neng sen katuk ngan neng puyan pengudip le dalem Keristus Yesus, pekuaʹ koʹ baʹan nceʹ pekatuk dulu kempi kempi dalem singket Mpun.

IPESUS 3:15

Ban singket naʹan pemanak un ngadan nte cen Amai Bioʹ le Allah, inu pia diaʹ kaʹ surga, pekina pe diaʹ kusun tanaʹ ini.

YAKUP 2:7

Ida diaʹ pisiu jaʹat dau neng ngadan tiga iaʹ ikem un.

1 PETERUS 4:14

Buk dulu pejaʹat dau neng ikem suaʹ ngadan Keristus, bangen le saheʹ kem. Moʹ pekini ban sen puyan ina: Berua peniga, iaʹ ina Berua Allah, un ne ngelineʹ neng ikem.

1 PETERUS 4:16

Un sepuʹo buk kem sihoʹ tuyen moʹ suaʹ kem Keristin, ayen saʹe, di lareʹ man ngadan Keristus ina hem pempau Allah.

1 YAYA 2:27

Un sepe ikem dini, lepa ne Keristus mubeʹ Berua ha mikem. Buk un ban Berua ha ngelineʹ dalem ikem, abeʹ titin iaʹ ca ke pekatuk ikem uban Berua ha ina ke pekatuk ikem neng singket naʹan inu ne. Telit lan katuk ke, abeʹ palo un. Tuman ina tudep ne ikem bayaʹ katuk Berua ina, ngan nemek ne ngelineʹ dalem Keristus.

PUYAN LUHA’ 3:18

Moʹ ina akeʹ ke pekatuk ikem lemeli mat neng akeʹ, mat iaʹ lepa dulu masi man luten, ina le ikem ke kayaʹ lan uʹo. Lemeli pelaʹa keluma puteʹ man ncem pegelam usa hem, ngan mekep penyaʹe hem kuʹun ugai hem ne. Ngan lemeli tabat man nabat mata hem, apan ncem senteng naʹat ʹo.