PEMUYAN 11:23 - Kenyah New Testament

²³ Uʹo ketai Barnabas abeʹ, tisen ne ia ban Allah iaʹ naʹ peniga mida dina, tai bangen ne kaʹ tawai ie. Penco ho pekatuk ida mung, apan denaʹ tekaʹ penawai re tudep bayaʹ Tuhan.

PEMUYAN 11:23 Iomraidhean Croise

MATIUS 16:24

Uʹo ina kun Yesus pisiu diaʹ bayaʹ katuk ke: “Buk aheʹ iaʹ ubaʹ kenai tugung akeʹ, tiga ha lepo pengubaʹ usa ha tengen, ngan nyuʹun tecek ke, iaʹ ukoʹ o ke matai, ngan nai bayaʹ akeʹ, ina le iaʹ senteng kenai tugung akeʹ.

MARKUS 2:5

Yesus tisen ban bioʹ pengelan nte pat, sulo ho pisiu ngan laki iaʹ sakit lemaʹ ina: “Ahaʹ anak keʹ, penyalaʹ koʹ lepa pesau.”

YAYA 15:4

Kuaʹ baʹan daʹan neng inan ne, pekina lete ikem detem neng akeʹ, ngan pekina pe akeʹ ke detem neng ikem. Ukoʹ baʹan ca daʹan, abeʹ e senteng buʹan tengen. Ia bang buʹan buk ke detem neng inan ne tuaʹ le. Ngan pekina lete ikem, abeʹ kem senteng buʹan buk kem abeʹ un lemuto neng akeʹ.

PEMUYAN 13:43

Lepa ne mpun ina pasi, kenai kadoʹ lepoʹ Yahudi pemung ngan kadoʹ dulu diaʹ lepa alaʹ adet Yahudi dina, nai re bayaʹ Paulus de dua Barnabas. Kun nte dua penco tiraʹ mida, ngan petangen ida ke tudep dalem pengelesau iaʹ Allah lebang naʹ mida.

PEMUYAN 14:22

Mentung nte nyalet penawai dulu diaʹ lepa bayaʹ katuk Tuhan, ngan petagen ida ke tudep dalem pengelan nte. Pekini dau katuk de dua: “Ilu diaʹ tisen puyan pengaren Allah ngaren ilu, abeʹ senteng le are ke bayaʹ janan iaʹ un kadoʹ penaru lete.”

PEMUYAN 14:26

Cen ina re dua ngedung neng kapen, penco re puke tai kaʹ lepoʹ Antiukia tanaʹ Siria are, kukoʹ Mpun diaʹ ngelan Tuhan iaʹ ban pelek ida dua palaʹ pengelesau Allah tuman gayeng iaʹ ida dua lepa ban pesukung ina.

PEMUYAN 15:40

Kun Paulus mengin Silas. Kena re ke puke, un diaʹ cenganak dalem Tuhan dina lemameʹ pelek ida dua palaʹ pengelesau Allah iaʹ ke petubo ida dua.

PEMUYAN 20:24

Naʹ pia pekina, abeʹ keʹ mawaʹ udip keʹ pe. Ahaʹ akeʹ senteng pelepa tulat gayeng ngkeʹ neng jo udip keʹ, iaʹ akeʹ ban alaʹ cen Tuhan Yesus are, ina ne ke badaʹ tugen puyan Denga Injil neng pengelesau Allah iaʹ ia lebang naʹ milu.

PEMUYAN 20:32

Sulo dau Paulus laʹa: “Naʹkini akeʹ pelek kem me Allah iaʹ sukat ke petubo ikem. Akeʹ pelek kem me katuk tiraʹ pengelesau Allah iaʹ sukat ke pedengkep ikem ngan naʹ mikem tulat sioʹ iaʹ Allah petenup ke naʹ me mung kelunan diaʹ anun ne.

PEMUYAN 4:36

Un Yusup ne, diaʹ lawa Injil naʹ ipa ngadan ne Barnabas, iaʹ sen ngadan ina “Laki Nyelaho,” ca diaʹ mela Liwi ie, ban cen tanaʹ Siperus te.

RUM 12:8

Buk pengencai le petangen saheʹ dulu, sanget ne petangen saheʹ de. Aheʹ iaʹ petulat inu ne me dulu, tiga na ia ti ie ngan lebang. Aheʹ iaʹ tuʹa le neng gayeng, tangen ne neng gayeng nge. Aheʹ iaʹ lesau mepo dulu, mepo ne ngan bangen.

1 KURINTUS 15:58

Tuman ina cenganak cenganak iaʹ akeʹ malaʹ, nengayet cem tudep ngan temek lemuto-uto. Lemuto sanget cem pegayeng me Tuhan, moʹ kem tisen penyanget cem abeʹ e pelo-lo buk ke sanget dalem gayeng Tuhan.

2 KURINTUS 1:17

Naʹ pe pekina sedep keʹ are, abeʹ e kimet ceʹ iaʹ luhai tai pekaliu. Dalau heʹ nekena ke pekimet puyan pengasat ceʹ, abeʹ keʹ bang pekimet tuk usa heʹ tengen le, penco kawaʹ dau kuma ha: “Ahaʹ, ahaʹ,” mentung pisiu: “Naʹun, naʹun.”

2 KURINTUS 6:1

Ina ukoʹ ameʹ diaʹ pemung pegayeng ngan Allah taten dau nyat ikem: alaʹ ne pengelesau Tuhan Allah, iaʹ ia lebang naʹ ina, ngan ayen peterai ie pelo-lo.

KULUSE 1:6

Denga Injil, iaʹ tai libut pa tipo usun tanaʹ ini, ngkin ca peniga palaʹ kelunan, koʹ baʹan puyan ne nai libut neng ahang ikem cen tau tading ngkem kenahan puyan pengelesau Allah iaʹ ia lebang naʹ ina, ngan mentung ngkem tisen lan neng peniga ina.

2 TIMUTIUS 3:10

Lepa ne ikoʹ nyituk bayaʹ dau katuk keʹ, ngan seʹ penyaheʹ keʹ, ngan neng iaʹ atek sen pengudip keʹ. Tisen pe ikoʹ neng pengelan nceʹ, ngan seʹ pengedenaʹ tawai heʹ, ngan seʹ pengemalaʹ keʹ, ngan seʹ pengemihen nceʹ,

1 PETERUS 5:12

Akeʹ uyan surat iaʹ buʹet ini palaʹ ikem man ujoʹ Suanus, moʹ keʹ kuma ia ca cenganak le iaʹ semamet. Kimet ceʹ ubaʹ ke petangen ikem, ngan badaʹ ban ini iaʹ lan lan ne pengelesau Allah. Tiga hem salet nekejeng kidi.

1 YAYA 2:28

Ahaʹ anak anak keʹ, nemek ne ngelineʹ dalem Keristus apan le tempa ngan teto tekaʹ tegoʹ o kenai luhaʹ ʹo, abeʹ le pesuhuk ngan saʹe ke nyeripa ia tegoʹ Tau kenai ie ʹo.

3 YAYA 1:4

Abeʹ un inu iaʹ pebangen tawai heʹ lapa cen uʹo denga puyan anak keʹ mudip dalem katuk iaʹ telit.

YAHUDA 1:4

Un palai kelunan diaʹ muau, diaʹ ban nyelem nai ngedalau ilu. Ida diaʹ pekaliu katuk pengelesau Allah apan nte un ukan neng pemuyan selabu re, penco re nyekang Yesus Keristus. Ia tengen iaʹ Paren le ngan Tuʹa le. Cen naʹaʹ ne Kitap Allah lepa badaʹ ukum iaʹ ke nantaʹ kelunan dina ʹo.