PEMUYAN 11:22 - Kenyah New Testament

²² Kenahan kun Mpun diaʹ ngelan Tuhan kaʹ Yerusalim dau denga ina, penco re cuk Barnabas tai kaʹ Antiukia.

PEMUYAN 11:22 Iomraidhean Croise

PEMUYAN 11:1

Kun diaʹ lawa Injil ngan mung cenganak dalem Tuhan diaʹ tipo tanaʹ Yudia kenahan dau denga lepoʹ tahaʹ awang Yahudi ban nai ngelan tiraʹ Allah.

PEMUYAN 11:19

Mung diaʹ ngelan Tuhan tai petat kuʹun penaru iaʹ nai dalau dulu lematai Stipanus are. Un palai mida tai kelap pabeʹ dale Penisia ngan tanaʹ Siperus, mentung nte bada tiraʹ Allah me diaʹ lepoʹ Yahudi tengen le.

PEMUYAN 11:20

Un palai diaʹ ngelan Tuhan ban cen lepoʹ Siperus, ngan lepoʹ Kirini, tai re abeʹ kaʹ lepoʹ Antiukia. Kun nte badaʹ Denga Injil Tuhan Yesus me dulu diaʹ tahaʹ awang Yahudi.

PEMUYAN 11:26

Dalau Barnabas petegoʹ ngan Saul, penco ho mengin ia kaʹ Antiukia. Pekina tai sukung ca uman majan ne ida dua pebulung ngan Mpun diaʹ ngelan Tuhan kina, mentung nte pekatuk dulu kina. Kaʹ Antiukia tading dulu naʹ ngadan Keristin me kelunan diaʹ bayaʹ katuk Tuhan.

PEMUYAN 11:27

Dalau ina un palai pegawa Tuhan nai cen Yerusalim puno kaʹ Antiukia.

PEMUYAN 15:2

Nai luhaʹ ne tekajaʹ tiraʹ neng puyan ini. Tai paseʹ ngan pesakat dau re ngan Paulus de dua Barnabas dalau ina. Ina ukoʹ dulu mung tai payo cuk Paulus de dua Barnabas, pemung ngan palai dulu diaʹ cen lepoʹ Antiukia ne, tai kaʹ Yerusalim, tai palaʹ diaʹ lawa Injil ngan diaʹ tuʹa Mpun kina, lemutu neng puyan ina.

PEMUYAN 15:22

Uʹo ina, mung diaʹ lawa Injil ngan diaʹ tuʹa neng Mpun, peging ngan mung Mpun diaʹ ngelan Tuhan ina, pebetep kimet ke lemileʹ palai neng ahang ida dina ngan cuk ida tai kaʹ Antiukia serengan ngan Paulus de dua Barnabas. Kun nte lemileʹ Yudas, iaʹ dulu naʹ Barsabas ina, ngan Silas. Mung diaʹ cenganak dalem Tuhan dina selum nte neng ida dua.

PEMUYAN 18:22

Uʹo Paulus abeʹ kaʹ lepoʹ Kaisaria, penco tai ie pukat kaʹ Yerusalim, badaʹ tiga saheʹ e palaʹ Mpun diaʹ ngelan Tuhan kina. Sulo tai ie puno kaʹ Antiukia pelaʹa.

PEMUYAN 6:5

Un tiraʹ de sihoʹ neng pengubaʹ de dina mung, penco re lemileʹ Stipanus, ca laki iaʹ sangan kuʹun pengelan ngan Berua Buheʹ. Un pe Pilipus, ngan Pukurus, ngan Nikanur, ngan Timun, ngan Pamenas, ngan Nikulaus iaʹ ina ca laki lepoʹ Antiukia, iaʹ lepa nyaliu adet te tai Yahudi.

PEMUYAN 8:14

Un diaʹ lawa Injil kaʹ Yerusalim kenahan dau denga puyan lepoʹ Samaria lepa ngelan tiraʹ Tuhan Allah. Kun nte cuk Peterus ngan Yaya tai naʹat ida.

PEMUYAN 9:27

Sulo Barnabas mepo ia, ngan tai ngkin ia palaʹ diaʹ lawa Injil dina. Barnabas badaʹ diseʹ Saul lepa taʹan Tuhan kaʹ janan Damsik, ngan badaʹ diseʹ puyan Tuhan pisiu ia. Kun Barnabas badaʹ diseʹ Saul pedenga ngadan Yesus kaʹ lepoʹ Damsik ngan tempa lan pe dau ue.

GALATIA 2:11

Tegoʹ Peterus nai abeʹ kaʹ lepoʹ Antiukia, penco heʹ nyekang dau neng ia neng juma kelunan kadoʹ, moʹ luhaʹ seʹ puyan ne salaʹ.

1 TESALUNIKA 3:6

Naʹkini lepa ne Timutius nai ngeliwet cen ikem, nai ie palaʹ ameʹ. Ia ngkin denga iaʹ tiga dau, iaʹ badaʹ puyan pengelan ngan puyan pengemalaʹ kem. Un pe ia badaʹ mameʹ ban lemuto hem petawai ameʹ, ngan ubaʹ ke petegoʹ ngan meʹ, koʹ baʹan tekaʹ meʹ ubaʹ ke petegoʹ ngan ncem lete.