PEMUYAN 11:20 - Kenyah New Testament

²⁰ Un palai diaʹ ngelan Tuhan ban cen lepoʹ Siperus, ngan lepoʹ Kirini, tai re abeʹ kaʹ lepoʹ Antiukia. Kun nte badaʹ Denga Injil Tuhan Yesus me dulu diaʹ tahaʹ awang Yahudi.

PEMUYAN 11:20 Iomraidhean Croise

MATIUS 27:32

Dalau nai re kawang, kun nte petegoʹ ngan ca kelunan nai cen lepoʹ Kirini, ngadan ne Simun. Penco re lemejen cuk ia nyuʹun kayu tecek Yesus ina.

YAYA 7:35

Kelunan lataʹ lepoʹ Yahudi pisiu kahang ida selepeʹ: “Kempi ia ketai iaʹ ukoʹ le abeʹ un senteng ke taʹan ia tupe? Un ne ubaʹ tai ngan lepoʹ ilu Yahudi diaʹ mudip kaʹ lepoʹ Gerika taʹin, ngan penco pekatuk dulu kaʹ lepoʹ Gerika?

PEMUYAN 11:19

Mung diaʹ ngelan Tuhan tai petat kuʹun penaru iaʹ nai dalau dulu lematai Stipanus are. Un palai mida tai kelap pabeʹ dale Penisia ngan tanaʹ Siperus, mentung nte bada tiraʹ Allah me diaʹ lepoʹ Yahudi tengen le.

PEMUYAN 11:22

Kenahan kun Mpun diaʹ ngelan Tuhan kaʹ Yerusalim dau denga ina, penco re cuk Barnabas tai kaʹ Antiukia.

PEMUYAN 11:26

Dalau Barnabas petegoʹ ngan Saul, penco ho mengin ia kaʹ Antiukia. Pekina tai sukung ca uman majan ne ida dua pebulung ngan Mpun diaʹ ngelan Tuhan kina, mentung nte pekatuk dulu kina. Kaʹ Antiukia tading dulu naʹ ngadan Keristin me kelunan diaʹ bayaʹ katuk Tuhan.

PEMUYAN 11:27

Dalau ina un palai pegawa Tuhan nai cen Yerusalim puno kaʹ Antiukia.

PEMUYAN 13:1

Neng Mpun diaʹ ngelan Tuhan kaʹ lepoʹ Antiukia, un pe kudaʹ kadoʹ pegawa Tuhan ngan guru, iaʹ ina Barnabas, ngan Simiun (iaʹ dulu naʹ Saleng), ngan Lukius (lepoʹ Kirini), ngan Menahem (cenganak ca ueʹ ngan Laja Herudis iaʹ ngkang ca tulat neng iaʹ kepat dale ina), ngan Saul.

PEMUYAN 14:26

Cen ina re dua ngedung neng kapen, penco re puke tai kaʹ lepoʹ Antiukia tanaʹ Siria are, kukoʹ Mpun diaʹ ngelan Tuhan iaʹ ban pelek ida dua palaʹ pengelesau Allah tuman gayeng iaʹ ida dua lepa ban pesukung ina.

PEMUYAN 15:22

Uʹo ina, mung diaʹ lawa Injil ngan diaʹ tuʹa neng Mpun, peging ngan mung Mpun diaʹ ngelan Tuhan ina, pebetep kimet ke lemileʹ palai neng ahang ida dina ngan cuk ida tai kaʹ Antiukia serengan ngan Paulus de dua Barnabas. Kun nte lemileʹ Yudas, iaʹ dulu naʹ Barsabas ina, ngan Silas. Mung diaʹ cenganak dalem Tuhan dina selum nte neng ida dua.

PEMUYAN 15:23

Kun nte naʹ ca surat katu tugung ida, pekini dau ue: “Ameʹ diaʹ lawa Injil, peging ngan diaʹ tuʹa Mpun diaʹ ngelan Tuhan, ameʹ diaʹ cenganak kem ke badaʹ selama tawai meʹ palaʹ diaʹ cenganak meʹ dalem Tuhan neng ahang ikem diaʹ tahaʹ awang lepoʹ Yahudi kaʹ lepoʹ Antiukia, ngan dale Siria, ngan Kilikia.

PEMUYAN 15:30

Sulo re pawang ida diaʹ ngkin surat idai tai puke. Tai re puno kaʹ Antiukia. Kaʹ ina re pempun ketoʹ kadoʹ de diaʹ ngelan Tuhan, kun nte badaʹ surat ina mida.

PEMUYAN 17:18

Un palai diaʹ guru katuk Ipikuri ngan diaʹ guru katuk Stuiki nai paseʹ ngan Paulus, kun dau re: “Inu baʹan dau laki iaʹ tipan petiraʹ ini nuran nuran dau pisiu tupe?” Un dau diaʹ ca pelaʹa: “Masaʹ kenai ie pelibut denga bali uyat dulu diaʹ cen coʹ taʹin.” Ida pekina dau moʹ Paulus pedenga Yesus ngan puyan kelunan diaʹ matai nai numpak mudip.

PEMUYAN 18:22

Uʹo Paulus abeʹ kaʹ lepoʹ Kaisaria, penco tai ie pukat kaʹ Yerusalim, badaʹ tiga saheʹ e palaʹ Mpun diaʹ ngelan Tuhan kina. Sulo tai ie puno kaʹ Antiukia pelaʹa.

PEMUYAN 2:10

ngan Perigia, ngan Pampilia, ngan Masir, ngan diaʹ cen dale Libia iaʹ nyeng ngan Kirini. Ngan un palai milu dini cen lepoʹ Rum,

PEMUYAN 4:36

Un Yusup ne, diaʹ lawa Injil naʹ ipa ngadan ne Barnabas, iaʹ sen ngadan ina “Laki Nyelaho,” ca diaʹ mela Liwi ie, ban cen tanaʹ Siperus te.

PEMUYAN 5:42

Sulo tai re pekatuk singket tau kedalem Umaʹ Palan, pekina pe ngalang amin dulu. Abeʹ de beto tai pedengan ban Yesus iaʹ atek ngkang pungu udip.

PEMUYAN 6:1

Kudaʹ majan uʹo ina, nai un pit un pit ne pengekadoʹ de diaʹ bayaʹ katuk Tuhan dina. Tai paseʹ ne dau lepoʹ Yahudi diaʹ pisiu Gerika neng lepoʹ Yahudi diaʹ puʹun. Un lepoʹ Yahudi diaʹ pisiu Gerika dina badaʹ abeʹ un aheʹ iaʹ pesingo leto balu re dalau re petulat balun singket tau are.

PEMUYAN 6:5

Un tiraʹ de sihoʹ neng pengubaʹ de dina mung, penco re lemileʹ Stipanus, ca laki iaʹ sangan kuʹun pengelan ngan Berua Buheʹ. Un pe Pilipus, ngan Pukurus, ngan Nikanur, ngan Timun, ngan Pamenas, ngan Nikulaus iaʹ ina ca laki lepoʹ Antiukia, iaʹ lepa nyaliu adet te tai Yahudi.

PEMUYAN 6:9

Naʹ pe ia pekina, un pe diaʹ nai beteʹ pesakat ngan Stipanus. Ida dina cen mpun kelunan Ulaʹ diaʹ Takau. Un pe palai Yahudi lepoʹ Kirini, un pe palai lepoʹ Alik-sandaria, un pe Yahudi diaʹ ca cen tanaʹ Kilikia ngan tanaʹ Asia, nai re ke ti ngan Stipanus.

PEMUYAN 8:35

Sulo Pilipus badaʹ mia cen tading jo isiu dalem Kitap ina are, kun ne badaʹ Denga Injil neng puyan Yesus.

PEMUYAN 8:5

Un Pilipus, tai ie puno kaʹ dale Samaria, penco ho badaʹ neng puyan Keristus iaʹ ngkang pungu udip me dulu kina.

PEMUYAN 9:20

Tegoʹ ina pe, ketai ie kedalem amin sebayang Yahudi. Kina Saul badaʹ denga Yesus iaʹ atek Anak Allah.

PEMUYAN 9:29

Saul iaʹ tai petiraʹ ngan paseʹ neng lepoʹ Yahudi diaʹ kanan isiu Gerika. Kun nte mita janan ubaʹ ke lematai ia.

1 KURINTUS 2:2

Dalau heʹ ngelineʹ ngan ncem are, tangen tekaʹ keʹ badaʹ puyan Yesus Keristus, iaʹ ina puyan ne matai neng usun kayu tecek. Abeʹ keʹ un kimet ubaʹ ke nawai puyan diaʹ ca dalau ina.

GALATIA 2:11

Tegoʹ Peterus nai abeʹ kaʹ lepoʹ Antiukia, penco heʹ nyekang dau neng ia neng juma kelunan kadoʹ, moʹ luhaʹ seʹ puyan ne salaʹ.

IPESUS 3:8

Naʹ pe akeʹ iaʹ libaʹ neng ʹo pengelibaʹ neng ahang diaʹ anun Allah, gayeng ini ne Allah mencai makeʹ man nceʹ tai palaʹ lepoʹ diaʹ tahaʹ awang Yahudi pedenga pengekayaʹ peniga Keristus.