PEMUYAN 11:19 - Kenyah New Testament

¹⁹ Mung diaʹ ngelan Tuhan tai petat kuʹun penaru iaʹ nai dalau dulu lematai Stipanus are. Un palai mida tai kelap pabeʹ dale Penisia ngan tanaʹ Siperus, mentung nte bada tiraʹ Allah me diaʹ lepoʹ Yahudi tengen le.

PEMUYAN 11:19 Iomraidhean Croise

MATIUS 10:6

Di lareʹ tiga hem tai palaʹ lepoʹ Israil diaʹ koʹ baʹan puyan dumba diaʹ tai lingu are.

YAYA 7:35

Kelunan lataʹ lepoʹ Yahudi pisiu kahang ida selepeʹ: “Kempi ia ketai iaʹ ukoʹ le abeʹ un senteng ke taʹan ia tupe? Un ne ubaʹ tai ngan lepoʹ ilu Yahudi diaʹ mudip kaʹ lepoʹ Gerika taʹin, ngan penco pekatuk dulu kaʹ lepoʹ Gerika?

PEMUYAN 11:20

Un palai diaʹ ngelan Tuhan ban cen lepoʹ Siperus, ngan lepoʹ Kirini, tai re abeʹ kaʹ lepoʹ Antiukia. Kun nte badaʹ Denga Injil Tuhan Yesus me dulu diaʹ tahaʹ awang Yahudi.

PEMUYAN 11:22

Kenahan kun Mpun diaʹ ngelan Tuhan kaʹ Yerusalim dau denga ina, penco re cuk Barnabas tai kaʹ Antiukia.

PEMUYAN 13:1

Neng Mpun diaʹ ngelan Tuhan kaʹ lepoʹ Antiukia, un pe kudaʹ kadoʹ pegawa Tuhan ngan guru, iaʹ ina Barnabas, ngan Simiun (iaʹ dulu naʹ Saleng), ngan Lukius (lepoʹ Kirini), ngan Menahem (cenganak ca ueʹ ngan Laja Herudis iaʹ ngkang ca tulat neng iaʹ kepat dale ina), ngan Saul.

PEMUYAN 13:4

Ban Berua Buheʹ iaʹ cuk ida dua, ina ukoʹ de dua tai kaʹ bahi kaʹ lepoʹ Selukia. Cen ina tai re ngedung neng kapen ia tai kaʹ tanaʹ Siperus.

PEMUYAN 13:46

Un Paulus ngan Barnabas makang kuʹo ke dau re dua pisiu. Kun dau re dua: “Tekep ne ameʹ nekena badaʹ tiraʹ Allah ini mikem. Un sepuʹo ikem nyekang tiraʹ Allah. Dalem puyan ina, seʹ kem ubaʹ ngukum usa hem tengen ne ina. Tepa ne ikem neng udip saheʹ keline iaʹ ngeriman. Ina iaʹ ukoʹ meʹ lepo ikem. Tai kun meʹ palaʹ dulu diaʹ tahaʹ awang Yahudi.

PEMUYAN 14:26

Cen ina re dua ngedung neng kapen, penco re puke tai kaʹ lepoʹ Antiukia tanaʹ Siria are, kukoʹ Mpun diaʹ ngelan Tuhan iaʹ ban pelek ida dua palaʹ pengelesau Allah tuman gayeng iaʹ ida dua lepa ban pesukung ina.

PEMUYAN 15:22

Uʹo ina, mung diaʹ lawa Injil ngan diaʹ tuʹa neng Mpun, peging ngan mung Mpun diaʹ ngelan Tuhan ina, pebetep kimet ke lemileʹ palai neng ahang ida dina ngan cuk ida tai kaʹ Antiukia serengan ngan Paulus de dua Barnabas. Kun nte lemileʹ Yudas, iaʹ dulu naʹ Barsabas ina, ngan Silas. Mung diaʹ cenganak dalem Tuhan dina selum nte neng ida dua.

PEMUYAN 15:3

Pekina Mpun diaʹ ngelan Tuhan cuk ida telu tai puke. Ketai re masat ngalang dale Penisia ngan dale Samaria, mentung nte badaʹ ban dulu diaʹ tahaʹ awang Yahudi lepa pupa kimet de palaʹ Allah. Denga ini iaʹ ngkin bioʹ bangen tawai me mung diaʹ cenganak dalem Tuhan dina.

PEMUYAN 15:30

Sulo re pawang ida diaʹ ngkin surat idai tai puke. Tai re puno kaʹ Antiukia. Kaʹ ina re pempun ketoʹ kadoʹ de diaʹ ngelan Tuhan, kun nte badaʹ surat ina mida.

PEMUYAN 15:35

Paulus ngan Barnabas ngelineʹ pelaʹa kaʹ Antiukia pemung ngan kadoʹ dulu diaʹ ca pe, mentung nte dua pekatuk ngan badaʹ tiraʹ Tuhan.

PEMUYAN 15:39

Pali laleʹ dau re paseʹ, ina ukoʹ de dua tai petat. Barnabas iaʹ ngkin Markus tugung ia, sulo re dua ngedung neng ca kapen iaʹ tai kaʹ Siperus.

PEMUYAN 18:22

Uʹo Paulus abeʹ kaʹ lepoʹ Kaisaria, penco tai ie pukat kaʹ Yerusalim, badaʹ tiga saheʹ e palaʹ Mpun diaʹ ngelan Tuhan kina. Sulo tai ie puno kaʹ Antiukia pelaʹa.

PEMUYAN 21:16

Un palai diaʹ bayaʹ katuk Tuhan cen lepoʹ Kaisaria nai tugung ameʹ, penco ketai re ngkin ameʹ pejakaʹ kaʹ amin Manasun, moʹ kina meʹ pekimet ke ngelineʹ. Laki ina cen tanaʹ Siperus, iaʹ serengan ngan diaʹ ading ban bayaʹ katuk Tuhan are.

PEMUYAN 21:2

Kaʹ ina meʹ taʹan ca kapen iaʹ ubaʹ ketai pelawat kaʹ tanaʹ Penisia. Tai meʹ ngedung neng kapen ina, penco tai meʹ puke.

PEMUYAN 3:26

Pekina ban Allah pudip anak ke Yesus ina neng ca udip iaʹ tumpak, ngan cuk ia nai palaʹ ikem ading, apan ne ke naʹ peniga mikem, iaʹ ukoʹ kem mung ke nyepuleʹ kimet cen pemuyan jaʹat cem.”

PEMUYAN 4:36

Un Yusup ne, diaʹ lawa Injil naʹ ipa ngadan ne Barnabas, iaʹ sen ngadan ina “Laki Nyelaho,” ca diaʹ mela Liwi ie, ban cen tanaʹ Siperus te.

PEMUYAN 6:5

Un tiraʹ de sihoʹ neng pengubaʹ de dina mung, penco re lemileʹ Stipanus, ca laki iaʹ sangan kuʹun pengelan ngan Berua Buheʹ. Un pe Pilipus, ngan Pukurus, ngan Nikanur, ngan Timun, ngan Pamenas, ngan Nikulaus iaʹ ina ca laki lepoʹ Antiukia, iaʹ lepa nyaliu adet te tai Yahudi.

GALATIA 2:11

Tegoʹ Peterus nai abeʹ kaʹ lepoʹ Antiukia, penco heʹ nyekang dau neng ia neng juma kelunan kadoʹ, moʹ luhaʹ seʹ puyan ne salaʹ.