PEMUYAN 11:12 - Kenyah New Testament

¹² Un dau Berua Tuhan: ‘Ayen babak tai tugung ida, moʹ akeʹ iaʹ cuk.’ Un nem usa cenganak dalem Tuhan dini nai jahi akeʹ tai masat kaʹ lepoʹ Kaisaria. Mung meʹ tai kedalem amin laki bioʹ Kurnilius.

PEMUYAN 11:12 Iomraidhean Croise

MATIUS 1:20

Dalau Yusup pekimet puyan ina are, ia taʹan dalem kenupi ie ca melikat Tuhan nai pisiu ngan ne. Un dau melikat ina neng ia: “Ahaʹ Yusup iaʹ mela Daut, nyen neoʹ takut alaʹ Mariam ne leto hoʹ, uban temaleʹ e ina nuyan kuʹun nyingan Berua Buheʹ.

YAYA 16:13

Un sepuʹo tegoʹ kenai Berua katuk iaʹ telit, ia iaʹ ke ngkin ikem ngedalau mung puyan katuk iaʹ telit. Abeʹ e ke pisiu cen kimet te tengen, bang ia badaʹ inu iaʹ ia kenahan, ngan ia ke badaʹ puyan iaʹ kenai bayaʹ.

PEMUYAN 1:15

Kudaʹ tau pe ʹo ina, kenai re pempun mung diaʹ ngelan Tuhan, kihoʹ kihoʹ ca ato dua puloʹ usa kadoʹ de. Dalau ina kenai Peterus nekejeng. Un dau ue:

PEMUYAN 10:23

Kun Peterus mengin ida telu dina nai kedalem, ngan tudo ne ida telu kina. Neng kenempam me, seʹ Peterus pedepa inu ue, tai ie pejahi serengan ida. Un pe kudaʹ usa diaʹ cenganak dalem Tuhan diaʹ cen Yupe tai pejahi ngan nte kina.

PEMUYAN 10:45

Un lepoʹ Yahudi diaʹ ngelan Tuhan, diaʹ ban nai tugung Peterus cen Yupe are, tai paʹan ne ida, moʹ Allah mubeʹ Berua Buheʹ ina, ca pengencai ie me diaʹ tahaʹ awang Yahudi.

PEMUYAN 11:13

Kun ne badaʹ mameʹ kumpin ban ne taʹan ca usa melikat nekejeng kedalem amin ne, iaʹ kuma ha: ‘Cuk dulu tai pelawa kaʹ Yupe, mengin Simun Peterus.

PEMUYAN 13:2

Dalau re pat lemameʹ Tuhan ngan lemalan abeʹ un uman, un dau Berua Buheʹ neng ida: “Nengen ne Barnabas ngan Saul makeʹ, idi re tai mejo gayeng ngkeʹ neng iaʹ ukoʹ keʹ mengin ida.”

PEMUYAN 13:4

Ban Berua Buheʹ iaʹ cuk ida dua, ina ukoʹ de dua tai kaʹ bahi kaʹ lepoʹ Selukia. Cen ina tai re ngedung neng kapen ia tai kaʹ tanaʹ Siperus.

PEMUYAN 15:7

Majan nte pata dau isiu re. Uʹo ina kenai Peterus beteʹ. Un dau ue: “Ahaʹ cenganak keʹ mung, tisen te ikem, cen kena ne Allah lemileʹ akeʹ neng ahang ikem apan nceʹ ke pedenga katuk Injil me dulu diaʹ tahaʹ awang Yahudi, idi re kenahan ngan ngelan ne pe.

PEMUYAN 15:9

Abeʹ Allah nekajaʹ ilu ngan nte. Lepa ne ia muheʹ kimet de moʹ kuʹun pengelan nte.

PEMUYAN 28:15

Moʹ diaʹ cenganak meʹ dalem Tuhan dina kenahan dau denga meʹ nai, kenai re kaʹ pasen Apius, ngan nai pe palai laʹa kaʹ lepoʹ iaʹ ngadan ne Telu re Kedai. Kun nte petegoʹ ngan meʹ kaʹ ina. Dalau Paulus taʹan ida, penco ho nyuaʹ tiga saheʹ palaʹ Allah, mentung nge ngepali tekaʹ penawai ie laʹa.

PEMUYAN 8:29

Kun Berua Buheʹ pisiu Pilipus: “Tai ne ikoʹ ngenyeng laki bioʹ lepoʹ Itiupia ina, tai pemung ngan ne neng kerita haʹ.”

RUM 3:22

Allah ke peteneng ilu kelunan tai teneng ban kuʹun pengelan le neng Yesus Keristus. Pekina pemuyan Allah neng mung diaʹ ngelan Keristus. Abeʹ Allah selepeʹ neng kelunan,

2 TESALUNIKA 2:2

ayen ncem luhai tai bingaʹ ngan tai berawen tekaʹ kimet kuʹun tiraʹ iaʹ kuma ha: “Tau ke kenai Tuhan Yesus iaʹ kedua liwai ie lepa abeʹ.” Masaʹ un kelunan diaʹ pisiu pekina dau. Masaʹ un pe kelunan diaʹ pedenga puyan pekina. Ngan masaʹ un pe kelunan diaʹ kuma ha ameʹ lepa nyurat puyan ina dalem surat meʹ.

PUYAN LUHA’ 22:17

Un dau Berua Tuhan ngan leto iaʹ ke pepeto ina kuma ha: “Nai ne.” Mung kelunan diaʹ kenahan dau tiraʹ ini, atek de kuma ha lete: “Nai ne.” Nai ne, mele aheʹ ia muhang, aheʹ iaʹ ubaʹ, tiga ha alaʹ sungai iaʹ ngeriman ini, abeʹ un suaʹ a.