PEMUYAN 10:43 - Kenyah New Testament

⁴³ Un dau isiu mung pegawa cen naʹaʹ diaʹ nugen dau neng Yesus: Aheʹ iaʹ ngelan neng Yesus uʹo, atek ke tisen te ia Yesus sau penyalaʹ a, moʹ kuʹun penyukat ngadan ne.”

PEMUYAN 10:43 Iomraidhean Croise

MARKUS 16:16

Aheʹ iaʹ ngelan, ngan alaʹ batis, ia lete iaʹ atek ke tisen puyan iaʹ ke pudip ia dalem Tuhan. Aheʹ iaʹ abeʹ un ngelan, atek penyalaʹ a iaʹ ke mekem ngkin ia neng penaru.

LUKAS 24:47

Moʹ kuʹun ngadan ne, atek le ke menco katuk neng puyan nesen ngan nyepuleʹ kimet, pekina pe neng puyan sau penyalaʹ me ketoʹ lepoʹ kusun tanaʹ ne, tading nge cen Yerusalim.

YAYA 1:45

Pelapa Pilipus petegoʹ ngan Natanil, kun ne badaʹ mia: “Un meʹ tegoʹ Laki iaʹ Musa badaʹ milu dalem Kitap Katuk Adet are. Un diaʹ pegawa nyurat neng ia lete. Ia ne Yesus anak Yusup lepoʹ Nasarit.”

YAYA 20:31

Un sepuʹo dini diaʹ lepa senurat apan ncem ke ngelan Yesus iaʹ atek Keristus iaʹ ngkang pungu udip, ngan iaʹ atek Anak Allah. Ngan kuʹun pengelan ncem ini pe ikem ke alaʹ udip dalem ngadan ne.

YAYA 5:24

“Lan dau heʹ mikem, aheʹ iaʹ kenahan dau tiraʹ keʹ ngan ngelan ia iaʹ cuk akeʹ nai, kelunan ina ne iaʹ lepa alaʹ udip saheʹ kelineʹ iaʹ ngeriman, ngan abeʹ e ke sihoʹ puyan betep ukum penyalaʹ laʹa, un sepuʹo lepa ne ia lapa cen patai tai palaʹ udip.

PEMUYAN 15:9

Abeʹ Allah nekajaʹ ilu ngan nte. Lepa ne ia muheʹ kimet de moʹ kuʹun pengelan nte.

PEMUYAN 2:38

Un dau Peterus neng ida: “Nesen ne, ngan nyepuleʹ kimet cem cen penyalaʹ kem singket usa hem te, ngan tai alaʹ batis neng ngadan Yesus Keristus. Ina janan ke sau penyalaʹ kem, idi hem alaʹ pengencai Allah, atek Berua Buheʹ ina.

PEMUYAN 26:18

Ikoʹ iaʹ ke mesik mata re, ngan pupa ida cen ntem, cuk ida sileʹ tahaʹ dema, pekina pe sau ida cen penyukat gaham Sitan iaʹ tuʹa bali, paso ida kedalem gaham Allah, idi penyalaʹ de pesau moʹ kuʹun pengelan nte neng akeʹ, pekina pe un ukoʹ de nai pebulung ngan kelunan diaʹ Allah ban lemileʹ.’ ” Pekina dau Yesus me Paulus.

PEMUYAN 26:22

Naʹ pe pekina, Allah mepo heʹ pa abeʹ tau ini ne. Ina ukoʹ keʹ jeng kini, kebadaʹ ban nceʹ tugen neng Yesus palaʹ mung dulu, diaʹ iʹut ngan pekina pe neng diaʹ bioʹ. Mung dau isiu heʹ ini, abeʹ e tekajaʹ ngan dau isiu diaʹ pegawa cen naʹaʹ, ngan dau isiu Musa pe.

PEMUYAN 3:16

Ban kuʹun penyukat dalem ngadan Yesus, ina iaʹ lepa puhat laki ini. Puyan laki apet, iaʹ ikem taʹan ngan tisen ini, lepa nuyan ban kuʹun pengelan kedalem ngadan Yesus ne. Ban pengelan neng Yesus iaʹ paget ia lan, kata ikem mung.”

PEMUYAN 3:18

Uban cen naʹaʹ Allah badaʹ isiu ue man mung pegawa ha, kumpin seʹ puyan kenai Laki iaʹ ngkang pungu udip, iaʹ Allah naʹ milu, iaʹ atek ke ke sihoʹ tuyen lete ʹo. Pekina lete ban tai ie palup.

RUM 10:11

Moʹ un dau dalem Kitap: “Singket usa diaʹ ngelan neng laki ini, abeʹ de tai pebahoʹ.”

RUM 3:21

Naʹkini ban nai luhaʹ ne janan Allah ke peteneng ilu kelunan, tengen pe puyan katuk adet. Naʹ pe ia tengen, lepa ne Katuk Adet Musa ngan tiraʹ diaʹ pegawa Tuhan cen naʹaʹ ban badaʹ tugen neng idi.

RUM 5:1

Lan te, teneng ne ilu ngan Allah kuʹun pengelan le, ina ukoʹ le un udip iaʹ tadan ngan Allah moʹ kuʹun Tuhan le Yesus Keristus ne.

RUM 6:23

Moʹ suaʹ penyalaʹ, ina ne patai; un sepuʹo pengencai Allah, ina ne udip saheʹ kelineʹ iaʹ ngeriman, iaʹ pebulung dalem Keristus Yesus, Tuʹa le.

RUM 8:1

Naʹkini aheʹ iaʹ mudip pebulung dalem Keristus Yesus, abeʹ ne penyalaʹ un nyalet ukum neng ida laʹa.

RUM 8:34

abeʹ un aheʹ iaʹ senteng mekem salaʹ neng ida laʹa. Keristus Yesus iaʹ lepa matai idai, ngan Allah pudip ia laʹa: un te ia tahaʹ taʹu Allah, ngan ia iaʹ lemameʹ neng Allah me ilu naʹkini.

GALATIA 3:22

Iaʹ lan ne, Kitap lepa badaʹ kuma ha mung kelunan kusun tanaʹ ini lepa peput kuʹun penyukat penyalaʹ. Ina ukoʹ pengencai Allah, iaʹ ia lepa petuket kuʹun pengelan le palaʹ Yesus Keristus ina, sukat te naʹ a me mung kelunan diaʹ ngelan ia.

IPESUS 1:7

Kuʹun musa dahaʹ Keristus, ia pawang ilu tai pesau cen iaʹ jaʹat, moʹ un pebeka tawai le dalem me. Pekina pe penyalaʹ le pesau kuʹun patai ie.

KULUSE 1:14

Ngan kuʹun ne ia pawang ilu tai kelap cen iaʹ jaʹat, ngan mung penyalaʹ le tai pesau.

IBERANI 13:20

Tuhan le Yesus iaʹ Pengebioʹ diaʹ Manan Dumba, moʹ kuʹun puyan patai ie. Man puyan ina ia lepa ngelisan penyalet tuket iaʹ un pa majan. Allah iaʹ meteʹ ia cen patai ie.

1 PETERUS 1:11

Seʹ de ubaʹ ke ngetisen midan jakaʹ a, ngan ke kumpin seʹ puyan ke kenai ie ʹo. Moʹ Berua Keristus iaʹ un dalem ida, tugen dau neng iaʹ naʹkini, ngan nekena badaʹ neng penuyen iaʹ ke sihoʹ Keristus, ngan serema peniga iaʹ petuk kenai luhaʹ bayaʹ a.

PUYAN LUHA’ 19:10

Kun nceʹ muʹup kata taket melikat ina ke lemameʹ palaʹ ia. Un dau ue neng akeʹ: “Ayen ti pekina, akeʹ ne ca ulaʹ Allah pekuaʹ ngan ncoʹ lete, pekuaʹ ngan cenganak koʹ iaʹ mampin katuk telit, iaʹ nai luhaʹ kuʹun Yesus. Bang Allah le ilu lemameʹ.” Kuʹun katuk telit iaʹ Yesus peluhaʹ milu, ina iaʹ petangen pegawa Tuhan ke penco katuk milu.