PEMUYAN 10:41 - Kenyah New Testament

⁴¹ Abeʹ e mung dulu diaʹ taʹan ia, bang ameʹ le diaʹ taʹan ia, moʹ Allah ban lemileʹ ameʹ ketai diaʹ badaʹ tugen neng ia. Ameʹ diaʹ pemung uman ngan nisep ngan ne uʹo Allah pudip ia cen patai are.

PEMUYAN 10:41 Iomraidhean Croise

LUKAS 24:30

Pemung madung le Yesus ngan nte dua kena re ke uman, kun ne alaʹ ca luʹung ruti, ngan nyuaʹ tiga saheʹ palaʹ Allah. Sulo ho piding nge, ngan naʹ a mida.

LUKAS 24:48

Ikem ne diaʹ ke badaʹ ban ncem tugen kaʹ neng toʹ puyan dina.

YAYA 14:17

Dulu kusun tanaʹ ini abeʹ un senteng alaʹ ia, uban dulu abeʹ un senteng taʹan ia ngan tisen ia. Un sepuʹo ikem tisen ia, uban ia iaʹ ngelineʹ ngan ncem, ngan mudip dalem ikem.

YAYA 14:19

Abeʹ un majan dulu kusun tanaʹ ini ke taʹan akeʹ laʹa. Un sepuʹo ikem iaʹ ke taʹan akeʹ, ngan uban nceʹ mudip, ikem ke mudip lete.

YAYA 14:22

Yudas (abeʹ e Yudas Iskariut) iaʹ kuma ha: “Tuhan, inu senteng ngkoʹ ke peluhaʹ usa hoʹ tengen le neng ameʹ ngan abeʹ un neng dulu kusun tanaʹ ini?”

YAYA 15:16

Abeʹ e ikem iaʹ lemileʹ akeʹ, akeʹ iaʹ lemileʹ ikem, ngan peteneng ikem ke un buʹan iaʹ sahu. Ina ne buʹan iaʹ abeʹ un tisen tai jaʹat. Ngan pekina ne puyan Amai Bioʹ ke naʹ mikem, mele inu iaʹ ikem nyat neng ia dalem ngadan nceʹ.

YAYA 15:27

ngan ikem lete ke badaʹ puyan nceʹ, uban ikem iaʹ lepa un ngan nceʹ cen kena re.

YAYA 21:13

Ina ukoʹ Yesus tai alaʹ ruti, penco naʹ mida. Pekina pe puyan ne neng atuk dina.

PEMUYAN 1:22

cen tading ban Yaya ngebatis Yesus, pabeʹ tau tai Yesus pejung kaʹ surga mecin ameʹ.”

PEMUYAN 1:4

Dalau Yesus pempun ngan diaʹ lawa ha dina, kun ne pekatuk ida: “Ayen mecin Yerusalim, bang pekena ne pengencai iaʹ Amai heʹ lepa petuket ke naʹ mikem. Lepa ne akeʹ badaʹ a mikem cen kena.

PEMUYAN 10:39

Ameʹ ne diaʹ ban badaʹ tugen neng mung puyan iaʹ Yesus ban uyan kaʹ tanaʹ Yahudi, pekina pe kaʹ Yerusalim. Ia lete iaʹ dulu lematai ngan napek ngediding ia neng kayu tecek.

PEMUYAN 13:31

Kenai ie luhaʹ dalem kudaʹ tau majan ne, kata ida diaʹ serengan ban masat ngan ne cen Galilia tai kaʹ Yerusalim are. Naʹkini ida dina diaʹ ban badaʹ tugen neng Yesus kaʹ lepoʹ Israil.