PEMUYAN 10:38 - Kenyah New Testament

³⁸ Tisen te ikem ban puyan Yesus lepoʹ Nasarit ina, seʹ ban Allah mubeʹ Berua Buheʹ ngan penyukat bioʹ neng ia. Ngan pekina pe tai ie masat kempi kempi uyan tiga, ngan puhat mung dulu diaʹ taru kuʹun Bali Sitan, moʹ Allah un ngan ne.

PEMUYAN 10:38 Iomraidhean Croise

MATIUS 12:15

Dalau Yesus kenahan dau puyan ina, sulo tai ie mecin cen ina, ngan kadoʹ dulu diaʹ tai bayaʹ ia. Kun ne paget mung kelunan diaʹ sakit.

MATIUS 12:28

Un sepuʹo Berua Allah iaʹ naʹ nyingan man nceʹ pekarap bali, puyan ini iaʹ badaʹ ban puyan pengaren Allah lepa un neng ahang ikem.

MATIUS 9:19

Sulo nai Yesus beteʹ, penco tai serengan ia. Diaʹ bayaʹ katuk ke pe tai peging ngan nte dua.

MATIUS 9:35

Yesus tai masat teliling neng mung lepoʹ bioʹ ngan lepoʹ iʹut, mentung nge pekatuk dulu neng singket amin sebayang, ngan badaʹ denga tiga neng puyan pengaren Allah ke ngaren ilu kelunan. Kun ne paget mung naʹan penyakit ngan penginteʹ usa le kelunan.

MARKUS 6:6

Ketoʹ aleʹ ne tekaʹ Yesus moʹ kimet de are ubaʹ ke ngelan dau ue. Sulo tai Yesus naʹat singket lepoʹ iʹut pipa kina ke pekatuk ida.

LUKAS 3:22

Sulo kenai Berua Buheʹ cen mpau te, nepatung koʹ baʹan ca usa sui garaʹ are, mempep neng Yesus. Dalau ina un dau ca isiu cen langit kuma ha: “Ikoʹ anak keʹ, iaʹ penyelum keʹ. Ikoʹ iaʹ sihoʹ neng pengubaʹ keʹ.”

LUKAS 4:18

“Un Berua Tuhan neng akeʹ. Lepa ne ia nedanaʹ akeʹ, cuk akeʹ badaʹ Denga Tiga palaʹ dulu diaʹ taru mudip. Ngan pekina pe cuk akeʹ nai badaʹ denga nakau dulu diaʹ salut, ngan mesik mata diaʹ butaʹ, ngan sau dulu diaʹ ban pencit,

LUKAS 9:42

Dalau kenai demanai ina masat ngenyeng Yesus, sulo bali sepen ina nubang ngan lemintet ia kaʹ tanaʹ, pa kenyarem seʹ e. Kun Yesus cuk bali ina kelap, penco ho paget anak ina. Kun ne naʹ ia uleʹ me amai ie.

LUKAS 9:56

Penco ketai re neng lepoʹ diaʹ ca laʹa.

YAYA 10:32

Dau Yesus neng ida: “Kadoʹ ne pemuyan iaʹ tiga akeʹ lepa peluhaʹ mikem cen kena, uban kuʹun pengecuk Amai Bioʹ neng akeʹ. Puyan iaʹ mpi iaʹ ukoʹ kem ubaʹ ke lemulo batu neng akeʹ tupe?”

YAYA 16:32

Seʹ kenai ne jakaʹ a, ngan iaʹ lan ne lepa un ne naʹ kini, tegoʹ mung ngkem ke tai purat ʹo, semingket ketai hem palaʹ amin ncem tengen. Bang akeʹ tengen le iaʹ nahung laʹa. Un sepuʹo iaʹ lan, abeʹ keʹ tengen, uban Amai Bioʹ iaʹ un ngan nceʹ.

YAYA 3:2

Ca alem me Nikudimus tai palaʹ Yesus ngan kuma ha: “Guru, ameʹ tisen ikoʹ ca guru iaʹ nai kuʹun Allah. Abeʹ un aheʹ senteng ti puyan nyingan ukoʹ baʹan ncoʹ ti ne, buk Allah abeʹ un ngan ne.”

YAYA 3:34

Laki iaʹ Allah lepa cuk nai are, ia iaʹ penco dau isiu Allah, uban Allah iaʹ lebang naʹ Berua ha mia.

YAYA 6:27

Ayen bang pegayeng mita penguman iaʹ luhaʹ jaʹat, un sepuʹo pegayeng ne mita penguman iaʹ majan neng udip saheʹ kelineʹ iaʹ ngeriman. Peguman ini atek Anak Sio ke naʹ mikem, uban Allah, Amai Bioʹ iaʹ lepa nedanaʹ ia iaʹ tekep ke man puyan ini.”

PEMUYAN 10:37

Tisen ne ikem neng puyan iaʹ bioʹ, iaʹ libut ne neng tanaʹ Yudia, tading nge cen Galilia uʹo Yaya badaʹ batis are.

PEMUYAN 2:22

Sulo dau Peterus laʹa: “Ahaʹ mung cenganak keʹ lepoʹ Israil, kudaʹ pe ikem ngeringa dau isiu heʹ ini. Un ban Yesus, lepoʹ Nasarit idai, ca laki iaʹ Allah atek ban naʹ mikem. Un iaʹ peluhaʹ Yesus, ina puyan penyukat bioʹ, ngan puyan nyingan, ngan tedanaʹ bulen, iaʹ Allah lepa ban uyan kuʹun Yesus ina. Ikem tengen iaʹ tisen kidi, moʹ mung puyan ina lepa luhaʹ neng ahang ikem.

IBERANI 1:9

Ikoʹ iaʹ malaʹ puyan teneng, ngan miʹi puyan salaʹ, ini ukoʹ Allah, iaʹ atek Allah hoʹ, lepa lemile ikoʹ, sulo naʹ mikoʹ selama iaʹ pebangen ikoʹ, pelapa bioʹ neng ʹo puyan ne naʹ me diaʹ ngan ncoʹ dina.”

1 PETERUS 5:8

Jagaʹ ne kimet cem, ngan tiga hem lemuto tenup tekaʹ, moʹ un bunoʹ kem Bali Jaʹat ina, koʹ baʹan ca lencau iaʹ lemuto nyanam ngan ngahang mita aheʹ iaʹ senteng ia ke nyeloʹ.

1 YAYA 2:20

Tengen pe ikem uban lepa ne Keristus mubeʹ Berua Buheʹ neng ikem pa hem mung un penisen neng katuk iaʹ telit.

1 YAYA 3:8

Aheʹ iaʹ pekutat seʹ uyan penyalaʹ, atek anun Bali Jaʹat ne kelunan ina, uban Bali Jaʹat iaʹ uyan penyalaʹ cen tading tading nge. Ini iaʹ ukoʹ Anak Allah nenganan ban nai luhaʹ are, apan ne nasaʹ pemuyan Bali Jaʹat.