PEMUYAN 10:36 - Kenyah New Testament

³⁶ Tisen te ikem, un tiraʹ iaʹ Allah lepa naʹ palaʹ lepoʹ Israil, iaʹ ina Denga Injil, iaʹ pedenga neng puyan udip iaʹ tadan me kelunan kuʹun Yesus Keristus, iaʹ atek Tuʹa kelunan mung.

PEMUYAN 10:36 Iomraidhean Croise

MATIUS 10:6

Di lareʹ tiga hem tai palaʹ lepoʹ Israil diaʹ koʹ baʹan puyan dumba diaʹ tai lingu are.

MATIUS 11:27

“Ketoʹ inu pe lepa ne Amai Bioʹ naʹ a makeʹ. Ca kelunan pe abeʹ un tisen Anak Sio pit Amai Bioʹ. Ngan pekina pe ca kelunan pe abeʹ un tisen Amai Bioʹ pit Anak Sio peging ngan kelunan diaʹ Anak Sio ina ubaʹ ke peluhaʹ Amai Bioʹ.

MATIUS 28:18

Nai Yesus ngenyeng ida, penco dau ue neng ida: “Mung penyukat lepa un ne neng akeʹ, koʹ baʹan kaʹ surga, pekina pe kusun tanaʹ.

LUKAS 1:79

Cen surga ha ngedema mung dulu diaʹ mudip dalau ntem, diaʹ pencit kuʹun patai. Ia ke peteneng jeng taket le bayaʹ janan udip tadan.” Pekina ne dau Sakaria.

LUKAS 24:47

Moʹ kuʹun ngadan ne, atek le ke menco katuk neng puyan nesen ngan nyepuleʹ kimet, pekina pe neng puyan sau penyalaʹ me ketoʹ lepoʹ kusun tanaʹ ne, tading nge cen Yerusalim.

PEMUYAN 10:37

Tisen ne ikem neng puyan iaʹ bioʹ, iaʹ libut ne neng tanaʹ Yudia, tading nge cen Galilia uʹo Yaya badaʹ batis are.

PEMUYAN 11:19

Mung diaʹ ngelan Tuhan tai petat kuʹun penaru iaʹ nai dalau dulu lematai Stipanus are. Un palai mida tai kelap pabeʹ dale Penisia ngan tanaʹ Siperus, mentung nte bada tiraʹ Allah me diaʹ lepoʹ Yahudi tengen le.

PEMUYAN 13:32

Ameʹ dini iaʹ nai ke pedenga Denga Injil mikem. Ina puyan iaʹ Allah ban petuket ngan tepun le cen naʹa are.

PEMUYAN 13:46

Un Paulus ngan Barnabas makang kuʹo ke dau re dua pisiu. Kun dau re dua: “Tekep ne ameʹ nekena badaʹ tiraʹ Allah ini mikem. Un sepuʹo ikem nyekang tiraʹ Allah. Dalem puyan ina, seʹ kem ubaʹ ngukum usa hem tengen ne ina. Tepa ne ikem neng udip saheʹ keline iaʹ ngeriman. Ina iaʹ ukoʹ meʹ lepo ikem. Tai kun meʹ palaʹ dulu diaʹ tahaʹ awang Yahudi.

PEMUYAN 2:36

Un dau Peterus metuk isiu ue: “Ban atek Yesus lete ini, iaʹ ikem lepa napek neng kayu tecek are. Yesus lete iaʹ Allah lepa uyan Tuhan, Laki iaʹ ngkang pungu udip. Awaʹ ne mung diaʹ lepoʹ Israil ke tisen lan.”

PEMUYAN 5:31

Ia lete Allah ban ngayang cuk ia tai tahaʹ taʹu ue, moʹ o cuk ia ketai Tuʹa le, ngan Keniga Udip le, iaʹ ke mawang ukoʹ lepoʹ Israil ke nesen, alaʹ nyepuleʹ kimet de, ngan ke sau penyalaʹ de.

RUM 14:9

Moʹ ini tuman Keristus matai ngan nai numpak mudip pelaʹa, apan ne tai Tuʹa me mung diaʹ mudip, ngan me mung diaʹ matai.

RUM 5:1

Lan te, teneng ne ilu ngan Allah kuʹun pengelan le, ina ukoʹ le un udip iaʹ tadan ngan Allah moʹ kuʹun Tuhan le Yesus Keristus ne.

1 KURINTUS 15:27

Moʹ un dau dalem Kitap kuma ha: “Allah iaʹ nyuluk mung inu kentaʹ taket te.” Ahaʹ, luhaʹ sen isiu iaʹ kuma “mung inu” abeʹ e ngahum Allah tengen, moʹ ia iaʹ nyuluk mung inu kentaʹ Keristus.

1 KURINTUS 15:47

Adem iaʹ ading are, ban nuyan man seluhan tanaʹ. Adem iaʹ kedua are, ban nai cen surga ne.

PILIPI 2:11

Ngan mung mung le ke teto dau ngahaʹ ban Yesus Keristus iaʹ atek Tuʹa. Ketai ie nuyan serema peniga Allah iaʹ Amai Bioʹ.

KULUSE 1:20

Ban kuʹun Anak ina lete, Allah petuket ke uyan ca janan man mung inu ke nai ngeliwet palaʹ ia laʹa. Allah uyan udip iaʹ tadan milu ban tuman Anak ke iaʹ lepa matai neng usun kayu tecek. Ngan man janan ini ne Allah ke ngkin mung inu ke nai ngeliwet palaʹ ia, tiga diaʹ kusun tanaʹ, pekina pe diaʹ kaʹ surga.

IBERANI 1:2

Un sepuʹo ngajan ini, dalau ketai kuʹo udip ini, Allah lepa pisiu me ilu man Anak ke. Ia lete iaʹ Allah lepa kanan man uyan mung langit ngan tanaʹ ini. Ia lete iaʹ Allah lemileʹ apan ne ke un mung inu tegoʹ ketai kuʹo udip ini ʹo.

IBERANI 13:20

Tuhan le Yesus iaʹ Pengebioʹ diaʹ Manan Dumba, moʹ kuʹun puyan patai ie. Man puyan ina ia lepa ngelisan penyalet tuket iaʹ un pa majan. Allah iaʹ meteʹ ia cen patai ie.

1 PETERUS 3:22

iaʹ lepa tai kaʹ surga tahaʹ taʹu Allah. Cen ina ha ngkang perinta neng mung melikat, mung diaʹ paren, ngan mung penyukat surga.

PUYAN LUHA’ 1:18

Akeʹ iaʹ mudip. Lepa ne akeʹ matai, belekaʹ akeʹ pe mudip pa majan ʹo. Akeʹ iaʹ un penyukat neng patai, pekina pe neng tanaʹ diaʹ matai.

PUYAN LUHA’ 1:5

Pekina pe cen Yesus Keristus iaʹ semamet badaʹ tugen ne. Ia iaʹ Anak ading iaʹ lepa nai numpak mudip cen ahang diaʹ matai. Ia pe iaʹ paren neng usun diaʹ laja kusun tanaʹ ini. Yesus iaʹ ban malaʹ ilu, ngan ia nakau ilu cen penyalaʹ le ban kuʹun musa dahaʹ a.

PUYAN LUHA’ 17:14

Mung nte ke pepatai ngan Anak Dumba ina ʹo. Un sepuʹo Anak Dumba ina peging ngan kelunan iaʹ ia lepa mengin, iaʹ ia lepa lemileʹ, diaʹ semamet bayaʹ ia, ke un usun neng ida dina moʹ ia iaʹ atek pengebioʹ tuʹa, ngan pengebioʹ diaʹ paren.”

PUYAN LUHA’ 19:16

Neng sapai ie ngan neng taket te un ngadan ne senurat kidi: “Iaʹ Pengebioʹ Paren, ngan Iaʹ Pengebioʹ Tuʹa.”