PEMUYAN 10:35 - Kenyah New Testament

³⁵ Abeʹ pe Allah nyelepeʹ lemileʹ diseʹ neng mung lepoʹ, moʹ ketoʹ dulu diaʹ takut neng Allah, mentung mejo gayeng iaʹ teneng, ubaʹ Allah un kelunan dina.

PEMUYAN 10:35 Iomraidhean Croise

LUKAS 1:28

Tai kun melikat ina pisiu ia, kun dau ue: “Tadan ne tekaʹ koʹ, moʹ Tuhan un ngan ncoʹ, ngan bioʹ ban peniga ha mikoʹ.”

PEMUYAN 10:2

Ia ca laki iaʹ temek dalem Katuk Adet Musa, iaʹ tunuk neng Allah, peging ngan mung nte panak dalem amin nte. Lemuto ho lesau lepoʹ Yahudi diaʹ taru murip, ngan lemuto ho lemameʹ palaʹ Allah.

PEMUYAN 10:28

Un dau Peterus neng ida: “Un te ikem tisen Adet Yahudi, abeʹ senteng diaʹ lepoʹ Yahudi tai pekelet ngan dulu diaʹ ca, pekina pe tai menoʹ ida. Lepa ne Tuhan Allah badaʹ makeʹ, ayen lemileʹ kelunan, ngan ayen naʹ dulu jaʹat.

PEMUYAN 15:9

Abeʹ Allah nekajaʹ ilu ngan nte. Lepa ne ia muheʹ kimet de moʹ kuʹun pengelan nte.

PEMUYAN 9:31

Ina ukoʹ o un tadan neng Mpun diaʹ ngelan Tuhan pa tipo tanaʹ Yudia, ngan Galilia, ngan Samaria. Un Mpun diaʹ ngelan Tuhan kina tai tangen kuʹun katuk ngan tai un pit kadoʹ de, mentung mudip ngan tunuk seʹ puyan nte palaʹ Tuhan, uban kuʹun Berua Tuhan iaʹ mepo ida.

RUM 2:13

Moʹ abeʹ kelunan ke nuyan teneng ngan Allah buk de bang ke ngeringa dau Katuk Adet Musa tuaʹ le. Bang ida diaʹ kanan dau Katuk Adet Musa ne, ida le iaʹ ke nuyan teneng.

RUM 2:14

Kelunan diaʹ tahaʹ awang Yahudi diaʹ abeʹ un Katuk Adet Musa ina, buk un kimet de tengen ubaʹ ke uyan koʹ baʹan Katuk Adet Musa ne, baloʹ ban nte dina un katuk adet cen uban penawai re tengen, naʹ pe ida abeʹ un Katuk Adet Musa.

RUM 3:22

Allah ke peteneng ilu kelunan tai teneng ban kuʹun pengelan le neng Yesus Keristus. Pekina pemuyan Allah neng mung diaʹ ngelan Keristus. Abeʹ Allah selepeʹ neng kelunan,

1 KURINTUS 12:13

Kuaʹ baʹan puyan usa lete ilu mung. Ikem lepoʹ Yahudi, pekina pe ikem diaʹ tahaʹ awang lepoʹ Yahudi, pekina pe kelunan ulaʹ, ngan diaʹ muga tekaʹ mudip, ilu mung ban sihoʹ ngebatis kuʹun Berua Tuhan, ketai nuyan ca usa tuaʹ le. Ngan Berua Tuhan loʹ lete iaʹ nuyan milu seleket telang sio iaʹ ilu senteng nisep.

2 KURINTUS 7:1

Ahaʹ cenganak cenganak diaʹ akeʹ malaʹ, mung dau tuket Tuhan ini iaʹ nuyan utung ilu. Tuman ina tekep le ngebuheʹ cen singket naʹan puyan iaʹ ke ngejameng usa le, ngan puyan iaʹ ke ngejameng berua le. Tiga ne ilu daʹam neng pengebuheʹ seʹ udip le kuʹun puyan le mudip neng iaʹ selumuk seʹ palaʹ Tuhan Allah.

GALATIA 3:28

Tuman ina, abeʹ un tekajaʹ lepoʹ Yahudi ngan lepoʹ dulu diaʹ ca, pekina pe diaʹ ulaʹ ngan diaʹ abeʹ un ulaʹ, pekina pe laki ngan leto. Moʹ mung ngkem lepa pekuaʹ dalem pebeka penawai hem ngan Keristus Yesus.

IPESUS 1:6

Tiga le pempau Allah moʹ bioʹ serema pengelesau ue, ngan lebang pengencai ie milu, kuʹun puyan le pebeka tawai dalem Anak iaʹ pengemalaʹ a.

IPESUS 5:21

Pekina pe tiga hem tunuk neng ikem selepeʹ dalem ngkem takut neng Keristus.

PILIPI 3:3

Ilu dini ne diaʹ atek lepa sihoʹ adet sunat lan, moʹ le tunuk neng Allah kuʹun Berua ha, ngan bangen tekaʹ le pebeka tawai le dalem Keristus Yesus, ngan abeʹ le nebelum neng adet adet le kelunan.

KULUSE 1:6

Denga Injil, iaʹ tai libut pa tipo usun tanaʹ ini, ngkin ca peniga palaʹ kelunan, koʹ baʹan puyan ne nai libut neng ahang ikem cen tau tading ngkem kenahan puyan pengelesau Allah iaʹ ia lebang naʹ ina, ngan mentung ngkem tisen lan neng peniga ina.

KULUSE 3:11

Tuman ina, abeʹ un aheʹ iaʹ ilu ke kuma lepoʹ dulu diaʹ ca ngan lepoʹ Yahudi; laʹa diaʹ un sunat ngan diaʹ abeʹ un sunat; diaʹ penan ngan diaʹ aloʹ; diaʹ panyen ngan diaʹ paren. Di lareʹ Keristus ne iaʹ toʹ o mung, ngan Keristus ne iaʹ un dalem ida mung.

1 YAYA 2:29

Tisen te ikem uban Keristus iaʹ atek teneng. Ina ukoʹ tekep lete ikem ke ngetisen ne, ban mung diaʹ nemek uyan teneng, ida diaʹ anak Allah.