PEMUYAN 10:34 - Kenyah New Testament

³⁴ Pekini dau Peterus nading tiraʹ a: “Iaʹ lan ne, naʹkini akeʹ tisen abeʹ Allah selepeʹ neng kelunan.

PEMUYAN 10:34 Iomraidhean Croise

MATIUS 22:16

Kun nte cuk palai diaʹ bayaʹ katuk de tengen, peging ngan kelunan tudi pulitik Herudian, tai palaʹ Yesus. Un dau re: “Ahaʹ guru, ameʹ tisen ikoʹ ca kelunan iaʹ telit kimet. Ngan ikoʹ pelaʹa iaʹ mejo katuk iaʹ telit neng puyan pengubaʹ Allah me kelunan, mentung koʹ abeʹ un pesingo dau dulu. Ngan abeʹ koʹ selepeʹ neng ngadan kelunan.

MATIUS 5:2

Sulo ho nading pekatuk ida:

LUKAS 20:21

Un dau diaʹ tai nesek dina kuma me Yesus: “Ahaʹ Guru, ameʹ tisen ban dau tiraʹ koʹ ngan dau katuk koʹ atek teneng. Ameʹ tisen abeʹ koʹ nyelepeʹ kelunan, bang ikoʹ iaʹ menco katuk iaʹ telit iaʹ sihoʹ neng pengubaʹ Allah me kelunan.

PEMUYAN 10:33

Dalau ina heʹ cuk dulu nai mengin ikoʹ. Tiga ha puʹo moʹ koʹ ban nai. Ina ukoʹ meʹ mung un pempun naʹkini ngejuma Tuhan Allah, moʹ meʹ ke ngeringa mung tiraʹ iaʹ Tuhan lepa cuk ikoʹ nai badaʹ mameʹ.”

PEMUYAN 15:9

Abeʹ Allah nekajaʹ ilu ngan nte. Lepa ne ia muheʹ kimet de moʹ kuʹun pengelan nte.

PEMUYAN 8:35

Sulo Pilipus badaʹ mia cen tading jo isiu dalem Kitap ina are, kun ne badaʹ Denga Injil neng puyan Yesus.

RUM 2:11

Moʹ abeʹ Allah selepeʹ neng kelunan.

RUM 3:29

Un Allah ina ban anun lepoʹ Yahudi tuaʹ le mo? Naʹun. Allah ina anun mung lepoʹ, peging ngan diaʹ tahaʹ awang Yahudi.

GALATIA 2:6

Un sepuʹo kelunan diaʹ dulu tisen, koʹ baʹan diaʹ lataʹ dina, abeʹ keʹ nyingo ngadan nte, moʹ abeʹ Allah selepeʹ neng kelunan bayaʹ seʹ ngadan usa re. Moʹ kelunan dina are, ca katuk iaʹ mading pe, abeʹ de un badaʹ makeʹ.

IPESUS 6:9

Mung ngkem diaʹ tuʹa gayeng, pekina te ikem uyan puʹo neng ulaʹ kem. Ayen ncem caʹ ngeretaʹ laʹa. Petawai, un iaʹ Tuʹa ulaʹ dina, ia lete Tuʹa hem kaʹ surga. Abeʹ e selepeʹ neng kelunan.

KULUSE 3:11

Tuman ina, abeʹ un aheʹ iaʹ ilu ke kuma lepoʹ dulu diaʹ ca ngan lepoʹ Yahudi; laʹa diaʹ un sunat ngan diaʹ abeʹ un sunat; diaʹ penan ngan diaʹ aloʹ; diaʹ panyen ngan diaʹ paren. Di lareʹ Keristus ne iaʹ toʹ o mung, ngan Keristus ne iaʹ un dalem ida mung.

KULUSE 3:25

Ngan kelunan iaʹ uyan jaʹat, mele aheʹ aheʹ pe, palaʹ ia lete Tuhan ke nyuaʹ puyan jaʹat iaʹ ia lepa ban uyan. Moʹ Allah iaʹ metep tiraʹ neng singket usa le kelunan ngan abeʹ un selepeʹ.

YAKUP 2:1

Ahaʹ cenganak cenganak keʹ, koʹ baʹan ikem diaʹ ngelan Tuhan le Yesus Keristus, Tuhan iaʹ serema peniga, ayen ncem peletoʹ selepeʹ seʹ puyan neng kelunan bayaʹ seʹ puyan nte cen awang tuaʹ.

YAKUP 2:4

Buk pekina dau hem, tai dengkep ne penyalaʹ kem iaʹ uyan selepeʹ neng ahang ikem, ngan puyan iaʹ pebetep dau iaʹ pebesun neng kimet iaʹ jaʹat.

YAKUP 2:9

Un sepuʹo buk kem selepeʹ seʹ puyan neng kelunan, bayaʹ seʹ puyan cen awang tuaʹ le, dengkep seʹ ban penyalaʹ kem, ngan Adet Tuhan Allah iaʹ ke nyalet penyalaʹ neng ikem, koʹ baʹan kelunan diaʹ ngesa adet.

1 PETERUS 1:17

Dalau hem lemameʹ neng Allah, ikem ngamai ie, ngan ia iaʹ pebetep ukum iaʹ abeʹ un selepeʹ neng mung kelunan, telit bayaʹ ban puyan singket usa le. Buk pekina, tiga hem takut neng ia ngajan ncem mudip kusun tanaʹ ini.