PEMUYAN 10:33 - Kenyah New Testament

³³ Dalau ina heʹ cuk dulu nai mengin ikoʹ. Tiga ha puʹo moʹ koʹ ban nai. Ina ukoʹ meʹ mung un pempun naʹkini ngejuma Tuhan Allah, moʹ meʹ ke ngeringa mung tiraʹ iaʹ Tuhan lepa cuk ikoʹ nai badaʹ mameʹ.”

PEMUYAN 10:33 Iomraidhean Croise

MATIUS 18:4

Aheʹ kelunan iaʹ ke ngelibaʹ tawai ie koʹ baʹan puyan anak ini are, ia lete iaʹ ke nuyan iaʹ pengebioʹ dalem puyan pengaren Allah ina.

MATIUS 19:30

Un sepuʹo kadoʹ kelunan naʹkini diaʹ tahaʹ tena ke tai tahaʹ bayaʹ, ngan pekina pe kadoʹ kelunan naʹkini diaʹ tahaʹ bayaʹ ke tai tahaʹ tena.”

MARKUS 10:15

Nawai tiga le neng ini aheʹ diaʹ abeʹ un ubaʹ ke alaʹ puyan pengaren Allah ke ngaren ida koʹ baʹan seʹ puyan anak dumit dini are, nyahut de senteng ketai kaʹ dalem pengaren ina ne.”

PEMUYAN 10:32

Ikoʹ cuk ne dulu tai pelawa kaʹ Yupe, mengin Simun iaʹ dulu naʹ Peterus. Un te ia pemung ngan Simun neng amin, iaʹ tukeng ngadeng anit, iaʹ un amin ne nyeng kaʹ sada bahi banget.’ Pekina dau melikat ina.

PEMUYAN 10:34

Pekini dau Peterus nading tiraʹ a: “Iaʹ lan ne, naʹkini akeʹ tisen abeʹ Allah selepeʹ neng kelunan.

PEMUYAN 28:28

Un dau Paulus pelaʹa: “Ina ukoʹ awaʹ pe ikem tisen dau Allah cuk ilu ketai ngkin tiraʹ a, iaʹ badaʹ puyan ne iaʹ ke pudip kelunan, ngkin ne palaʹ dulu diaʹ tahaʹ awang Yahudi. Ida ne iaʹ ke ngeringa ha nuʹo.” [

1 KURINTUS 3:18

Ayen ca kelunan ke pelingu usa ha tengen. Buk aheʹ neng ahang ikem iaʹ ke pata kimet te bayaʹ layan dulu kusun tanaʹ ini, sulo ho kuma ha ia ca kelunan iaʹ tudi, iaʹ tekep pe kelunan ina ke alaʹ kimet iaʹ apaʹ, apan ne ke tudi lan.

GALATIA 4:14

Un sepuʹo dalau ina abeʹ kem sigut akeʹ ngan nyekang akeʹ, naʹ pe sakit ceʹ ngkin ca pengeten iaʹ bioʹ palaʹ ikem. Di lareʹ kun ncem nyelama alaʹ akeʹ koʹ baʹan neng ca melikat Tuhan are. Kun ncem nyelama akeʹ koʹ baʹan seʹ kem nyelama Keristus are.

1 TESALUNIKA 2:13

Ca laʹa pukoʹ meʹ lemuto pempau Allah, moʹ dalau meʹ nai badaʹ katuk Allah palaʹ ikem are, ikem ngeringa ha, sulo alaʹ a. Abeʹ kem alaʹ a kuaʹ baʹan katuk kelunan are, di lareʹ katuk Allah idi lan lete ina. Moʹ lan lete Allah iaʹ pegayeng dalem ikem diaʹ ngelan katuk ina.

YAKUP 1:19

Cenganak cenganak diaʹ akeʹ malaʹ, nawai ne ini. Tekep ilu mung sangkit ke ngeringa dau. Un sepuʹo tekep le ayen busak ke pisiu, ngan ayen laho miʹa.

YAKUP 1:21

Tuman ina, ngerada ne usa hem cen singket naʹan puyan iaʹ jameng, ngan singket naʹan puyan adet jaʹat iaʹ petem nyalit neng ikem. Tunuk ne palaʹ Allah, ngan alaʹ tiraʹ iaʹ ia ke mula dalem penawai hem. Tiraʹ ina iaʹ senteng ke pudip ikem.