PEMUYAN 10:3 - Kenyah New Testament

³ Un ca tau ue, kihoʹ kihoʹ jam telu tai tahup, kun ne taʹan dalem penaʹat te ca usa melikat Allah nai palaʹ ia, mentung dau ue neng ia: “Kurnilius.”

PEMUYAN 10:3 Iomraidhean Croise

MATIUS 27:46

Dalau jam telu tai tahup tau ina, sulo Yesus ngelengap ngan dioʹ dau ue kuma ha: “Eli, Eli, lama sabak-tani?” sen isiu ina: “Tuhan Allah heʹ, Tuhan Allah heʹ, moʹ inu hoʹ peterai akeʹ?”

LUKAS 1:11

Belekaʹ kenai ca usa melikat Tuhan kata Sakaria, nekejeng tahaʹ taʹu neng padung pengencai, iaʹ ukoʹ o nutung kemanyan ina.

LUKAS 2:13

Dalau ina beliʹau kadoʹ le kenai melikat Tuhan cen surga nai pit melikat iaʹ ading nai idai, mentung nte ngentau pempau Allah:

PEMUYAN 10:17

Jinan Peterus miat kaʹ ngimet sen inu diaʹ ia taʹan dina are, belekaʹ kenai dulu diaʹ Kurnilius cuk nai didai. Ban lepa ne ida lemutu kempi amin Simun. Kenai re nekejeng kaʹ lung pamen.

PEMUYAN 10:19

Dalau Peterus caʹ miat tekaʹ pekimet inu sen penaʹat te are, un dau Berua Tuhan neng ia: “Ina kenai telu usa mita ikoʹ.

PEMUYAN 10:30

Un dau Kurnilius: “Ini ne kepat tau ue uʹo heʹ lemameʹ Tuhan kaʹ amin nceʹ ne, dalau jam telu tai tahup. Belekaʹ nai ca usa kelunan nekejeng nyeripa akeʹ, ngan to serema seʹ gelam me.

PEMUYAN 10:9

Neng kenempam me, dalau ketai re telu nyeng kaʹ lepoʹ Yupe, tai Peterus kaʹ usun data sapau amin ke lemameʹ Tuhan, kihoʹ kihoʹ dalau beluaʹ tau.

PEMUYAN 11:13

Kun ne badaʹ mameʹ kumpin ban ne taʹan ca usa melikat nekejeng kedalem amin ne, iaʹ kuma ha: ‘Cuk dulu tai pelawa kaʹ Yupe, mengin Simun Peterus.

PEMUYAN 27:23

Uban un alem tahup de, nai ca usa melikat palaʹ akeʹ cen Tuhan Allah. Allah ina iaʹ un akeʹ: palaʹ ia heʹ lemameʹ. Un dau melikat ina neng akeʹ:

PEMUYAN 3:1

Tai kun Peterus de dua Yaya lemameʹ kaʹ Umaʹ Palan Allah tegoʹ jam telu tai tahup.

PEMUYAN 5:19

Un sepuʹo tegoʹ alem ina, nai kun ca melikat Tuhan mesik pamen amin sepin ina, penco ngkin ida kawang, mentung dau ue neng ida:

PEMUYAN 9:10

Un kaʹ lepoʹ Damsik, un ca laki iaʹ bayaʹ katuk Tuhan, ngadan ne Ananias, Tegoʹ ca tau ue, kenai Tuhan luhaʹ neng penaʹat te. Kun dau Tuhan neng ia: “Ananias.” Kun Ananias mipa ia: “Akeʹ te ini Tuhan.”

PEMUYAN 9:4

Sulo ho pengkup kaʹ tanaʹ, penco ho kenahan dau ca isiu iaʹ kuma ha neng ia: “Saul, Saul, moʹ inu hoʹ nyakit akeʹ tupe?”

IBERANI 1:14

Buk pekina, kumpin puyan diaʹ melikat tupe? Mung nte nuyan berua iaʹ pegayeng me Allah. Ngan Allah iaʹ cuk ida tai mepo kelunan diaʹ ke alaʹ udip iaʹ ke pudip ida dalem Tuhan.

IBERANI 1:4

Anak ina iaʹ nuyan bioʹ neng ʹo diaʹ melikat, kuaʹ baʹan ngadan iaʹ Allah lepa naʹ mia un bioʹ neng ʹo ngadan nte.