PEMUYAN 10:23 - Kenyah New Testament

²³ Kun Peterus mengin ida telu dina nai kedalem, ngan tudo ne ida telu kina. Neng kenempam me, seʹ Peterus pedepa inu ue, tai ie pejahi serengan ida. Un pe kudaʹ usa diaʹ cenganak dalem Tuhan diaʹ cen Yupe tai pejahi ngan nte kina.

PEMUYAN 10:23 Iomraidhean Croise

PEMUYAN 1:15

Kudaʹ tau pe ʹo ina, kenai re pempun mung diaʹ ngelan Tuhan, kihoʹ kihoʹ ca ato dua puloʹ usa kadoʹ de. Dalau ina kenai Peterus nekejeng. Un dau ue:

PEMUYAN 10:29

Ina iaʹ ukoʹ keʹ abeʹ un babak nai moʹ kem ban mengin akeʹ. Dau heʹ ke lemutu ikem ini: inu iaʹ ukoʹ kem ban mengin akeʹ tupe?”

PEMUYAN 10:33

Dalau ina heʹ cuk dulu nai mengin ikoʹ. Tiga ha puʹo moʹ koʹ ban nai. Ina ukoʹ meʹ mung un pempun naʹkini ngejuma Tuhan Allah, moʹ meʹ ke ngeringa mung tiraʹ iaʹ Tuhan lepa cuk ikoʹ nai badaʹ mameʹ.”

PEMUYAN 10:45

Un lepoʹ Yahudi diaʹ ngelan Tuhan, diaʹ ban nai tugung Peterus cen Yupe are, tai paʹan ne ida, moʹ Allah mubeʹ Berua Buheʹ ina, ca pengencai ie me diaʹ tahaʹ awang Yahudi.

PEMUYAN 11:12

Un dau Berua Tuhan: ‘Ayen babak tai tugung ida, moʹ akeʹ iaʹ cuk.’ Un nem usa cenganak dalem Tuhan dini nai jahi akeʹ tai masat kaʹ lepoʹ Kaisaria. Mung meʹ tai kedalem amin laki bioʹ Kurnilius.

PEMUYAN 28:15

Moʹ diaʹ cenganak meʹ dalem Tuhan dina kenahan dau denga meʹ nai, kenai re kaʹ pasen Apius, ngan nai pe palai laʹa kaʹ lepoʹ iaʹ ngadan ne Telu re Kedai. Kun nte petegoʹ ngan meʹ kaʹ ina. Dalau Paulus taʹan ida, penco ho nyuaʹ tiga saheʹ palaʹ Allah, mentung nge ngepali tekaʹ penawai ie laʹa.

PEMUYAN 9:36

Un kaʹ lepoʹ Yupe, un ca leto iaʹ ngelan Tuhan, ngadan ne Tabita. (Un ngadan ne isiu Gerika, Durkas, iaʹ sen ne telaʹo.) Leto ina lemuto un saheʹ neng dulu, ngan naʹ tuaʹ inu ue moʹ o lesau diaʹ taru mudip.

PEMUYAN 9:38

Moʹ lepoʹ Lida ina nyeng kata lepoʹ Yupe, ina ukoʹ de diaʹ bayaʹ katuk Tuhan kaʹ Yupe kenahan dau denga Peterus un kaʹ Lida. Penco re cuk dua usa tai mengin ia, pekini dau re: “Kudaʹ pe ikoʹ nyelarai nai naʹat ameʹ ading.”

PEMUYAN 9:42

Tai denga ne puyan ina pa tipo Yupe, ina ukoʹ kadoʹ dulu nai ngelan Tuhan.

2 KURINTUS 8:21

Ameʹ nengangan ban uyan iaʹ teneng neng juma Tuhan, mentung neng juma kelunan lete.

IBERANI 13:2

Nawai ne nyelama alaʹ sakai kaʹ dalem amin ncem. Cen naʹaʹ un palai diaʹ ti pekina ngan nyelama alaʹ melikat petem nte abeʹ un tisen ida melikat.

1 PETERUS 4:9

Tiga hem selama alaʹ ikem neng amin ncem selepeʹ, ngan abeʹ un kuheng dau.