PEMUYAN 10:22 - Kenyah New Testament

²² Un dau re: “Un Kurnilius, kaptin sedadu, ia iaʹ cuk ameʹ nai. Kurnilius ne, ia ca laki iaʹ telit lan, iaʹ tunuk palaʹ Tuhan Allah, ngan mung lepoʹ Yahudi pada ia. Ban ca melikat Allah iaʹ cuk ia mengin ikoʹ tai kaʹ amin ne, moʹ o ubaʹ ke ngeringa dau tiraʹ koʹ.”

PEMUYAN 10:22 Iomraidhean Croise

MATIUS 1:19

Yusup iaʹ matep Mariam ina, ca kelunan iaʹ lemuto ti puyan iaʹ teneng. Moʹ Yusup malap Mariam ke saʹe dulu, ina tuman ne ubaʹ ke peteto ia ngan puyan iaʹ selem.

MATIUS 2:12

Lepa ina Tuhan Allah badaʹ me kelunan diaʹ mencam ngetisen sen betuʹen dina dalem kenupi re, mulen ida tai uleʹ palaʹ Herudis laʹa. Ina ukoʹ tuman nte tai uleʹ kaʹ lepoʹ de cen janan diaʹ ca.

MARKUS 6:20

Ban ne Herudis tisen Yaya ca kelunan teneng ngan buheʹ, ina ukoʹ o takut neng ia, ngan petubo ia tiga tiga. Ubaʹ te Herudis ngeringa dau Yaya lete, naʹ pe kaseng laleʹ kaʹ kimet te singket te kenahan dau isiu ue.

MARKUS 8:38

Tuman ina, buk ca kelunan iaʹ nyepati ke ngahaʹ akeʹ ngan katuk keʹ ngajan udip pe taro ngan jaʹat ini, pekina lete Anak Sio ini nyepati ke ngahaʹ ia, tegoʹ ke nai ie luhaʹ dalem serema peniga Amai ie, peging ngan melikat te diaʹ buheʹ.”

LUKAS 2:25

Dalem lepoʹ Yerusalim ne, un ca laki ngadan ne Simiun. Ca laki iaʹ teneng ngan temek bayaʹ Adet Allah, mentung nge mengaʹ kenai iaʹ Keniga Udip lepoʹ Israil. Un Berua Buheʹ neng ia.

LUKAS 23:50

Un ca laki ngadan ne Yusup, ca usa Yahudi lepoʹ Arimatia. Un Yusup ina ca laki iaʹ tiga ngan telit kimet, iaʹ mengaʹ ke kenai puyan pengaren Allah. Naʹ pe Yusup ca usa iaʹ neng Mpun diaʹ Lataʹ are, un sepuʹo abeʹ e payo ngan nte dalau re pebetep puyan nte dina.

LUKAS 9:26

Moʹ aheʹ iaʹ saʹe ke ngahaʹ akeʹ ngan katuk keʹ nyeripa dulu, pekina te Anak Sio ini saʹe ke ngahaʹ ia ʹo, tegoʹ o kenai ʹo ngan serema peniga ha tengen, ngan serema peniga Amai Bioʹ, ngan serema peniga mung melikat diaʹ buheʹ.

YAYA 13:20

Lan dau heʹ mikem, aheʹ diaʹ alaʹ lawa heʹ, atek de alaʹ akeʹ lete. Aheʹ diaʹ alaʹ akeʹ, atek de alaʹ ia iaʹ cuk akeʹ nai lete.”

YAYA 17:20

“Abeʹ keʹ un lemameʹ mida tuaʹ le. Un sepuʹo akeʹ lemameʹ pe me kelunan diaʹ ke ngelan neng akeʹ uban kuʹun tiraʹ de.

YAYA 17:8

Ngan lepa pe akeʹ naʹ katuk iaʹ ikoʹ lepa naʹ makeʹ are me ida. Ida alaʹ lete dau ue, ngan tisen pe ida akeʹ iaʹ lan uban nai cen ikoʹ, ngan ida ngelan ikoʹ iaʹ lepa ban cuk akeʹ nai.

YAYA 5:24

“Lan dau heʹ mikem, aheʹ iaʹ kenahan dau tiraʹ keʹ ngan ngelan ia iaʹ cuk akeʹ nai, kelunan ina ne iaʹ lepa alaʹ udip saheʹ kelineʹ iaʹ ngeriman, ngan abeʹ e ke sihoʹ puyan betep ukum penyalaʹ laʹa, un sepuʹo lepa ne ia lapa cen patai tai palaʹ udip.

YAYA 6:63

Berua Allah iaʹ naʹ udip me kelunan. Penyukat usa kelunan abeʹ un inu iaʹ bang nge. Un sepuʹo ketoʹ tiraʹ diaʹ akeʹ lepa pisiu mikem, ina iaʹ atek Berua ngan udip.

YAYA 6:68

Kun dau Simun Peterus mipa ia: “Ahaʹ Tuhan, palaʹ aheʹ meʹ ketai laʹa? Ikoʹ iaʹ mampin isiu iaʹ naʹ udip saheʹ kelineʹ iaʹ ngeriman.

PEMUYAN 10:2

Ia ca laki iaʹ temek dalem Katuk Adet Musa, iaʹ tunuk neng Allah, peging ngan mung nte panak dalem amin nte. Lemuto ho lesau lepoʹ Yahudi diaʹ taru murip, ngan lemuto ho lemameʹ palaʹ Allah.

PEMUYAN 10:21

Kenai Peterus kentaʹ, sulo ho pisiu ida dina. Un dau ue: “Akeʹ lete iaʹ ikem mita ini. Inu iaʹ ukeʹ kem ban nai kini ne tupe?”

PEMUYAN 10:30

Un dau Kurnilius: “Ini ne kepat tau ue uʹo heʹ lemameʹ Tuhan kaʹ amin nceʹ ne, dalau jam telu tai tahup. Belekaʹ nai ca usa kelunan nekejeng nyeripa akeʹ, ngan to serema seʹ gelam me.

PEMUYAN 10:33

Dalau ina heʹ cuk dulu nai mengin ikoʹ. Tiga ha puʹo moʹ koʹ ban nai. Ina ukoʹ meʹ mung un pempun naʹkini ngejuma Tuhan Allah, moʹ meʹ ke ngeringa mung tiraʹ iaʹ Tuhan lepa cuk ikoʹ nai badaʹ mameʹ.”

PEMUYAN 10:6

Un te ia pemung ngan amin Simun, iaʹ tukeng ngadeng anit, iaʹ un amin ne nyeng kaʹ sada bahi banget.”

PEMUYAN 11:14

Ia ke badaʹ tiraʹ mikem iaʹ ke pudip ikem dalem Tuhan ʹo, peging ngan mung diaʹ neng pengamin ncem.’ Pekina dau melikat me Kurnilius ne.”

PEMUYAN 22:12

“Un ca laki ngadan ne Ananias, iaʹ sanget lemameʹ palaʹ Allah, ngan tudep bayaʹ Katuk Adet le. Mung lepoʹ Yahudi diaʹ mudip kaʹ lepoʹ Damsik pada Ananias ne.

PEMUYAN 24:15

Akeʹ nebelum neng Allah koʹ baʹan ida are lete nebelum neng ia, idi ie mung kelunan diaʹ teneng puyan, pekina pe diaʹ jaʹat puyan, mung nte ke nai numpak mudip cen patai re.

PEMUYAN 6:3

Moʹ ina cenganak cenganak, tiga hem lemileʹ neng ahang ikem, tujoʹ usa diaʹ ban ilu nugen luhaʹ diseʹ un sangan kuʹun Berua Buheʹ, ngan diaʹ tudi diseʹ penisen pe, iaʹ ilu nebelum ke ngkang gayeng ini.

RUM 1:17

Moʹ kedalem tiraʹ Injil ina, luhaʹ diseʹ ban Allah ke peteneng ilu kelunan ngan ne kuʹun pengelan le tuaʹ le. Cen penading nge, pa ketai kuʹo ho, ban pengelan le tuaʹ le iaʹ uyan ilu tai teneng. Koʹ baʹan dau iaʹ ban un dalem Kitap: “Kelunan diaʹ ban tai teneng ngan Allah ban kuʹun pengelan nte neng ia, ida iaʹ ke un udip.”

2 KURINTUS 5:18

Allah iaʹ uyan mung pemuyan ina are. Kanan Keristus ne, Allah uyan udip milu, ina ukoʹ pesau puyan bunoʹ are. Kun ne uyan ilu diaʹ panak ke. Sulo ho naʹ ca tulat gayeng mameʹ, iaʹ ina gayeng uyan kelunan tai pepanak ngan ne lete.

1 TIMUTIUS 3:7

Ngan tekep iaʹ tuʹa ina un ngadan tiga neng ahang dulu lepoʹ diaʹ tahaʹ awang Mpun diaʹ ngelan Tuhan, idi dulu abeʹ un pejaʹat ia, ngan ia abeʹ un tai sihoʹ kelabak Bali Jaʹat.

IBERANI 10:38

Kelunan nceʹ diaʹ teneng ke ngelan ngan mudip, un sepuʹo buk un aheʹ ia ngedut, abeʹ keʹ saheʹ kimet neng ia.”

IBERANI 11:2

Diaʹ lataʹ cen naʹaʹ iaʹ sihoʹ pengubaʹ Allah kuʹun pengelan nte.

IBERANI 12:23

Ikem lepa nai ngan bangen palaʹ mpun diaʹ anak Allah diaʹ bioʹ udip. Ngadan nte senurat dalem surga. Ikem lepa nai palaʹ Allah iaʹ pebetep tiraʹ neng kelunan mung. Ikem lepa nai palaʹ kudaʹ kudaʹ berua kelunan diaʹ teneng, diaʹ lepa nuyan daʹam.

2 PETERUS 3:2

apan ncem ngetawai dau tiraʹ pegawa diaʹ buheʹ cen naʹaʹ, pekina pe neng katuk ukum Tuhan iaʹ Keniga Udip le, iaʹ nai palaʹ ikem kuʹun diaʹ lawa Injil hem.

3 YAYA 1:12

Dulu mung badaʹ tugen iaʹ tiga neng Dimitrius. Katuk iaʹ telit un luhaʹ neng usa ha mentung badaʹ tugen iaʹ tiga neng ia. Pit laʹa ameʹ badaʹ tugen iaʹ tiga mia, ngan ikoʹ pe tisen ban tugen meʹ ne lan.

PUYAN LUHA’ 14:10

atek de ke nisep telang jakan cen Allah, iaʹ ina kenca Allah iaʹ ia lepa ban petenup ina. Abeʹ un kelet te dalem sawan ukum kenca ha. Mung kelunan dina ke tuyen dalem luten ngan tasap belirang nyeripa mung melikat diaʹ buheʹ, ngan nyeripa Anak Dumba ina.