PEMUYAN 10:2 - Kenyah New Testament

² Ia ca laki iaʹ temek dalem Katuk Adet Musa, iaʹ tunuk neng Allah, peging ngan mung nte panak dalem amin nte. Lemuto ho lesau lepoʹ Yahudi diaʹ taru murip, ngan lemuto ho lemameʹ palaʹ Allah.

PEMUYAN 10:2 Iomraidhean Croise

MATIUS 25:17

Pekina pe ulaʹ iaʹ alaʹ dua ibu ligit idai alaʹ pit anun ne dua ibu ligit laʹa.

LUKAS 18:1

Kun Yesus ti ca kata katuk mida kina, apan nte lemameʹ lemuto, nga ayen tai puʹek tawai.

LUKAS 2:25

Dalem lepoʹ Yerusalim ne, un ca laki ngadan ne Simiun. Ca laki iaʹ teneng ngan temek bayaʹ Adet Allah, mentung nge mengaʹ kenai iaʹ Keniga Udip lepoʹ Israil. Un Berua Buheʹ neng ia.

PEMUYAN 10:22

Un dau re: “Un Kurnilius, kaptin sedadu, ia iaʹ cuk ameʹ nai. Kurnilius ne, ia ca laki iaʹ telit lan, iaʹ tunuk palaʹ Tuhan Allah, ngan mung lepoʹ Yahudi pada ia. Ban ca melikat Allah iaʹ cuk ia mengin ikoʹ tai kaʹ amin ne, moʹ o ubaʹ ke ngeringa dau tiraʹ koʹ.”

PEMUYAN 10:31

Un dau ue neng akeʹ: ‘Kurnilius, lepa ne Tuhan Allah kenahan dau temameʹ koʹ, ngan ia petawai ban pengencai hoʹ me diaʹ taru mudip.

PEMUYAN 10:35

Abeʹ pe Allah nyelepeʹ lemileʹ diseʹ neng mung lepoʹ, moʹ ketoʹ dulu diaʹ takut neng Allah, mentung mejo gayeng iaʹ teneng, ubaʹ Allah un kelunan dina.

PEMUYAN 10:4

Kun ne nekeneng naʹat melikat ina, mentung takut tekaʹ a. Un dau Kurnilius: “Inu ne tupe?” Un dau melikat ina neng ia: “Mung temameʹ koʹ, lepa ne Allah kenahan dau ue. Ngan pekina pe pengencai hoʹ neng diaʹ taru mudip, Allah iaʹ petawai ikoʹ kidi ʹo.

PEMUYAN 10:7

Lepa melikat ina pisiu, nyahin tai ie abeʹ un ne. Penco Kurnilius mengin dua usa diaʹ ulaʹ amin ne, ngan pit ida dua laʹa, ca sedadu iaʹ temek ngkang Katuk Adet Musa, iaʹ lemuto pubo ia dalem amin ne.

PEMUYAN 11:14

Ia ke badaʹ tiraʹ mikem iaʹ ke pudip ikem dalem Tuhan ʹo, peging ngan mung diaʹ neng pengamin ncem.’ Pekina dau melikat me Kurnilius ne.”

PEMUYAN 13:16

Kenai Paulus beteʹ, mentung nge pekata man ujoʹ o, un dau ue: “Ahaʹ mung ngkem cenganak keʹ lepoʹ Israil, ngan mung ngkem diaʹ tunuk neng Allah, ngeringa ne.

PEMUYAN 13:26

Sulo dau Paulus laʹa: “Ahaʹ amai, ngan cenganak, tepat diaʹ kini mung, ikem diaʹ su mela Ibrahim, ngan mung ngkem diaʹ ca diaʹ tunuk palaʹ Allah, ban palaʹ tepat mung kenai denga katuk neng puyan iaʹ ke pudip kelunan dalem Tuhan ne.

PEMUYAN 13:50

Un palai lepoʹ Yahudi pekana neng diaʹ lataʹ lepoʹ ina, peging ngan leto diaʹ paren lepoʹ ina diaʹ sebayang palaʹ Allah dina. Pekina seʹ tading nte ubaʹ ke nyakit Paulus ngan Barnabas, penco re muyung ida dua tai kelap cen lepoʹ de.

PEMUYAN 18:8

Un Kerispus de panak, nai re ngelan Tuhan. Kerispus iaʹ tuʹa bioʹ mpun sebayang Yahudi dina. Ngan kadoʹ kenai diaʹ lepoʹ Kurintus ngeringa dau katuk Paulus, sulo nai re ngelan Tuhan ngan tai sihoʹ ngebatis.

PEMUYAN 2:5

Un pelaʹa kudaʹ usa lepoʹ Yahudi diaʹ nai nyakai kaʹ Yerualim, diaʹ caʹ ban kanan adet de, diaʹ nai cen mung naʹan lepoʹ kusun tanaʹ ne.

PEMUYAN 22:12

“Un ca laki ngadan ne Ananias, iaʹ sanget lemameʹ palaʹ Allah, ngan tudep bayaʹ Katuk Adet le. Mung lepoʹ Yahudi diaʹ mudip kaʹ lepoʹ Damsik pada Ananias ne.

PEMUYAN 8:2

Un pe palai diaʹ temek lemameʹ, ida iaʹ tai masek patai Stipanus, mentung bioʹ dau tange re.

PEMUYAN 9:11

Un dau Tuhan neng ia: “Petenup ne ikoʹ. Tai hoʹ masat kaʹ janan iaʹ ngadan ne Janan Telit. Ikoʹ ke taʹan ca laki ngadan ne Saul lepoʹ Tarsus kaʹ amin Yudas de. Un te Saul lemameʹ kina te.

PEMUYAN 9:31

Ina ukoʹ o un tadan neng Mpun diaʹ ngelan Tuhan pa tipo tanaʹ Yudia, ngan Galilia, ngan Samaria. Un Mpun diaʹ ngelan Tuhan kina tai tangen kuʹun katuk ngan tai un pit kadoʹ de, mentung mudip ngan tunuk seʹ puyan nte palaʹ Tuhan, uban kuʹun Berua Tuhan iaʹ mepo ida.

PEMUYAN 9:36

Un kaʹ lepoʹ Yupe, un ca leto iaʹ ngelan Tuhan, ngadan ne Tabita. (Un ngadan ne isiu Gerika, Durkas, iaʹ sen ne telaʹo.) Leto ina lemuto un saheʹ neng dulu, ngan naʹ tuaʹ inu ue moʹ o lesau diaʹ taru mudip.

KULUSE 4:2

Tiga hem lemameʹ lemuto-uto, ngan tudep le tegoʹ kem lemameʹ, mentung ngkem nyuaʹ tiga saheʹ palaʹ Allah.

1 TESALUNIKA 5:17

Ayen ncem beto lemameʹ.

YAKUP 1:5

Un sepuʹo buk un ca mikem iaʹ tepet neng penudi kimet te, tekep ia lemameʹ palaʹ Allah iaʹ ke naʹ penudi kimet ina mia. Moʹ Allah iaʹ naʹ milu mung ngan iaʹ lebang ngan lesau kimet.

PUYAN LUHA’ 15:4

Ahaʹ Tuhan, aheʹ diaʹ abeʹ un nyelumuk ikoʹ? Aheʹ diaʹ leko ke badaʹ pengebioʹ puyan ncoʹ tupe? Uban ikoʹ tengen iaʹ buheʹ. Mung lepoʹ kelunan kenai lemameʹ palaʹ ikoʹ, uban pemuyan ncoʹ iaʹ teneng lepa luhaʹ kata kelunan mung.”