PEMUYAN 10:11 - Kenyah New Testament

¹¹ Dalau ina ha taʹan langit tai pesik, penco kenai ca inu kaʹ ntaʹ, koʹ baʹan ca kelihuk keluma iaʹ bioʹ are, nai muno pabeʹ kaʹ tanaʹ, pat de tikung kukoʹ telu ue.

PEMUYAN 10:11 Iomraidhean Croise

MATIUS 8:11

Petawai le ini, kadoʹ dulu kenai cen sek tau ngan cen tau maya, ngan ke kahum neng puyan pengaren Allah ke ngaren ilu kelunan, pemung madung ngan Ibrahim, Isak, ngan Yakup ʹo.

LUKAS 3:21

Uʹo Yaya ngebatis mung dulu dina, kun ne ngebatis Yesus puʹo. Dalau ina mentung Yesus lemameʹ, pesik ne langit.

YAYA 1:51

Sulo dau ue pisiu mida: “Atek lan dau heʹ badaʹ mikem, ikem ke taʹan langit pesik, ngan melikat Allah tai kempau nai kentaʹ neng Anan Sio ini.”

YAYA 11:52

Abeʹ e tuman ida tengen le, un sepuʹo tuman mung anak Allah diaʹ purat kusun tanaʹ ini, apan ne ke ngkin ida pempun seleket ca le usa.

YAYA 12:32

Tegoʹ keʹ ke tai pejung kusun tanaʹ ini, atek keʹ ke menat kelunan mung nai palaʹ akeʹ.”

PEMUYAN 10:12

Kedalem kelihuk ina un mung naʹan pun ne, un pe diaʹ nganap, ngan un pe sui, (diaʹ lepoʹ Yahudi lemalan uman).

PEMUYAN 11:5

“Dalau heʹ kelemameʹ kaʹ lepoʹ Yupe, tai pekaliu taʹat ceʹ. Penco heʹ taʹan ca inu dalem penaʹat ceʹ, iaʹ koʹ baʹan kelihuk keluma iaʹ bioʹ are, nai muno cen langit kata akeʹ, pat de tikung kukoʹ telu ue.

PEMUYAN 7:56

“Naʹat,” kun dau Stipanus. “Ini heʹ taʹan langit pesik, ngan Anak Sio nekejeng tahaʹ taʹu Allah.”

RUM 1:16

Abeʹ keʹ babak tekaʹ neng Denga Injil ini, uban ina atek penyukat Allah iaʹ ke pudip mung kelunan diaʹ ke ngelan ne. Iaʹ ading kidi lepoʹ Yahudi, un pe lepoʹ diaʹ ca puʹo ngebayaʹ.

RUM 9:4

Lepoʹ Yahudi, ida diaʹ Allah ban lemileʹ ngan mamung. Mida pe Allah naʹ serema peniga ha ne. Kun Allah nyalet tuket te neng ida. Kun ne naʹ Katuk Adet te mida puʹo. Ida pe diaʹ un puyan temameʹ iaʹ lan. Pekina pe ida iaʹ alaʹ dau tuket cen Tuhan Allah ne.

GALATIA 2:15

Ameʹ ne iaʹ pempet kaʹ lepoʹ Yahudi. Abeʹ meʹ koʹ baʹan kelunan penyalaʹ diaʹ tahaʹ awang lepoʹ Yahudi dina are.

GALATIA 3:28

Tuman ina, abeʹ un tekajaʹ lepoʹ Yahudi ngan lepoʹ dulu diaʹ ca, pekina pe diaʹ ulaʹ ngan diaʹ abeʹ un ulaʹ, pekina pe laki ngan leto. Moʹ mung ngkem lepa pekuaʹ dalem pebeka penawai hem ngan Keristus Yesus.

IPESUS 1:10

Un kaʹ sedep Allah, ia ke pebulung mung inu tenuyan ne, inu pia kaʹ langit ngan kusun tanaʹ ne. Ngan Keristus iaʹ ia ke naʹ ngkang pungu ue mung. Atek ke ketai nuyan lete pekina tegoʹ ke tai sihoʹ tuket te ʹo.

IPESUS 3:6

Pekini sen sedep pe: bayaʹ dau Denga Injil ini, lepoʹ diaʹ ca pemung ngan lepoʹ Yahudi, kuaʹ le pemung nganun peniga Allah. Pemung le nganun ca le usa. Ngan pemung le nganun mung iaʹ Allah petuket kedalem Keristus Yesus.

KULUSE 3:11

Tuman ina, abeʹ un aheʹ iaʹ ilu ke kuma lepoʹ dulu diaʹ ca ngan lepoʹ Yahudi; laʹa diaʹ un sunat ngan diaʹ abeʹ un sunat; diaʹ penan ngan diaʹ aloʹ; diaʹ panyen ngan diaʹ paren. Di lareʹ Keristus ne iaʹ toʹ o mung, ngan Keristus ne iaʹ un dalem ida mung.

PUYAN LUHA’ 11:19

Kenai umaʹ palan Allah iaʹ kaʹ surga ina pesik, penco heʹ taʹan buhan tugen petuket luhaʹ dalem umaʹ palan ina. Belekaʹ kenai bekilet, ngan dau tuyau langit, ngan dau gerem, ngan tekaʹ liung tanaʹ, ngan ujan batu iaʹ kasa.

PUYAN LUHA’ 19:11

Uʹo ina heʹ taʹan surga pesik, idi kenai ca kuda puteʹ. Un laki iaʹ ngedung kidi un ngadan ne Semamet ngan Teneng, moʹ o ngkang puyan iaʹ telit man ne ke pepatai ngan ke pebetep ukum tiraʹ.

PUYAN LUHA’ 4:1

Uʹo ina akeʹ Yaya taʹan neng penaʹat ceʹ, ca pamen pesik kaʹ surga. Un dau tuyau tekepip bioʹ le, kuaʹ baʹan dau iaʹ akeʹ lepa kenahan ading nte. Un dau ue: “Nai ne kempau. Akeʹ ke peluhaʹ mikoʹ puyan iaʹ ketai nuyan uʹo ini.”