PEMUYAN 1:8 - Kenyah New Testament

⁸ Un sepuʹo ke sangan ncem kuʹun penyukat te tegoʹ Berua Buheʹ kenai mesun neng ikem, ngan ikem iaʹ ke tai nuyan kelunan diaʹ ke badaʹ tugen neng akeʹ kaʹ Yerusalim, pekina pe pa tipo tanaʹ Yudia, ngan kaʹ tanaʹ Samaria, pabeʹ libut usun tanaʹ ne.”

PEMUYAN 1:8 Iomraidhean Croise

MATIUS 24:14

Ngan Denga Injil neng puyan pengaren Allah ke ngaren ilu kelunan, atek ke tai denga pa tipo usun tanaʹ ini, apan mung kelunan ke tisen tugen neng idi. Uʹo ina le kenai pengelepa ha.”

MATIUS 28:19

Tuman ina, tai ne ikem palaʹ mung puhoʹ kelunan, mele kempi kempi kusun tanaʹ ini, ngan uyan ida kelunan diaʹ bayaʹ katuk keʹ. Ngan ngebatis ida man ngadan Amai Bioʹ, ngan Anak, ngan Berua Buheʹ.

MARKUS 16:15

Un dau Yesus neng ida: “Tai ne ikem penco badaʹ denga Injil me ketoʹ kelunan pa tipo usun tanaʹ ini.

LUKAS 1:35

Un dau melikat mipa ia: “Berua Buheʹ iaʹ kenai mesun neng ikoʹ, ngan penyukat Allah ke nyaʹung ngelidung ikoʹ ʹo. Ina ukoʹ anak iaʹ buheʹ ina, dulu ke naʹ Anak Allah ha ʹo.

LUKAS 10:19

Petawai le ikem neng dau ini: Lepa ne akeʹ naʹ penyukat mikem, idi hem senteng cuk ncung ulai ngan lipa busung, ngan penyukat neng usun ketoʹ pengali Bali Bioʹ iaʹ bunoʹ le, ngan abeʹ un ca inu iaʹ senteng ke ngejaʹat ikem ʹo.

LUKAS 24:29

Kun nte dua mapo ia, kuma: “Ngelineʹ ne ngan meʹ baʹan le, moʹ tau lenca ketai mentem ne ini.” Kun ne ngelineʹ neng amin ina pemung ngan nte dua.

YAYA 15:27

ngan ikem lete ke badaʹ puyan nceʹ, uban ikem iaʹ lepa un ngan nceʹ cen kena re.

PEMUYAN 1:22

cen tading ban Yaya ngebatis Yesus, pabeʹ tau tai Yesus pejung kaʹ surga mecin ameʹ.”

PEMUYAN 1:5

Yaya lepa ngebatis kelunan man sungai, un sepuʹo ikem dini iaʹ Allah ke ngebatis man Berua Buheʹ, abeʹ e ke kudaʹ tau majan ne laʹa.”

PEMUYAN 13:31

Kenai ie luhaʹ dalem kudaʹ tau majan ne, kata ida diaʹ serengan ban masat ngan ne cen Galilia tai kaʹ Yerusalim are. Naʹkini ida dina diaʹ ban badaʹ tugen neng Yesus kaʹ lepoʹ Israil.

PEMUYAN 2:32

Atek Yesus ina lete iaʹ ban Allah lepa pudip neng ca udip iaʹ tumpak laʹa. Neng puyan ne, mung meʹ dini diaʹ badaʹ tugen kidi.

PEMUYAN 22:15

Moʹ ikoʹ iaʹ ke badaʹ tugen neng Allah. Ikoʹ lete ke badaʹ mung puyan iaʹ ikoʹ ban taʹan ngan kenahan me dulu mung ʹo.

PEMUYAN 3:15

Pekina puyan ncem lematai Yesus iaʹ atek puʹun udip. Un sepuʹo ban Allah iaʹ pudip ia cen patai. Neng puyan ne ina, ameʹ dini ne diaʹ badaʹ tugen kidi.

PEMUYAN 4:33

Man pemuyan penyukat iaʹ bioʹ, lawa Injil dina badaʹ ban Tuhan Yesus numpak mudip cen patai ie. Allah pe mubeʹ sio neng ida mung.

PEMUYAN 5:32

Ameʹ dini diaʹ badaʹ tugen neng mung puyan ina, pekina pe Berua Buheʹ iaʹ Allah kenaʹ me mung kelunan iaʹ tudep bayaʹ dau ue.”

PEMUYAN 6:8

Un Stipanus, laki iaʹ sangan kuʹun peniga Allah ngan penyukat. Ia uyan puyan nyingan iaʹ bioʹ ngan tedanaʹ bulen neng ahang lepoʹ ina.

PEMUYAN 8:1

Saul ca iaʹ mayo neng puyang lematai Stipanus ne. Tegoʹ tau ina, ina ne tading kenai taru iaʹ bioʹ neng Mpun diaʹ ngelan Tuhan kaʹ Yerusalim. Mung diaʹ ngelan Tuhan petat purat de pa tipo tanaʹ Yudia, ngan kaʹ Samaria. Bang diaʹ lawa Injil tuaʹ le diaʹ ngelineʹ.

RUM 10:18

Un dau heʹ ʹo: Lan te taʹin lepoʹ Israil abeʹ un kenahan dau katuk Keristus ina lepe? Kenahan lete ida, koʹ baʹan dau Kitap: “Dau isiu re lepa ne ketai pasi pa tipo usun tanaʹ. Ngan tiraʹ de lepa tai pa abeʹ sada tanaʹ.”

RUM 15:19

Moʹ Keristus kanan tiraʹ keʹ, ngan pemuyan nceʹ, uyan tedanaʹ iaʹ bulen, ngan puyan nyingan kuʹun penyukat Berua Tuhan. Pekina sukung dau heʹ pedenga Denga Injil neng puyan Keristus iaʹ man pungu keniga udip, ketai heʹ cen Yerusalim pa libut abeʹ tanaʹ Ilirikum.

KULUSE 1:23

Tuman ina, tekep lete ikem penco tudep neng usun tentan iaʹ salet ina. Ngan ayen ncem pedayo dulu ke ngala ikem neng tebelum ngkem iaʹ ikem lepa alaʹ tegoʹ kem kenahan neng tebelum ngkem iaʹ ikem lepa alaʹ tegoʹ kem kenahan dau Denga Injil ina are. Akeʹ ne Paulus iaʹ lepa tai nuyan ulaʹ ban tuman Denga Injil ina, iaʹ ina Denga Injil iaʹ lepa ban pedenga palaʹ kelunan kusun tanaʹ ini.