PEMUYAN 1:24 - Kenyah New Testament

²⁴ Kun nte lemameʹ, un dau re: “Ahaʹ Tuhan, ikoʹ iaʹ tisen kimet kelunan mung. Tiga hoʹ badaʹ cen dua usa dini, iaʹ mpi ikoʹ lemileʹ,

PEMUYAN 1:24 Iomraidhean Croise

LUKAS 16:15

Kun Yesus neng ida: “Mencam seʹ kem uyan diseʹ puyan ncem tai teneng kata taʹat kelunan, un sepuʹo Allah, ia tisen mung seʹ dalem kimet cem. Moʹ un iaʹ pelapa tiga dalem penaʹat kelunan, kuaʹ koʹ baʹan ca nek kata penaʹat Allah.

YAYA 21:17

Ketelu liwai Yesus kuma ha: “Simun anak Yaya, un ncoʹ malaʹ akeʹ mo?” Tai bahat ne tekaʹ kimet Peterus uban Yesus lemutu ia telu liwai: “Un ncoʹ malaʹ akeʹ mo?” ngan Peterus kuma neng ia: “Tuhan, tisen mung ngkoʹ, tisen te ikoʹ akeʹ malaʹ neng ikoʹ.” Dau Yesus neng ia: “Nubo tiga le dumba heʹ ne.

PEMUYAN 14:23

Ida dua pedengkep kudaʹ usa diaʹ ke tuʹa re neng singet singket Mpun diaʹ ngelan Tuhan. Mentung nte lemameʹ ngan lemalan abeʹ un uman. Kun nte pelek ida dina palaʹ Tuhan, iaʹ ukoʹ de lepa napi tebelum nte.

PEMUYAN 15:8

Ban Allah iaʹ tisen kimet kelunan mung. Tugen lan ban Tuhan Allah alaʹ dulu diaʹ tahaʹ awang Yahudi, moʹ o naʹ Berua Buheʹ mida koʹ baʹan ne naʹ milu are.

PEMUYAN 6:6

Mung nte dina, ida ngkin palaʹ diaʹ lawa Injil dina. Penco diaʹ lawa dina lemameʹ, ngan napoʹ ujoʹ de neng ida.

RUM 8:27

Un Allah iaʹ mile kedalem penawai kelunan, ia ngetisen inu iaʹ kimet Berua Buheʹ ina. Moʹ Berua Buheʹ ina lemameʹ Allah me diaʹ anun ne, bayaʹ ban pengubaʹ Allah.

IBERANI 4:13

Ca inu pe abeʹ senteng suhuk kata Allah. Mung inu iaʹ lepa nuyan kusun tanaʹ un pesik ngan luhaʹ kata taʹat te. Palaʹ ia lete ilu mung abeʹ senteng are ke mipa kuʹun pemuyan le.

PUYAN LUHA’ 2:23

Akeʹ ke lematai mung kelunan diaʹ bayaʹ ia, apan mung Mpun diaʹ ngelan Tuhan ke tisen ban akeʹ iaʹ lesan taʹat ke tisen kimet ngan pengubaʹ kelunan. Ngan akeʹ ke nyuaʹ neng singket singket usa hem bayaʹ ban pemuyan iaʹ ikem lepa ti.